الكويت مدعوة للمساهمة في تمويل «خطة الإنقاذ» الأميركية

[خبير النفط]

الواحد يقرأ المشاركات وما يدرى يضحك ولا يبكى , والكل يغنى على ليلاه او يبكى على موتاه

 

[adel1968]

كلامك عين العقل تحيه لك
صدام احتل الكويت واخذ النفط كله وبيوتنا واللي فيها وفلوسنا بالبنوك طارت بلحظه وشردنا
وفزعت لنا امريكا بفضل الله سبحانه ( بغض النظر عن مصالحها)
وطردت الكاولي وزبايله وقالت هذي ديرتكم وردينا لبيوتنا وحلالنا وماخذت امريكا نفطنا وخلتنا نصدر على كيفنا بالسعر اللي نبي ونقبض فلوسه كلها
ياجماعه ماينكر فضل امريكا الا اللي حظه ردي
وماجزاء الاحسان الا الاحسان
والله انهم زينين لولا بس دعمهم لاسرائيل
يستاهلون الامريكان نوقف معاهم ولاتصدقون كلام الهكره والحاقدين لان امريكا بفضل الله حررتنا منهم

اعتقد يا الغالي امريكا ما حررة الكويت علشان سود عيونا كل شي بحسابه وخذو كاش حتي اصبحت الكويت مديونه وانته وجم واحد يمجدون فيها روح عيش اهناك ليش قاعد اهني
وامريكا اساس المشكله وياريت الكويت ما تساعدهم خلهم اهما يحلون المشكله مثل ما سوها ولا وين راحت الفلوس لليهود طبعا لانه اكيد فيه خسران وفيه ربحان بس يا شطار منو الربحان انتو عاد فكرو فيها

 

[اشتراكي]

اعتقد يا الغالي امؤيكا ما حررة الكويت علشان سود عيونا كل شي بحسابه وخذو كاش حتي اصبحت الكويت مديونه وانته وجم واحد يمجدون فيها روح عيش اهناك ليش قاعد اهني
وامريكا اساس المشكله وشاريت الكويت ما تساعدهم خلهم اهما يحلون المشكله مثل ما سوها ولا وين راحت الفلوس لليهود طبعا لانه اكيد فيه خسران وفيه ربحان بس يا شطار منو الربحان انتو عاد فكرو فيها

عادل عليها امريكا بالعافيه وتاخذ اللي تبي ولولاها كان انت الحين تهوس: الله يخلي الريس الله يطول عمره
تقدر ماترقص لصدام؟؟ لاتسوي روحك بطل والحمدلله امريكا حررت الكويت ولو رادتلك ياقومي انت وربعك كان دجينا
بسنا تكبر كاننا مركز الكون والدنيا مصالح نوقف معاهم يوقفون معانا

 

[adel1968]

عادل عليها امريكا بالعافيه وتاخذ اللي تبي ولولاها كان انت الحين تهوس: الله يخلي الريس الله يطول عمره
تقدر ماترقص لصدام؟؟ لاتسوي روحك بطل والحمدلله امريكا حررت الكويت ولو رادتلك ياقومي انت وربعك كان دجينا
بسنا تكبر كاننا مركز الكون والدنيا مصالح نوقف معاهم يوقفون معانا

مشكور يا اخي علي الرد ولا يبيله تهويس انا وياك وشوية ماجداة تيبهم تمام
المهم يا اخي فكر شويه بس كبر مخك الله يهديك هل تتصور انه صدام كان يقدر يدش الكويت بدون موافقة امريكا ومنو له المصلحه انه العراق تدخل الكويت اعتقد كل شي واضح بس المشكله انه امثالك يفكرون حق يومين والامريكان يفكرون حق عشر سنين جدام وشلون ياخذون الكنز الاسود والتحكم فيه حتي يكونو اهما المستولين علي العالم شوف شصار وفكر شويه
ونسيت اقولك لا تقول لولا امريكا لولا الله والكنز المدفون يمكن الكويت ما تحررة يا الغالي الموضوع كبير لاكن انشالله هذا الرد يكفي يا خوي وانا ما ني قومي اذا تفهم شنو معنا القوميه تعال ناقشني يا الغالي

 

[Blue Chips]

لا تفهمون علط
هذا الشئ زين وسندات الحكومه الامريكيه اداه استثماريه الكل راغب فيها ويقدر يبيعها باي وقت وفايدتها احسن من الوديعه

 

[كوادر]

الخوف اذا نزل سعر النفط طبعا الحين متعودين على السعر الحالى و لا سمح الله ينزل على طول سياسه تقشف و زين يعطون رواتب لان الربع امسوين مدخول النفط سبييييل

 

[bo a7md]

لا تفهمون علط
هذا الشئ زين وسندات الحكومه الامريكيه اداه استثماريه الكل راغب فيها ويقدر يبيعها باي وقت وفايدتها احسن من الوديعه

كلام عقلاني ومنطقي فتدخلنا في خطة الانقاذ شي لمصلحة الكويت اولا واخيرا لان الكويت وبقية دول العالم تضع غالبية اموالها واستثماراتها في الولايات المتحده وليس في ايران وسوريا مثلا0

 

[كويتي 777]

ايييييييييه قال انفخ ياشريم قال ما من برطم ...للأسف الوضع في الديره من سيء الى اسوأ

 

[qatel4]

اللي مستانس بالسندات الامريكية وغيرها ترى البنوك اذا فلست ما تطول شئ من العم سام
وترى ال700 مليار يمكن ما تكفي يعني هم في احتمال تتبخر على مدى السنين الجاية الا اذا نجح اوباما طبعا انا ما اطبل له بس لأن الديمقراطيين يهتمون اكثر بالاقتصاد الداخلي والتنمية اكثر من الخارج والحروب
واحتمال في مرحله ثانية من الدعم
والنفط هم ممكن ينزل كل شئ وارد شنو اللي عندنا اياه تالي؟؟؟؟

 

[bo a7md]

اللي مستانس بالسندات الامريكية وغيرها ترى البنوك اذا فلست ما تطول شئ من العم سام
وترى ال700 مليار يمكن ما تكفي يعني هم في احتمال تتبخر على مدى السنين الجاية الا اذا نجح اوباما طبعا انا ما اطبل له بس لأن الديمقراطيين يهتمون اكثر بالاقتصاد الداخلي والتنمية اكثر من الخارج والحروب
واحتمال في مرحله ثانية من الدعم
والنفط هم ممكن ينزل كل شئ وارد شنو اللي عندنا اياه تالي؟؟؟؟

نعم نشوف مصلحتنا وين وندرس الفرص عدل وهي دعوه للمشاركه مو اجباري0

 

[المتدمر]

والله طرطره
خيرنا لغيرنا
لنا الله سبحانه

 

[qatel4]

في خبر سمعته ان الدعم الامريكي راح يرفع لل900 مليار خلال الايام الجاية