_____ منو مستعد يجازف بالسوق هالايام _____

[ميكانيكي]

السلام عليكم

منو فيكم له قلب ومستعد للدخول هالايام ومقتنع بهالاسعار ؟؟

الرجاء المشاركه .. لمعرفة نفسياتكم

ليست دعوه للشراء

للعلم .. الدخول بقصد الاستثمار وليس للمضاربات السريعه

 

[دكتورنت]

انا كيشت بخساره تعور قلب الاعداء... ولكني ممكن اغامر بداية الاسبوع المقبل

ولو اني على يقين بان السوق لن يثبت إلا بداية الربع الاول من السنه القادمه

 

[vartona]

امس و اليوم اللعب مع مباني من الصبح ... بس اليوم اخترعت اعترف

 

[ميكانيكي]

اكرر

ليست دعوه للشراااء والمضاربه

 

[bo5aled]

السلام عليكم

منو فيكم له قلب ومستعد للدخول هالايام ؟؟

الرجاء المشاركه .. لمعرفة نفسياتكم

ليست دعوه للشراء

الظاهر أخوي ميكانيكي قلت : خل أغير العنوان شلي بالطلايب باجر يقولون و صيت على الدخول

آنا ناطر كم سهم يلمسون الدعم وادخل عليهم بس ليلحين ما حددت و طبعا خروج فوري اذا كسروا الدعم واذا ترشحلي أسهم معينه و انت خالي من المسؤولية أكون شاكر لك

 

[المجموعي]

باااااجر
بأذن الله

 

[vartona]

اكرر

ليست دعوه للشراااء والمضاربه

اذا شذي انطر ادور القاع اول

 

[ميكانيكي]

الظاهر أخوي ميكانيكي قلت : خل أغير العنوان شلي بالطلايب باجر يقولون و صيت على الدخول

آنا ناطر كم سهم يلمسون الدعم وادخل عليهم بس ليلحين ما حددت و طبعا خروج فوري اذا كسروا الدعم واذا ترشحلي أسهم معينه و انت خالي من المسؤولية أكون شاكر لك

اي والله

بطلت وتحسفت .. خوفك تنعاد علي ويلوموني
_________

اكرر

ليست دعوه للشراء

 

[الغربه]

انا لو عندي كاش ادش على تمويل الخليج سعره حيل مغري

 

[المجموعي]

انا لو عندي كاش ادش على تمويل الخليج سعره حيل مغري

ديييييييييييييييييييييييييييييييييييييييييييييير بالك

السهم قاعد يتكيش

 

[Strategy Stock]

نصيحة خل فليساتك عندك لين ما تتضح الرؤيه

للحين السوق ما خلص نزول للحين ما طاب خاطرهم من النزول
واذا تقول الاسعار الحين رخيصه ترا باجر ارخص
حط نفسك في هالموقف قبل شهر شكنت بتقول؟؟ الله والله اسعار الاسهم بلاش
زين الحين شرايك مو ارخص ؟

حاول تستشرف المستقبل شنو مصيرك لو شريت الحين باسعار تعتقد انها رخيصه ونزلت بعدين اكثر شبتقول !!؟؟ والله حسافه لو ناطر شوي جان اخذت بسعر اقل !!

خلي حكمتك : ان تفوتك فرصة ربح خير من أن تتكبد خسارة
ترا الدنيا مو طايره والسوق ملحوق
خله يستقر بعدين لكل حادث حديث

 

[caca]

السلام عليكم

منو فيكم له قلب ومستعد للدخول هالايام ومقتنع بهالاسعار ؟؟

الرجاء المشاركه .. لمعرفة نفسياتكم

ليست دعوه للشراء

للعلم .. الدخول بقصد الاستثمار وليس للمضاربات السريعه

طال عمرك يدشة اهل السوق المخضرمين....
اما الى جديدين على اسوق يبى يفلت ابجلد....

 

[عندك سلف]

لنفترض الدخول بمحفضة وهمية غدا على الاسهم التالية والبيع بعد يومين:

بيت التمويل الكويتي 1840 فلس.... المبلغ المطلوب (4600)

أعيان 280 فلس...المبلغ المطلوب(2800)

وطنية 300 فلس المبلغ المطلوب(3000)

أسواق 280 فلس (2800 دينار)

العمولة 20 دينار تقريبا

المجموع 13220 دينار

 

[mohabbas]

الشغل بداية السنة اليدية يااخوى

 

[rahaly]

سلفني مليون واذا مادخلت ...مستعد ما اراويك وجهي سنتين

 

[الجابر]

صحيح إني كيشت 75 % من محفظتى قبل أسبوع وأكثر وللأسف الشديد بخسارة مدوية

وصحيح إن السوق كل ماله بالنازل من سيئ إلى أسوء

والوضع العام للسوق يخوف وما يطمن

لكن للأسف الشديد كل يوم أراقب فيه السوق أتحسف على فرص تضيع من بين إيدى كان ممكن تكون فيها فايده وتعويض للخسارة

لذلك ....... رديت مره ثانية للسوق رغم قناعتى بأن السوق مقبل على إنهيار حقيقى

تدرون ليش ......... لأنى أصبحت مدمن بورصة وما أقدر أشوف دينار بمخباي من غير ما أشترى فيه سهم

عرفتوا ليش أرغب بالدخول ....... وهذا حال غالبيه اللى صوتوا ...... والله أعلم

 

[gh00000st]

ترا الديره متروسه فلوس وكلمن ناطر السوق يكع بريك خفيف علشان يدش , فتفائلوا بالخير تجدوه انشالله.

 

[فرصة]

سوق مامنة فايدة بهذى الوقت

 

[Buffett]

انا ودي ادش يابو المكنكه .. وصصصصصصصصصصصصصصصصصصصص ونحن من خلفك ^_^

 

[بو لولوة]

ديييييييييييييييييييييييييييييييييييييييييييييير بالك

السهم قاعد يتكيش

أخوي ممكن تفسر أكثر ؟ منو قاعد يكيش ؟