احذروا كل الحذر من شركة Kems

[فاضي حدي]

السلام عليكم

ياناس والله العظيم مالي مصلحة ولا بطيخ بالشركة هذي الزفت

وترى هالموضوع اكتبه ثاني مره لأن الي قبله كتبته ولما ضغطت ارسال فصل النت

انا اشتركت عندهم وللاسف لمدة سنة والحين الشركات مو مسوين عروض ولو في عروض زينه اروح اشترك عند اي شركة ان شاء الله دايل اب ولا اخذ من الزفت هذي

انا يوزري عندهم aziez

اذا في احد يشتغل بالباجلا اقصد بكيمز يقدر يطلع بياناتي ويدق علي

بشهر 3 بأرض المعارض راح تصير عروض على الانترنت

نصيحتي لوجه الله لحد يشترك عندهم لو ابلاش

انا جربت كوالتي وخدمتهم فوق الممتازة وفاستلكو ماجربتهم والله

لكن كيمز غلطت حياتي والله وياليت احصل اي عرض بشركات الانترنت وربي آخذه

لأن نظام اشتراكي سنوي ماحب الشهري وهذولا زهقوني من النت

 

[al36r]

الله يعينك اخوي

وشكرا علي النصيحه

 

[SFA7_Q8]

أنا مو فاهم مشكلتك وياهم ممكن تشرح أكثر

 

[c200123]

وين المشكلة اخوي ؟
يدق عليك شنو يبي فيك يعني ؟

 

[فاضي حدي]

أنا مو فاهم مشكلتك وياهم ممكن تشرح أكثر

اشتراكهم بطيء + يفصل + نصابين

يعني مره دقيت عليهم اقولهم

يقولي الموظف جرب غير وغير وعطاني طرق كثيره وانا كلها عارفها بس ماشي معاهم للأخر

لدرجة عندي راوترين واجهزه والحمدلله شغال على الكمبيوتر من سنة 93 لكن مايبي يقولك المشكلة من عندنا

لأن حتى صاحبي ادق عليه اساله يقولي مفصول عندي

يعني كل المشتركين مفصول عندهم بس هم نصابين وخدمتهم زفت

 

[فاضي حدي]

وين المشكلة اخوي ؟
يدق عليك شنو يبي فيك يعني ؟

اخوي يمكن انت جديد على الانترنت ماتعرف

اهم شيء في شركة اسمها كيمز لا تشترك فيها

 

[ابو غانم]

أنا مشترك معاهم صار لي 6 شهور ولا فيه أي مشاكل .. بالعكس هم أرخص من كوالتي وفاست تيلكو .

أنا ماني عارف شنو مشكلتك بالضبط لاني ماواجهت اي مشكله أبدا .

وخدمتهم طيبه والله .. مره أنتهى اشتراكي الساعه 12 بالليل آخر يوم . وكنت محتاج الانترنت ضروري وعطوني 24 ساعه لغاية لما اقعد الصبح واجدد اشتراكي والامور كلها سهلات عندهم .

 

[am7ag]

السلام عليكم

أول شي استهدي بالله

ثانيا أخوي أنا مشترك في كوالتي والسرعه تو جيجا والاشتراك شهري

لكن والله ساعات يعذبونا بالإشتراك يوم فاصل من عندهم ويومين من السنترال اللي عندنا

ومره يقول لك الخط ما يتحمل مع هذا كله مجبورين نشترك ولعلمك إحنا عملاء عندهم من خمس سنوات

بس بيني وبينك محد طقنا على إيدنا وقال اشتركوا غصب معاهم

عندك كوالتي وكيمز وفاست تلكو وإذا ما تبي عندك وصلة الإيقو أو وصلة الوطنيه

قول الحمد لله على كل حال

وآسف إذا طولت عليكم

دمتم بود

 

[فقير^و^مسكين]

اخوي انا الحين سنتين معاهم وعمره النت ما فصل معاي
ولا صادفتني ولا مشكله
عكس لما كنتي بكوالتي ما يمر شهر الا في مشكلتين عالاقل

ياخوي يمكن المشكله من خط بيتكم او من السنترال اللي عندكم !!

 

[mf5]

اخى انا شترك معاهم حوالى سنة الخدمة ممتازة
كولتى هى الى غالية على تجربتى معه

 

[snouman]

أنا مشترك معاهم صار لي سنة ورجعت جددت ولا فيه أي مشاكل

بالعكس تحصل معامله راقية من موظفينهم

بس يمكن المشكلة عندك من خط البيت

الله يعينك

 

[kuwaityvip]

انا مشترك في كيمز والشهاده لله شركه ممتازه وانا مشترك عندهم بنظام دفع شهري وصار لي تقريبا سنتين ما شفت منهم مشاكل والخدمه ممتازه ويشهد الله اني ما لي علاقه معاهم مجرد مشترك عادي لكن شهاده حق ولام اقولها ان الشركه ممتازه ومافيها مشاكل ولو فيها مشاكل ما استمريت عندهم كل هذه الفتره واشتراكي شهري مو سنوي

 

[Q8iiee]

والله ان مافي مصلحه بس كلمة الحق لازم تنقال ..
شركة كيمز أفــضل شركة موجوده الحين بالكويت برأيي انا مشترك صارلي قريب السنتين معاهم ولا يوم واحد فصل ولا حصلتلي معاهم مشكله الخدمه فوق الممتازه والدعم الفني على طول جاهز انه يساعد .. انا انصح كل واحد يشترك عندهم لأن عروضهم وايد حلوه

 

[mr-mac]

السلام عليكم اخوي صراحه انا صارلي ثلاث سنين اشترك عندهم وما صادفتني اي مشكله اظاهر انت تخيل المشاكل او الراوت مالك في شي

 

[bolbanat]

انا صارلي سنتين او اكثر مشترك في كيمز و ما واجهتني اي مشكلة وخدمتهم ممتازه

 

[طبيعي]

يوجد فلتر خاص لاشتراك الدي اس ال يمكن انت ناسي تركبة عشان جذي يفصل اذا احد رفع السماعه او اذا جاء اتصال للتلفون... لازم تركب فلتر على كل نقظه تلفون بالبيت.

 

[alsnafi]

الحمدالله اشتراكي سنوي من كيمز
ومن اروع ما يكون النت سريع ما يفصل
على العكس تماما من ايام معاناتي مع كواليتي

 

[gucci]

بالعكس طول عمري معاهم ومرتاح واهما ارخص شركة وما يفصل كلش!

 

[DENALI_Q8]

انا صارلي اربع سنين مع كيمز وما فيها اي مشكله الامور طيبه الحمدالله

 

[ECLE]

ما أخس من المربوط إلا المفتلت

كلهم شركات بدائية فاشلة والخدمة تجيب لك الجلطة والشلل النصفي ، مالت عليهم شركات تفشل لكن هذا الموجود حسبي الله وهو نعم الوكيل