احذروا كل الحذر من شركة Kems

[DENALI_Q8]

للعلم شباب اليابان بعد شهر بسوون النت عندهم واحد قيقا بايت وسعر الشهر ستعش دينار

 

[firask]

انا صارلي سنتين مع كيمز والحمد لله ولا مشاكل ولا اي شي من هذا الكلام

 

[فارس العنزي]

كنت مشترك بكوالتي العام وما شفت منهم إلا كل خير وخدمة ممتازه ، ولكن السعر kems أرخص بكثير ولنفس السرعة ، وغيرت إلي kems ، والحين راح يخلص إشتراكي لمدة سنة خلال شهر فبراير 2009 ، وصادفتني بعض المشاكل التي تحصل في أغلب الشركات ومحدودة وتعامل الدعم الفني بمنتهي الرقي ، وبصراحة أثنينهم ممتازين ولكن kems سعرها أرخص​

 

[AMIGA_VOICE]

يعني يا جماعة الخير والي يديد ويبي يشترك بسرعة 1 او 2 ميغا وين احسن مكان يشترك فيه أي شركة وخاصة حق الألعاب الأون لاين ماتبي تواجهك مشاكل بالشبك مع الشركة وين نصيحتكم

 

[ابو غانم]

أنا مثل ماقلت لك مشترك معاهم وكل شي تمام وقبل كان يفصل عندي كل شوي وأخير شي أكتشفت ان المشكله من الفلتر اللي بتلفون البيت طلع خربان وبدلته وبس .

انت لازم تشوف أغراضك كلها يمكن فيهم شي خربان

 

[فاضي حدي]

والله كل الردود صدمتني

ياجماعة المشكلة مو بس عندي حتى صاحبي ابيتهم

ونفس الوقت

يعني اذا فصل عندي اتصل عليه يقول حتى انا مفصول عندي

لو كانت مشكلة التلفون بالبيت ممكن بس شكو رفيجي يفصل عنده؟؟

انا راح اتصل عليهم واخلي فني يطلع للسنترال

يمكن المشكلة من السنترال!!!

وربي مصدوم

 

[kuwait79]

انا مشترك مع كواليتي صارلي سنتين

اشتراكي 512

بس مايعطيمي 512 احيانا يعطيني 150 او 120

بس بجرب كيمز وانشالله ارتاح على القيمز

 

[master_111]

انا مشترك مع كواليتي صارلي سنتين

اشتراكي 512

بس مايعطيمي 512 احيانا يعطيني 150 او 120

بس بجرب كيمز وانشالله ارتاح على القيمز

أخوي اذا كنت تشبك حق اللايف صدقني خلك على كواليتي احسن لك ،

اغلب الناس المشتركين مع كيمز و إلي يدخلون اللايف ( الأونلاين) بأي جهاز يتأذون منه ، لانه الاغلب ما يحس بسرعه النت إلا إذا دخل اللايف ، و هني اتوقع ناس قليله إلي تدخل اللايف عشان جذي الكل معتبر كيمز ممتازه ، لكن بالسرعه كواليتي اقوى توصلك السرعه أقوى من الشركات الثانيه ، هذا الكلام حسب تجربه مني و من ناس وايد غيري ، لكن من خلال الشبك العادي على النت يمكن ما تحس انه في فرق و راح تعاتب الشركه فقط وقت قطع الانترنت و لكن ما تقدر تحاسبها على السرعه إلي توصلك ، يعني بإختصار اشتراك كواليتي 1 ميقا أقوى من اشتراك كيمز 1 ميقا .

 

[Old_Nevy]

من حفر حفره لى كيمز وقع فيها
1-من احسن الشركات
2- احسن الاسعار
3-خدمه العملاء ممتازه
4-مشترك من سنتين منغير مشاكل
5-يوم قطعه الكيبل البحرى كانه الخدمه شغاله
وسلام

 

[الأبطح]

انا اضم صوتي لصاحب الموضوع وشتاااااااااااااااااااااااااااان بينهم
وبين الكوالتي وخدمتهم تعبااااااااااااانة ومهندس الصيانة عندهم يطنشششششششش
والحمدالله اني اشتركت لمدة شهر بس وغيرت عن الكوالتي لأني اخذت عروضهم اللي
بجمعية المهندسين
لما عيزت منهم قلت الله يخليكم شيلوووووووووووووو الجمبر وفلوسييييييييي ما ابيها عووووووووووووع
قالوا لازم تيي وتوقع على ورقة
وطاف الشهر ورجعت للكولتي ورجعت الخدمة احسن مايمكن وعلى فكرة الكوالتي
اذا اخذت 512 يعطونك ستمية وشي

وعندهم كانت السرعة فوق الصفر ولانهم فاشلين لا صلحوا الخراب ولا اهتموا بزبونهم
وفي الكوالتي حصل مشكلة مرة وعوضني بتمديد مدة الاشتراك

واتحدى اي واحد يلعب ان لاين (وور كرفت ) ومشترك معاهم

 

[ابو ريتاج]

اول ماقريت موضوع بصراحه كسرت خاطرى .... لكن بعد ماقريت ردود الشباب لقيت ان كلامك فى من الريبه مايدل عليه ...حيث ان اغلب الردود تدل على ان الشركه من افضل الشركات ... وقررت انى اشترك فيها ...اخوى اخاف انك موظف من احدى الشركات المنافسه....

 

[BlueOne]

السلام عليكم

يا اخ فاضي حدي ,, انا مشترك بشركة kems ومافيها الا العافيه واحسن من كوالتي واحسن من فاست تلكو لاني ما اشتركت فيها الا لما جربت هالحلوين فاست و كوالتي وثاني شي في شركة تعطيك خدمة زاجل ؟ وتعطيك كرت انترنت لمدة شهر مع اشتراكك ؟ وسرعتهم ثابته يقولك 512 خلاص اعتمد 512 مو فاست تلكو كل يوم اتصل عليهم وكل يوم مشاكل ومادري شنو وعلى شنو عاد اعور راسي kems ماكو منها !! اخ فاضي حدي وجهة نظر ونحترمها لكن اكتب قصتك مع كيمز مو تحذر الناس منها لانها شركة مافيها الا العافيه وثاني شي يعتمد على سرعة الاتصال مالتك وقواك الله

 

[BlueOne]

الابطح انا العب وار كرافت والشباب يلعبون عندي بالدوانيه وار كرافت ومافيها الا العافيه ويقولون الاق مو طبيعي يعني حلو يا شباب انتو تشتكون من شركة اكتبو سرعتكم !! تشترك بسرعه 32 كيلو بايت وبعدين تقولون لاق وشركة خايسه ؟؟

 

[rahy]

والله انا اشتركت كوالتي سنتين ما صادفت ولا مشكله وكيمز سنه عذبوني كل جمعه يفصلونه من صلاة الظهر لغاية 12 بالليل والحين فاست تلكو والسرعه دبل وصارلي شهرين ما واجهت ولا مشكله

 

[ابو غانم]

ياشركة كيمز رجاء عطوني أشتراك شهر مجانا تراني دافعت عنكم

 

[افتخر اني خليجي]

كل الشركات فيها عييوب ومشاكل ولكن بعض العيوب الواحد يتحملهه وفيعيوب لا والله الواحد يطفر بس كل هذا وصاحب الموضوع اايده هذي مشكلته ومن حرته يقول الى حصل معاه يمكن الى يبي يشترك يفكر ومشككوور

 

[وليد السعيدي]

السلام عليكم

اخوي انا صارلي اكثر من سنه مشترك مع كيمز واخذت اشتراك سنوي لانه اوفر

جربت كوالتي وجربت كيمز بصراحه كيمز افضل من كوالتي من حيث الخدمة والسعر .. وعلى فكرة انا استخدامي كلها قيمز اون لاين سلك رود وايج اوف كونان وحتى عن طريق البليستيشن 3 نلعبها اون لاين يعني من افضل ما يكون وعلى فكرة اقل شي نستخدمه اربع اشخاص وكلنا اون لاين ولا يفصل ولا شي .. احتمال يكون المودم خربان اللي عندك


وبصراحه كل الي اعرفه ويسألني عن الانترنت اقوووله يشترك بكيمز لانها افضل الموجود

والسلام ختام

 

[LighTninG]

الصراحه انا خلصت سنه معاهم والسنه الثانيه طاف عليها جم شهر

واشتراكهم من اروع ما يمكن ولا عندي اي مشكله

وحتى مثل ما قال اخوي اولد نيفي لمن انقطع الكيبل البحري كان شغال ومن اروع ما يمكن

بس صادفتني كذا مشكله ببدايه الاشتراك اول اسبوع بس وبعدها ما حاشني ولا شي الحمد لله لليوم ولا مشكله

ولا تجدد الاشتراك من النت واي مكان في خدمه زاجل بالمجمعات اقصد او المطار لك خدمه سبشل واسعارهم ولا اروع

وصدقوني يا جماعه اكثر من واحد من الربع عندهم كوالتي وكلهم يشتكون منهم لازم ما يطوف شهر الا في عطل معين عنده

ما تشوفون العروض الي قاعده تسويها تبي تلحق على عمرها وترفع من عدد زباينها منو يصدق تشترك 512 تصير 1 ميقا

حجي روح راجع شغلك شوف شنو في عندك غلط شي مركبه بالغلط شي ناسي تركبه

وان شاءالله يمشي شغلك تمام التمام





سلالالالالالالالامن

 

[maryooma-23]

مرحبااا

انا اشتراكي من كواليتي شهري و كله يفصل و اذا دقيت عليهم يقولون ندزلج الفني باجر ! و اذا وصل الفني يقولي خط البيت ما يتحمل.. و بعدها يشبك.. و يفصل.. ادق عليهم يقولون قاعدين نشتغل عليه.. و يوم جذي و يوم جذاك

بس للأمانه ما جربت كيمز.. و شكلي بجرب

تقبلوا مروري.... اختكم مرايم

 

[وليد السعيدي]

اختي مريومه انصحج تجربين كيمز ما عندهم هالسوالف :$