يا أخواني أحد عنده خبر أو معلومات عن الرهن العقاري والإجارة

[ابو محمد الكويت]

يا أخواني أحد عنده خبر أو معلومات عن الرهن العقاري والإجارة أنا أسمع معلومات لكن ماني متأكد اللي عنده شي يعلمنا ؟ ومشكورين

 

[ابو محمد الكويت]

للرفع

 

[kuwaiti_zoom]

أخوي بومحمد شاللي تقصده ؟
الرهن العقاري بالكويت وألا أمريكي ؟
أنا سمعت أن الكويت فيها رهن عقار لكن ماصدقت لأن الشيخ جابر الله يرحمه مانع هالشيء نهائيا رهن البيت الخاص

 

[ابو محمد الكويت]

الرهن العقاري الكويتي للسكن الخاص أحد سامع شي عنه وشاكر للجميع

 

[ابو محمد الكويت]

للرفع

 

[ayham]

حبيبي الرهن العقاري اذا كنت تقصد السكني منه فهو ممنوع بحكم القانون أما رهن العقار التجاري او الاستثماري فهو مسموح به وان كانت أغلب الشركات التمويلية تبتعد عنه
وحاليا بالظروف الحالية فهو مستحيل.

 

[FOCUS]

حبيبي الرهن العقاري اذا كنت تقصد السكني منه فهو ممنوع بحكم القانون أما رهن العقار التجاري او الاستثماري فهو مسموح به وان كانت أغلب الشركات التمويلية تبتعد عنه
وحاليا بالظروف الحالية فهو مستحيل.

ممكن توضح أكثر أخوي (ayham ) شنو (العقار التجاري او الاستثماري) وإي الشركات اللتي تعطي قروض ؟؟؟؟

وشكرا لك ...؟؟


أخوك فوووووكس

 

[3lgm]

التجاري اهي المجمعات وما شابه , أما الاستثماري فهو العمارات السكنية .
أما بالنسبة حق الشركات اللي تمول , فقبل كان التمويل والبنوك كافة , وشركات مثل دار الاستثمار وأعيان وإسكان , وكانوا يشترطون دفع 40% حق المرابحة , و 20% حق الإجارة.
أما بعد الأزمة فمحد حالياً يسلف.

 

[عصويد]

الايجاره قبل تدفع 30%من قيمة العقار لاكن الحين أنا راعتهم قبل شهر تدفع 50% هذا اذا وافقوا ومو اي شخص لازم تكون عميل سابق ويشوفون حركت الحساب وهل عندك عقارات اخرى أم لا.

 

[frozen]

الرهن العقاري الكويتي للسكن الخاص أحد سامع شي عنه وشاكر للجميع

اخ بو محمد الوضع لا زال كما كان و ممنوع المتاجره بالسكن الخاص للبنوك و الجهات التمويليه

 

[frozen]

الايجاره قبل تدفع 30%من قيمة العقار لاكن الحين أنا راعتهم قبل شهر تدفع 50% هذا اذا وافقوا ومو اي شخص لازم تكون عميل سابق ويشوفون حركت الحساب وهل عندك عقارات اخرى أم لا.

اخي الكريم( الاجاره) الان علي العقار الاستثماري او التجاري فقط اما السكن الخاص ممنوع لاي جهه تمويليه ان تتاجر فيه

 

[عصويد]

أنا اتكلم عن الاستثماري وتجاري,فقط

 

[تفائلوا بالخير]

بالنسبة للتجاري والاستثماري موجود اما السكني ممنوع والطريقة توقع مع الشركة او البنك الممول وعد استئاجار اذا قامت الشركة بشرائه من مالكه الحالي وتكون قيمة الاجار هيا القيمة الاجماليه للعقار وبعد الشراء توقع مع الشركة المموله عقد اجار مع وعد بالشراء لمدة سنه ويكون ملزم للشركة ويدفع جزء من القيمه على شكل اقصاد شهرية وبعد سنه تقوم الشركه بتحويل العقار باسم المستاجر الواعد بالشراء ويتم الرهن

 

[الفال الطيب]

شنو صار على موضوع الاجاره اللي توقف حق بيت التمويل بخصوص اللي شارين وباقى كم شهر تنتهي مدته , شنو صار معاهم , هل مددولهم ..؟؟