الركاده زينه و الكاش عزيز ( نزول الداو 500 نقطه اليوم )

[abu Essa]

السلام عليكم

الله يصبرنا على الوضع, و الامل موجود و الحمد لله على الصحه و العافيه
الحذر سيد الموقف ترى تداعيات الازمه لم تنتهي و السوق الامريكي ما استوعب الاخبار الايجابيه من وزير الخزانه بعد ( شراء سندات ب 1.3 تريليون ) و يقولون البورصه يبيلها اثنين (قلب أسد و عين ذيب ) لكن اللقافه الكويتيه وصلت العالميه و لا خبري سمعت بذيب ملقوف :d

 

[abu Essa]

الذيب ينام و عين مفتحه و الاخرى مغمضه, لكن اليوم عيونه الثنتين مفتحه

 

[alshammery]

اقسم باللة العظيم انى مكيش فوسى كلها 100% والاسعار لقطة وخاصة اللى صارت تحت 100 فلس ولكن للحين متخوف من الدخول على قولة الاخوان باشر تلقاة ارخص لانى شايف ان الازمة خارج السيطرة المحلية ودام الاسواق العالمية هبوط ماعندى امل انى ادش لاتقولون تحليل ولاغيرة انا اشوف التحليل حطوة على صوب الحينواذا حدث ارتداد اتوقعة وهمى وراح ادش واطلع بنفس اليوم وادعوا للمتدبسين ان اللة يعينهم ويصبرهم فالمال عديل الروح وتعبنا واحنا نجمع فية وبعدين يتبخر بسهولة

 

[abu Essa]

الداو و السعودي و العماني نزول - 500 القطري -700 , الحمدلله الكويتي - 160
اذا السوق الكويتي غير مرتبط تماما بالاسواق الخارجيه؟

 

[abu Essa]

الياباني هبوط حاد 9% , و الاسواق الاسيويه نزول قوي
الحكومه البريطانيه تعلن خطة انقاذ لكن الاسواق الاوربيه لم ترد التحيه بعد , نزول بين 3-5% الى الان
( الركاده حلوه )