بما ان اسعار بعض الاسهم وصلت الى ما دون القيمة الدفترية , اذا يمكننا المطالبة بحل الشركة ( بيع الاصول ) و استرداد اموالنا . ادري بيطلع البعض و يقول : ما يصير , لازم جمعية عمومية غير عادية شرايكم فى الفكرة ؟
المصيبة الشركات التى سقطت اقل من القيمة الاسمية شركات ومجالس ادارات لاتستحى عيب والادهى والامر الناس موعارفة الاقتصاد قوى والاسهم بانهيار نطالب مجالس الادارات بالدفاع عن القيمة الاسمية فقط
مشكلتنا انا بس نحجي وما نسوي يعني ياخذنا الحماس في الاول وعقبها بشوي نطخ وننسى اذا انت جاد ومعزم، جمع لك جم واحد من المساهمين في هالشركة وروحوا رفعوا قضية، وإذا ما لقيت احد او محد له خلق، فروح انت بنفسك ادري ان هذرتنا اكثر من افعالنا ... بس خلني اصدق هالمرة
والله يا اخ بوجاسم 2 كلامك عدل و الشكوى لله احسن . لكن تقدر تقول موضوعى يعتبر اقتراح لحل الازمة , اقترح حالى خلق الله اللى زادت اقتراحاتهم هاليومين . اعتقد ا قتراحى واقعي اذا اقر قانون بحق نسبة من المساهمين بتصفية الشركات فى حالة نزول الاسهم تحت القيمة الدفترية , فى هالحالة كبار الملاك يحافظون على الاسعار اكثر من القيمة الدفترية . شرايكم بالاقتراح ؟ داو جونز + وول ستريت + الرهن العقاري + الدول السبع , اذا يبون اقتراحات انا جاهز و كل شى بسعره
انا وياك باللي تقوله يا خوي بوسليمان بس من حرقت القلب قاعد اقول هالحجي ومثل هالاقتراحات وكثرتها لابد انها راح تأثر بيوم من الايام بواحد واذا بلش واحد، فراح تشوف 100 واحد وراه بيرفعون قضايا بس مو عن شي، لا ، بس حسد هههههه يعني ليش فلان يرفع قضية وانا ما ارفع؟ شنو احسن مني ؟ ههههههه لله المشتكى
