ساااااعدوني ضروري

[Nice-Ice]

اخواني انا مااعرف حق السوق ولا شي بس انا شايف اسهم كانت قويه ومرتفعه .. نزلت وصارت ب 100 فلس اقدر اشتريهم ؟ وشلون ؟ وجم سهم اقدر اشتري .؟ او وين اروح علموني الله يخلييييكم وشنو احسن اسهم برايكم الي ممكن ترتفع مره ثانيه

 

[بوجاسم2]

ييتك طاير اخوي
قلت يمكن محتاج سلف :d

دام انك داش بقوة على سوقنا سوق بو 100 ، يعني عندك خردة

ما تسلف الربع هني بالمنتدى، تره كلنا صرنا عالحديدة :d

 

[anacardia]

اخوي العزيز كل اسهم الشركات اصبحت اسعارها مغرية للشراء بس اذا استقر السوق وهدئت حالة الفوضي والخوف والارزاق بيد الله سبحانه ....بس نصيحتي لك لا تدش بالسوق بدون علم ومعرفة ودراسة لانه مايرحم .....اما عن فتح الحساب للتداول فهو سهل جدا والوسطاء كثيرين .

 

[fsg70]

اخواني انا مااعرف حق السوق ولا شي بس انا شايف اسهم كانت قويه ومرتفعه .. نزلت وصارت ب 100 فلس اقدر اشتريهم ؟ وشلون ؟ وجم سهم اقدر اشتري .؟ او وين اروح علموني الله يخلييييكم وشنو احسن اسهم برايكم الي ممكن ترتفع مره ثانيه

أخوي الله يرزقك دخل فلوسك وأنتظر لا تستعجل وأحرص أنك تاخذ المشوره النافعه والسهم النظيف مجلس أداره وأرباح​

 

[بوجاسم2]

تبي نصيحتي يا الاخو ؟

صج ان الاسعار الحالية مغرية جدا، بس مع هذا، إذا عندك بيزتين فخلهم لك ولعيالك
ولا اقولك ... روح سافر فيهم

لأن البورصة ما وراها إلا حرق الاعصاب وضياع الاموال

وانا نصحتك لله

وباجر تتذكر كلامي

 

[Nice-Ice]

اخوي انا بدش بمبلغ بسيط يعني لو خسرته ماراح اتضايق .. بس علموني جم سهم الحد الادني اني اقدر اشتري وشلون او وين اشتري وشنو الخطوات قولولي

 

[Nice-Ice]

يا جماعه قولولي الخطوات

 

[Navigator]

يا جماعه قولولي الخطوات

تفتح حساب بالمقاصه بمبنى البورصه

تروح لبنكك تحول المبلغ لحسابك اللي في المقاصه

وبدربك بالسوق مر على مكاتب الوساطه اخذ رقم واحد فيهم ودق عليه عشان تشتري ولازم تسلمهم وصل التحويل اللي من البنك وسلامتك وتعيش

 

[حفار قبور]

خش فليساتك ولا تدخل الگرگور

إنحااش

 

[loss prevention]

طق واسلم علي فليسات عيالك ابركلك نصيحه من القلب لاتدخل لاتدخل لاتدخل السوق

 

[kloudali]

اخواني انا مااعرف حق السوق ولا شي بس انا شايف اسهم كانت قويه ومرتفعه .. نزلت وصارت ب 100 فلس اقدر اشتريهم ؟ وشلون ؟ وجم سهم اقدر اشتري .؟ او وين اروح علموني الله يخلييييكم وشنو احسن اسهم برايكم الي ممكن ترتفع مره ثانيه

انصحك دش على بنك اثمار

 

[kloudali]

طق واسلم علي فليسات عيالك ابركلك نصيحه من القلب لاتدخل لاتدخل لاتدخل السوق

ليش السوق الحين وقت الدشه