عليكم بأبى ميه وأجلوا أغراض الجمعيه

[hamad70]

أخوانى عليكم بأسهم أم ميه وفوق شويه وأبشروا بأحدى أثنتين أما الفلس والخساره وهذا مستبعد وأما البنتلى والعماره وهذا ما أراه يلوح فى الأفق..

اللهم أنى بلغت اللهم فأشهد

 

[NOCOMMENT]

أنا الصراحة ودي اعرف ليش عاجبكم ابو 100 ؟

ياترى قصدكم ماراح ينزل اكثر مثلا ؟ ولا شالسالفه بالضبط

ممكن احد يوضحلي واكون شاكر له

 

[hamad70]

أنا الصراحة ودي اعرف ليش عاجبكم ابو 100 ؟

ياترى قصدكم ماراح ينزل اكثر مثلا ؟ ولا شالسالفه بالضبط

ممكن احد يوضحلي واكون شاكر له

أنت شرايك وشيقولك قلبك وشيشور عليك عقلك ؟؟

شنو أريحلك نفسيا تاخذ بزين بالسعر الحالى أو الصناعات أو التمويل أو تاخذ بصكوك أو الصفوه أو دانه أو البحر أو أى سهم أخر يم الميه أو فوق شويه ؟؟

 

[Doc30]

أنا الصراحة ودي اعرف ليش عاجبكم ابو 100 ؟

ياترى قصدكم ماراح ينزل اكثر مثلا ؟ ولا شالسالفه بالضبط

ممكن احد يوضحلي واكون شاكر له

عدل اخوي .القصد منه انه هذي القيمه الاسميه للسهم . وصعبه ينزل تحتها مع ان قاعد انشوف المستثمرون وصل 89 فلس وعدة اسهم سكرت بين ال 100 و 110 فلوس. الله العالم وين بودون الاسهم

 

[السعد محمد]

احسن ما فيها

انها ما فيها زيادة راسمال
يعني

ابو دينار

ممكن يطلبون زيادة راسماله ب 500 فلس .. واذا ما غطيت الزيادة راح يتفسخ ويصير سهمة ب 750 فلس ... يعني تحتاج الى سيولة ...

اما ابومية فلو زادوا راس المال لا تزيد ولا راح يتفصخ السهم

 

[NOCOMMENT]

أنا مسيل بخسارة

بس بقى سهم الامان صار كسر وبسوق الكسور ماعلية طلب الا نادرا

فاشرايك ابيعه ولا اشترى كسر واكمله وحدة؟ ولا اشترى ابو 100

 

[مضارب شجاع]

كل شئ ب 100 فلس ، سوق بو ميه
من استرخص اللحمه خانته المرقه .

 

[hamad70]

كل شئ ب 100 فلس ، سوق بو ميه
من استرخص اللحمه خانته المرقه .

واللى أشترى زين والصناعات والوطنى بالعالى شدعوه طلعتله مرقة لحم بباميا ولا مرقة هامور ..

مرقة هوا لا وبارده بعد .

على فكره أنا أقصد الأسهم اللى خسرت ما يزيد عن ال 70 % أو يزيد .

 

[bobader77]

الخدعة الجديدة بو مية

نصيحة لوجه الله
الاسهم متجه الى النزول وما راح سعر ميه فلس يوقفها
الخدعه القادمة بيع اسهمك وروح للامان حق اسهم بو ميه
السوق القادم سوق جديد بأسعار جديدة
يعني اسهم بو ميه راح تشوفها بخمسين مع المدة
يعني اللي خسر نص فلوسه بالاسهم الثانيه
يعتقد انه راح يلجأ للمأمن حق اسهم بوميه وبومئه راح يصير بوخمسين وراح يطير النص الثاني ويقعد على ربع مبلغه
انتظر هدوء العاصفه والسوق لما يركد وخل ينجلي غبار المعركه وبعدين اخذ سهم بو ميه حتى لو بميتين فلس بس يكون السوق صعود مو سوق انتحاري
لا تخدعكم الاسعار ومنو يقول السهم ما ينزل عن المية فلس
سألو عن اسعار 1997

 

[مضارب شجاع]

نصيحة لوجه الله
الاسهم متجه الى النزول وما راح سعر ميه فلس يوقفها
الخدعه القادمة بيع اسهمك وروح للامان حق اسهم بو ميه
السوق القادم سوق جديد بأسعار جديدة
يعني اسهم بو ميه راح تشوفها بخمسين مع المدة
يعني اللي خسر نص فلوسه بالاسهم الثانيه
يعتقد انه راح يلجأ للمأمن حق اسهم بوميه وبومئه راح يصير بوخمسين وراح يطير النص الثاني ويقعد على ربع مبلغه
انتظر هدوء العاصفه والسوق لما يركد وخل ينجلي غبار المعركه وبعدين اخذ سهم بو ميه حتى لو بميتين فلس بس يكون السوق صعود مو سوق انتحاري
لا تخدعكم الاسعار ومنو يقول السهم ما ينزل عن المية فلس
سألو عن اسعار 1997

صح كلامك بو بدر
يعنى مو معقوله الاسعار الثانيه تنزل وسهم بو ميه ثابت على سعره لازن ينزل معاهم ويمكن يوصل 10 فلوس بعد

 

[mohabbas]

الأزمة تتفاقم.. والمتداولون على شفا الإفلاس