هل فيه حكومه غير حكومتنا بالديره ..؟؟؟؟

الموضوع في 'السوق الكويتي للأوراق الماليه' بواسطة اساهيم, بتاريخ ‏5 أكتوبر 2008.

حالة الموضوع:
مغلق
  1. اساهيم

    اساهيم عضو نشط

    التسجيل:
    ‏11 مارس 2005
    المشاركات:
    787
    عدد الإعجابات:
    2
    انا قبل كنت اسمع يقولون ان فيه ناس اقوى من الحكومه وناس ما يردون الشور للحكومه بس ما كنت اصدقهم ..

    من يوم حنا صغار وحنا فى نظرنا ان حكومتنا هى الطرف الاقوى دائما ومحد يقدر عليها وهى اللى تخطط وترسم وكل كلمه تقولها تمشى ...الخ.

    عقب ما كبرنا صرنا نسمع ان فيه ناس كلمتهم تمشى غصب(ن) على الحكومه واللى يبونه يصير حتى لو الحكومه مو مقتنعه فيه ..

    صراحه وعقب اللى صار السنتين الماضيه تأكدت ان الكلام اللى نسمعه صحيح ..

    وان اللى عرفنا من يوم حنا صغار طلع كله حجى بحجى ..


    بتقولون شلون انا بقولكم ..


    الحكومه تقر الخمسين قبل اربع شهور ويصرح وزير الماليه عشرين الف تصريح وتطلع كل تصاريحه خرطى بخرطى ..

    الحكومه تقول انها بتضخ مليار ونص بالبورصه بس الحكومه الاقوى تقول لالالا ماكو مليار ولا هم يحزنون ..

    الحكومه تقول السوق آمن للدخول ..!!... والحكومه الاقوى تقول لالالا استريحوا ماكو أمان ..؟؟

    الحكومه تقول الاسهم مغريه للشراء وحكومة الظل تقول لالالا ماكو اغراء اعذبكم لو احد يشترى ..؟؟

    يعنى بصراحه وزير الماليه على الاقل يصير عنده دم ويستقيل على الاقل يحفظ ماى وجهه ..


    اللى صار اليوم دليل قوى على ان حكومتنا بسيطه وما بايدها الا توافه الامور مثل ازالة حدائق وتكسير مظله ..الخ ..

    اما الامور اللى عليه الكلام مثل المصفاة الرابعه وانهيار البورصه فما اعتقد ان حكومتنا مع احترامى الشديد لها ان بايدها شى ..


    جكومتنا للاسف Game over
     
  2. Doc30

    Doc30 عضو نشط

    التسجيل:
    ‏13 ابريل 2008
    المشاركات:
    1,192
    عدد الإعجابات:
    1
    كلامك جميل بس ما يصلح للمنتدى .راح ينشال
     
  3. nabeels8

    nabeels8 موقوف

    التسجيل:
    ‏23 يونيو 2004
    المشاركات:
    5,436
    عدد الإعجابات:
    1
    مكان الإقامة:
    في البيت
    مساء الخير

    صافي الكلام التجار بينهبون البلد وعينهم على الأموال المكدسه ويضغطون

    حتى تتدخل الدولة بكم مليار ويعطون الدولة البونات وأهم يأخذون الكاش

    أنا لو عن الدولة ما أدفع فلس حمر لهم ;)

    لأن مصيرهم وغصب على أكبر شارب فيهم لازم يصعدون حتى لا تصير

    أصولهم صفر

     
  4. اساهيم

    اساهيم عضو نشط

    التسجيل:
    ‏11 مارس 2005
    المشاركات:
    787
    عدد الإعجابات:
    2
    وليش ينشال ؟؟؟
     
  5. loss prevention

    loss prevention عضو جديد

    التسجيل:
    ‏7 نوفمبر 2007
    المشاركات:
    99
    عدد الإعجابات:
    0
    ياجماعة الخير هذي سوق في ربح وخسارة لا التجار لهم ذنب ولا الحكومه لها ذنب احنا دخلنا السوق بكامل ارادتنا ...يعني شلون لازم يقطون علينا فلوس عشان نقول والله خوش ناس ...
     
  6. اساهيم

    اساهيم عضو نشط

    التسجيل:
    ‏11 مارس 2005
    المشاركات:
    787
    عدد الإعجابات:
    2


    اوكى خلهم يعطون الحكومه البونات وياخذون الكاش بالاسعار هذى ..

    بس عقب فتره بيصير العكس بتعطيهم الحكومه البونات وتاخذ الكاش بسعر اعلى ..

    يعنى لو خذوا الكاش وين بيروحون مصيرهم بيردون ..
     
  7. Al-Thafeeri

    Al-Thafeeri عضو جديد

    التسجيل:
    ‏12 مارس 2008
    المشاركات:
    119
    عدد الإعجابات:
    0
    يا جماعه هذي البورصه من الله خلقها نازله صاعده مره بسبب ومرات كثيره بدون سبب والمصلحه العظمى للتجار اما صغار المستثمرين لهم الله
     
  8. nabeels8

    nabeels8 موقوف

    التسجيل:
    ‏23 يونيو 2004
    المشاركات:
    5,436
    عدد الإعجابات:
    1
    مكان الإقامة:
    في البيت


    هلا أخوي لا لا تخاف الحكومة عندنا ما يبيعون إلا على الصغار

    مخازن وصل السهم 6 ما باعووو

    الهواتف وصل 5 ما باعووو

    بيعت الوطنية ما أستفادو​
     
  9. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    الحكومه أبخص :confused:
     
  10. ourq8

    ourq8 عضو جديد

    التسجيل:
    ‏14 يوليو 2008
    المشاركات:
    31
    عدد الإعجابات:
    0
    أخ أساهيم

    طيحة البورصه مو طبيعيه بالنسبه لنا لكنها بمفاهيم البورصات العالميه شي عادي و متوقع
     
  11. hassanabass

    hassanabass عضو جديد

    التسجيل:
    ‏3 سبتمبر 2008
    المشاركات:
    472
    عدد الإعجابات:
    0
    اخوانى الحكومه= التجار
    التجار = الحكومه
    يعنى التجار والحكومه واحد.
     
  12. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    وايد حكمات موجودة غير حكومتنا

    ومثل الشارت تصعد وتنزل

    تقوى وتضعف حسب الاجواء ................. السياسية ;)
     
  13. الوافي ابو محمد

    الوافي ابو محمد عضو مميز

    التسجيل:
    ‏1 أكتوبر 2007
    المشاركات:
    6,146
    عدد الإعجابات:
    58
    أولا : موضوع شيق ويشكر صاحب الموضوع علي طرحه.

    ثانياً : معقوله ياشباب تبون التجار يخلون هالمناصب الحكوميه لكم تتحكمون فيهم وهل يعقل يجي وزير ويأخذ إجراء معين بدون إستشارة عمامه التجار مايجوز الشغله اللي صايره منفعه بين الطرفين.

    ثالثاً : هل تعلمون بأن التجار بينهم وبين بعض حقد وحرب بارده ومباشره وغير مباشره مثل حزب الخرافي والحزب الأخر حزب الصقر مع إحترامي لكلي العائلتين الكبار والكبير الله سبحانه وتعالي والضحيه هم بالأول والأخير صغار المستثمرون.

    رابعاً : سوق الكويت للأوراق الماليه فيه الربح والخساره للجميع والله الرازق
     
حالة الموضوع:
مغلق