تصرفات متجدده قبيحه ,, ضاعت في حلها النصيحه

TAHOE

عضو مميز
التسجيل
7 يوليو 2008
المشاركات
4,260
تمر علينا يوميا بعض التصرفات من البعض يمجها المجتمع ويستقبحها ولكن

هذه التصرفات لا تزال نراها مستمره رغم التذمر الاجتماعي عليها ورغم

الهتافات العاليه والواطيه بنبذها ,, وهي كثيره ولكن اورد جزءا بسيطا منها

لعل وعسى ان ينتبه لها من يقترفها ويجعل في قلبه احساس ويخفف من وطئتها على خلق الله ولا يقرفهم بها

1- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا

2- تدخل الوزاره وعندك معامله ,, ما تلقى الا موظف واحد على الكاونتر ,, تروح وانت مستعجل تبيه يخلص معاملتك ,, يرن نقاله ويشيله وهات ياضحك وسوالف بايخه ونكت ,, وانت واقف مثل طنبور الطين وله دايرلك بال ,, ان حاجيته وا ويلاه وان سكت وا ويلتان (( حس يا اخي بالمراجعين وخل عندك دم مثل ما اهو يه يراجع عندك باجر انت يصادف تراجع عنده )) هل تحب انه يعاملك مثل ما انت عاملته؟؟

3-تدخل مستوصف وله مكان عام عليه اشارة ممنوع التدخين واخينا قاعد تحت العلامه ويجثح زقاير (( مال تشيل العلامه وتبط راسه فيها )) لان يمكن موشايفها

4- ياي من الدوام تعبان ,, كليت الغدا ,, تووك حاط راسك بتقيل اشويه ,, يرن نقالك ,, ومن الطرف اللآخر تسمع : شلونك بوفلان وشلونك بعد والله يا بو فلان باجر بييك واحد وعنده معامله وشوفه تكفه ترى عزيز عليي وايد ,,
(( يا ثقل طينتك ثقلاه ,, يعني الاخ بييني باجر وانت داق عليي ها الحزه ))مافيك صبر لمه المغرب تدق على الواحد واهو فايق ورايق


5-يتصل فيك مكتب الوكيل ,, الو :: لو سمحت يا بو فلان يقولك الوكيل ان فلان الفلاني خله يروح ويي على راحته ولا تخليه يوقع ,, انزين ياحضرة الوكيل مادام هذا الشخص يعز عليك وتحبه نقله في مكتبك وخله على راحته ولا تغث الموظفين فيه

5- تدخل مطعم وجبات سريعه بالاعياد او في الويك اند ,, تصف دور وزحمه ,, اخينا اللي جدامك مو عارف شنو يطلب ,, لا ويبي يتكلم انجليزي ما يفهمه حتى الهندي ,, ويعطل الدور نص ساعه ,,(( يا اخي اكتب طلباتك وطلبات المدام في ورقه اصغيره واذا ييت للكاشير اسرد عليه طلباتك وخلص )) وراك ناس تنطر

5-بوفيه في صالة افراح او فندق ,, اييك واحد يوقف على البوفيه وقفشته بيده وياكل من هذا وذاك والناس وراه تنطر,, اول شي ذوقيا مايصير ثاني شي عطلت الناس اللي بتاخذ شغلها من البوفيه وتقعد (( والله عديم احساس ))

6- طالع البر ,, الجو حلو ,, وقاعد اتمشى والبر واسع ,, يمر عليك واحد بالسياره او البقي او السيكل ويحفك ورررررررررررررررررررررررر ويطير عليك الغبار ويعكر عليك الجو اللي انت عايشه (( ليش تأذي خلق الله, الله ياذيك ))

7- داش السينما ,, شريت ناشوز ونفيش وبيبسي حتى اتمتع بالفلم البايخ اللي داشله ,, تشوف واحد يايك من ابعيد دازه وملتفت وراه يحاجي رفيجه او اعياله ,, اتوخر عنه حتى ما يدعمك عمي القلب يلف وراك ,, لمه بمممم ,, وشوف عاد اصار بالناشوز والبيبسي والنفيش يا ساتررررررررررر
انزين يا عمي القلب اذا بتلفت اتحاجي واحد , تصنم ابمكانك وحاجه لا تاذي الناس

8- خدامه معاشها 30 دينار ولو حسبنا اكلها نقول تصير 45 دينار ,, عملها من 6 صباحا حتى 11 مساءا ,, (( تلبس اليهال -تزهب الريوق للبعل والمدام -والعيال - تغسل السياره والحوش -تغسل المواعين وتطبخ الغدا - تلبس البيبي حفاضاته ,, ووووووووو ))
لو سوينا حسبه بسيطه 45دينار/30يوم = 1.5 دينار باليوم ,, كل هالاعمال بدينار ونص , لا وما يعجب النسره ,, سب ,, وضرب وتسفل ,, طبعا البعض مو الكل (( ارحمو من في الارض يرحمكم من في السماء ))

9-صافط بسيارتك بالمصفط عدل ,, تطلع تبي تركب سيارتك تلقه واحد صافط وراك وساد عليك ,, تنطر حضرته وتعد الدقايق والايام ,, ايي حضرته او حضرتها وي/تدق السياره سلف وتمشي واذا تكرمت او تكرم عليك بكلمة آسف (( وين اصرفها ؟؟))

10-ماشي على الخط السريع 130كم اقصى اليسار يعني ملتزم بالسرعه وفوقها حبه ويمينك سيارات وجدامك سيارات
وييك واحد امشوت ما يدل دوسة البريك وينها ويكبس لك بالليت ويلزق فيك (( انزين يا اخي وين اروح خل عندك دم اشويه ,, شوف الحوادث اليوميه والوفيات والاعاقات كلها بسبب الحواد (( انها لا تعمى الابصار ولكن تعمى القلوب التي في الصدور )) ميت قلب

11- بتلف u-turn وله ناطر عند كاشير محطة البانزين ,, اييك اخينا بالله عديم الاحساس من فوق كل هالسيارت يبي يدخل قبلهم او يلف قبلهم (( ليش الناس اللي واقفين بسياراتهم بالدور اقطاوه وله قيطونات )) خل عندك احساس ,, لو انت واقف وايي واحد يدخل عليك هالدخله ترضى ؟؟ اذا ما ترضى هالشي لنفسك اشلون ترضاه على غيرك وتتعدى على حرياتهم ؟؟

12- عنده ارتداد جدام بيته ,, يكفي يسوي فيه جاخور ,, تلقى اخينا زارع الكوني كاربس عند الرصيف ,, الناس ما تقدر تمر الا اذا انزلو بالشارع ,, ولا الناس بسياراتهم يشوفون الشارع الفرعي ,, واالله حاله ,, والله ما شفنا هالشي الا بالكويت ..

هذا غيض من فيض ,, متى تنتهي هذه السلبيات من مجتمعا ؟؟

نأمل ذلك حتى نتمتع بمجتمع هادئ ونكون في صفوف المجتمعات الراقيه
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا
صج التصرف هذا صار عاده عند الكويتييين بكل مكان الله يبعدنا عنه

شكرا لك ملاحظات طيبه
 

باب عوود

عضو نشط
التسجيل
31 ديسمبر 2007
المشاركات
3,570
الإقامة
كيفان دار السعد
والله كلامك عين الصواب ولكن هل هولآء الناس سواسيه
بالتفكير الذي تفكرفيه انت طبعآ لا , معناه تجر الرياح بما لا تشتهي السفن
بارك الله فيك واكثر الله من امثالك
 

nestla

عضو نشط
التسجيل
20 ديسمبر 2007
المشاركات
1,618
11- بتلف u-turn وله ناطر عند كاشير محطة البانزين ,, اييك اخينا بالله عديم الاحساس من فوق كل هالسيارت يبي يدخل قبلهم او يلف قبلهم (( ليش الناس اللي واقفين بسياراتهم بالدور اقطاوه وله قيطونات )) خل عندك احساس ,, لو انت واقف وايي واحد يدخل عليك هالدخله ترضى ؟؟ اذا ما ترضى هالشي لنفسك اشلون ترضاه على غيرك وتتعدى على حرياتهم ؟؟

مافي ادفش من هالموقف , لاوبعد يعصب عليك اذا ما عطيته مجال يلف قبلك .
 

TAHOE

عضو مميز
التسجيل
7 يوليو 2008
المشاركات
4,260
ليلى

باب عوود

نستله

مشكورين على مروركم وتعليقكم
 

TAHOE

عضو مميز
التسجيل
7 يوليو 2008
المشاركات
4,260

am7ag

عضو نشط
التسجيل
26 يناير 2008
المشاركات
256
13. طالع من دوامك جاي تلحق على مدرسة بنتك تخاف تتأخر عليها وتصفط مثل الأوادم ومن تطلع ومعاك بنتك تلاقي أخينا بالله مسكر عليك وشوف عاد متى بيرد .... ولما يرد يقول لك تأخر عليك !! <<< لو عندي دوج من القدم عدمت سيارته وطلعت

بارك الله فيك
 

أوبال

عضو نشط
التسجيل
6 يونيو 2008
المشاركات
1,928
الإقامة
KuWaIt
5-بوفيه في صالة افراح او فندق ,, اييك واحد يوقف على البوفيه وقفشته بيده وياكل من هذا وذاك والناس وراه تنطر,, اول شي ذوقيا مايصير ثاني شي عطلت الناس اللي بتاخذ شغلها من البوفيه وتقعد (( والله عديم احساس ))​
أموووووت من هالمنظر لما تسويه وحده جدامي حشى ما أكل من البوفيه:mad:
الحين تلغمص فيه جدامي وتحط الملعقه بحلجها وتردها بالسخان وهم ترد تاكل وتبي الأوادم ياكلون من وراها:eek:
عيييييييب والله عيب ذوقيا ونفسياً وأخلاقياً وتربوياً واللي يصير بس تكفووووون لحد يسويها:(
10-ماشي على الخط السريع 130كم اقصى اليسار يعني ملتزم بالسرعه وفوقها حبه ويمينك سيارات وجدامك سيارات
وييك واحد امشوت ما يدل دوسة البريك وينها ويكبس لك بالليت ويلزق فيك (( انزين يا اخي وين اروح خل عندك دم اشويه ,, شوف الحوادث اليوميه والوفيات والاعاقات كلها بسبب الحواد (( انها لا تعمى الابصار ولكن تعمى القلوب التي في الصدور )) ميت قلب
أووووه عاد هاذي متوفره يومياً هالسالفة بس شرهتك على اللي يدني:)
11- بتلف u-turn وله ناطر عند كاشير محطة البانزين ,, اييك اخينا بالله عديم الاحساس من فوق كل هالسيارت يبي يدخل قبلهم او يلف قبلهم (( ليش الناس اللي واقفين بسياراتهم بالدور اقطاوه وله قيطونات )) خل عندك احساس ,, لو انت واقف وايي واحد يدخل عليك هالدخله ترضى ؟؟ اذا ما ترضى هالشي لنفسك اشلون ترضاه على غيرك وتتعدى على حرياتهم ؟؟
يمه والله هالحركه تذبح من القهر :(
ودوم تصيير بس بصراحة الوحدة تسكت لأنها ما تقدر تقول شئ للريال::verymad::>>>>أخاف بقول شئ حتى لو مره:eek:
:p
مشكووور تاهو والله أن موضوعك بناء ويعالج كثير من المواقف اللي نشوفها بحياتنا وياليت كل واحد منا يقتص الحق من نفسه ويطبق هالأمور على حاله يمكن شوي شوي يعتدل الوضع العام ويصير عالمنا جميل بدون نسور ونسوره:D
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
9-صافط بسيارتك بالمصفط عدل ,, تطلع تبي تركب سيارتك تلقه واحد صافط وراك وساد عليك ,, تنطر حضرته وتعد الدقايق والايام ,, ايي حضرته او حضرتها وي/تدق السياره سلف وتمشي واذا تكرمت او تكرم عليك بكلمة آسف (( وين اصرفها ؟؟))

لوووووووووووووووووووووول صارت فيني وكرهت الدنيا بس سبحان الله الله سكتني من عنده :p
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
- خدامه معاشها 30 دينار ولو حسبنا اكلها نقول تصير 45 دينار ,, عملها من 6 صباحا حتى 11 مساءا ,, (( تلبس اليهال -تزهب الريوق للبعل والمدام -والعيال - تغسل السياره والحوش -تغسل المواعين وتطبخ الغدا - تلبس البيبي حفاضاته ,, ووووووووو ))
لو سوينا حسبه بسيطه 45دينار/30يوم = 1.5 دينار باليوم ,, كل هالاعمال بدينار ونص , لا وما يعجب النسره ,, سب ,, وضرب وتسفل ,, طبعا البعض مو الكل (( ارحمو من في الارض يرحمكم من في السماء ))

والله اخاف بعض الحريم تروح النار والسبب الخدامات ، تكفون خفوا عليهن
والله العظيم فيهن اجر
 

sms 74

عضو نشط
التسجيل
30 أغسطس 2008
المشاركات
524
مع الاسف فعلا هالامور موجوده في الكويت عندنا بس طبعا في بعض منها برى بس مو كثر اللي عندنا ,, نبي نتقدم بأقتراح برغبة لجعل الكويت خالية من الخززززز وهذا اهم شي وعقب نحل مشكلة العناد ,,, عسى الله يكون بالعوووون
 

TAHOE

عضو مميز
التسجيل
7 يوليو 2008
المشاركات
4,260
13. طالع من دوامك جاي تلحق على مدرسة بنتك تخاف تتأخر عليها وتصفط مثل الأوادم ومن تطلع ومعاك بنتك تلاقي أخينا بالله مسكر عليك وشوف عاد متى بيرد .... ولما يرد يقول لك تأخر عليك !! <<< لو عندي دوج من القدم عدمت سيارته وطلعت

بارك الله فيك

والله حقيقه انك امحق ,, عاد دوج يالظالم ,, بس والله اللي يسوي جذيه يستاهل ادعمه مو بدوج الا سكس ويل لان ما بوجهه نقطة دم ,, ومع هذا مامن مجيب وراح تستمر هذي الصفه بعديمي الاحساس الي ما شاء الله

مشكور على مرورك
[=أوبال;أموووووت من هالمنظر لما تسويه وحده جدامي حشى ما أكل من البوفيه:mad:
الحين تلغمص فيه جدامي وتحط الملعقه بحلجها وتردها بالسخان وهم ترد تاكل وتبي الأوادم ياكلون من وراها:eek:
عيييييييب والله عيب ذوقيا ونفسياً وأخلاقياً وتربوياً واللي يصير بس تكفووووون لحد يسويها:(

راح تموتين يوع يا اوبال اذا ما تغمضين عينج ,, لان بتطلعين من البوفيه الفاخر ادورين مطعم هندي وتطيحين له شباتي وبيض عيون ,,بس على رايج ابرك


أووووه عاد هاذي متوفره يومياً هالسالفة بس شرهتك على اللي يدني:)

احسن الواحد يبعد عن الشر ويغنيله ,, ياليلي يا عيني ياليل


يمه والله هالحركه تذبح من القهر :(
ودوم تصيير بس بصراحة الوحدة تسكت لأنها ما تقدر تقول شئ للريال::verymad::>>>>أخاف بقول شئ حتى لو مره:eek:

انا عن نفسي ما اخليه يطوف لو ادعمه ,, لانه بيتعدى على حقوقي وحريتي ,, ولو كل واحد يسويله جذي جان تأدب ووقف دور حق اللفه حاله حال خلق الله واذا اهو مستعجل ووراه شغل ترى كل الناس وراهم اعمال مهمه واشغال
مشكوره يا اوبال على مرورج وتعليقج الجميل ,, ومثل ما قلتي

عالم بدون نسره ونسوره عالم هادي وجميل





لوووووووووووووووووووووول صارت فيني وكرهت الدنيا بس سبحان الله الله سكتني من عنده :p

الله صبرج وسكتي عن هذا التصرف ,, بس ساعات الواحد ما يسكت خاصه اذا كان طالع وعنده موعد او شغل مهم
شخبار لابتوبج زويا,, ترى الاعضاء لمه الحين عند وعدهم والقطيه دينار فقط لاغير

ومشكوره على مرورج



- خدامه معاشها 30 دينار ولو حسبنا اكلها نقول تصير 45 دينار ,, عملها من 6 صباحا حتى 11 مساءا ,, (( تلبس اليهال -تزهب الريوق للبعل والمدام -والعيال - تغسل السياره والحوش -تغسل المواعين وتطبخ الغدا - تلبس البيبي حفاضاته ,, ووووووووو ))
لو سوينا حسبه بسيطه 45دينار/30يوم = 1.5 دينار باليوم ,, كل هالاعمال بدينار ونص , لا وما يعجب النسره ,, سب ,, وضرب وتسفل ,, طبعا البعض مو الكل (( ارحمو من في الارض يرحمكم من في السماء ))

والله اخاف بعض الحريم تروح النار والسبب الخدامات ، تكفون خفوا عليهن
والله العظيم فيهن اجر

نزعت الرحمه من قلوب الناس يا قلم حر ,, انت قلم حر لازم تصدع على طول بالحق اذا شفت الخطأ,,
مشكور على مرورك وتعليقك الهادف

مع الاسف فعلا هالامور موجوده في الكويت عندنا بس طبعا في بعض منها برى بس مو كثر اللي عندنا ,, نبي نتقدم بأقتراح برغبة لجعل الكويت خالية من الخززززز وهذا اهم شي وعقب نحل مشكلة العناد ,,, عسى الله يكون بالعوووون

يا sms اذا كل واحد تكلم ونبه عن هذي السلبيات وغيرها من السلبيات اللي في مجتمعنا راح نرتقي بكويتنا ونخليها دره مره ثانيه باخلاقنا وتصرفاتنا وليس باموالنا وفلوسنا

شكرا لك ولكل من مر على الموضوع
 

coooool2

موقوف
التسجيل
10 فبراير 2008
المشاركات
3,367
الإقامة
K.W.T + مـجـلـس الأمــة
1- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا


(( انت شوف التطبيقي اللي فيه 2 مبنى لاصقين يم بعض واحد للشباب وواحد للبنات ..و دشيت مبنى البنات مع الربع لوووول نبي نكلم الرئيس ما ندري وينه ..المهم دشينا المبنى طشرونا البنات خز ..!! و اللي قاعده تضحك واللي قاعده تبتسم و اللي تحاول تغازل واللي تطلع تلفونها جدامها لووول ...قلت حق ربعي ما عليكم منهم تراهم جذابين وخر عنهم لا تصدقونهم لوول قالولي ندري بالشغلات و نعرف صح كلامك ..))



------------------

-تدخل مستوصف وله مكان عام عليه اشارة ممنوع التدخين واخينا قاعد تحت العلامه ويجثح زقاير (( مال تشيل العلامه وتبط راسه فيها )) لان يمكن موشايفها


(( انا قاعد بمكان عام و زحمه و غصب لقيت طاوله ويمي بنت تشرب شيشه زقاير ..وتحملت دقايق ..قمت من على الكرسي و زفيتها انت شنو مو متربيه ذبحتينا زقاير شو بتخليني اموت ...قالتلي كيفي حريه شخصيه لوووول
 

TAHOE

عضو مميز
التسجيل
7 يوليو 2008
المشاركات
4,260
مشكور يا كووووول على تعليقك ,, والله حتى بعض البنات للاسف هذي الايام اصبحو مثل الشباب

في الخز ,, وفي السرعه ,, وفي التبتون ,, ما باقى الا يشترون جياتي ويكتون دهن على خط الوفره وهات يا تخمس وتشفط
 

(فزاع)

عضو نشط
التسجيل
18 ديسمبر 2007
المشاركات
4,472
الإقامة
.. الكون ..
1- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا

-بوفيه في صالة افراح او فندق ,, اييك واحد يوقف على البوفيه وقفشته بيده وياكل من هذا وذاك والناس وراه تنطر,, اول شي ذوقيا مايصير ثاني شي عطلت الناس اللي بتاخذ شغلها من البوفيه وتقعد (( والله عديم احساس ))

اول شي حبيت اشكر مهندسنا على كلامه الرائع في الموضوع ..
واللي من خلاله يحط ايده على الجرح ..
اللي صج يعاني منها المجتمع ..
مشكور يا مبدعنا ،، وتسلم ايدك .. على كل حرف خطه يداك ..
دمت بود ..
 

man.vip

عضو نشط
التسجيل
9 أبريل 2008
المشاركات
2,136
الإقامة
الكويت
1- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا


كل الي تفضلت فيه صحيح والمصيبه انه كل يوم لازم الواحد فينا يمر بموقف من المواقف الي تفضلت فيها

اما بالنسبه للموقف الاول حبيت اذكر موقف حصل لاخوي ايام الدراسه بالجامعه

يقول كانت عندنا دكتوره اجنبيه وسألتني؟

الدكتوره: عندكم عاده غريبه!!

اخوي: شنو هذي العاده؟

الدكتوره: لما اوقف بالاشاره الاحظ ان الناس الي حولي كلهم يخزون بعض او يخزوني؟؟

اخوي : لاتعليق!!!

والكتوره ماسالت هذا السؤال الا من واقع مجتمعهم

لاني فعلا لاحظت في الدول الاجنبيه محد له شغل بالثاني ولا يطالعلك نهائيا

جزاك الله خير علي هذي النصائح الي ان شاء الله مجتمعنا يبتعد عنها تدريجيا​
 

Just For You

عضو نشط
التسجيل
25 أغسطس 2008
المشاركات
532
الإقامة
kuwait
مشكور اخوي تاهو على الموضوع ... وفعلاً الحقيقه دايم تجرح وهذا الوضع الحقيقي بالديره واسوء من جذي بعد ... الله المستعان ..

ارق التحايا..
 

TAHOE

عضو مميز
التسجيل
7 يوليو 2008
المشاركات
4,260
اول شي حبيت اشكر مهندسنا على كلامه الرائع في الموضوع ..
واللي من خلاله يحط ايده على الجرح ..
اللي صج يعاني منها المجتمع ..
مشكور يا مبدعنا ،، وتسلم ايدك .. على كل حرف خطه يداك ..
دمت بود ..

شرفت الصفحه بمرورك يا اخ فزاع ,, وانت من الاعضاء اللي نعتز بمرورهم ولا يهونون جميع الاعضاء ,, ولا تبخل علينا بمداخلاتك القيمه
مشكور على المرور



1- تمشي بالسوق او الجمعيه او تكون في مطعم وتشوف واحد يخزك توخر عينك عنه ثم ترد بصرك له وهو مازال يخزك وحتى لو تحط عينك بعينه يستمر بالخز (( الاخ معجب ؟؟ )) اهلا وسهلا

كل الي تفضلت فيه صحيح والمصيبه انه كل يوم لازم الواحد فينا يمر بموقف من المواقف الي تفضلت فيها

اما بالنسبه للموقف الاول حبيت اذكر موقف حصل لاخوي ايام الدراسه بالجامعه

يقول كانت عندنا دكتوره اجنبيه وسألتني؟

الدكتوره: عندكم عاده غريبه!!

اخوي: شنو هذي العاده؟

الدكتوره: لما اوقف بالاشاره الاحظ ان الناس الي حولي كلهم يخزون بعض او يخزوني؟؟

اخوي : لاتعليق!!!

والكتوره ماسالت هذا السؤال الا من واقع مجتمعهم

لاني فعلا لاحظت في الدول الاجنبيه محد له شغل بالثاني ولا يطالعلك نهائيا

جزاك الله خير علي هذي النصائح الي ان شاء الله مجتمعنا يبتعد عنها تدريجيا​

صح هذي التصرفات اللي ذكرتها في موضوعي جميعها تصرفات مستهجنه في الغرب وفي الدول المتقدمه
,,خل اضرب لك مثال عن مثل هذه التصرفات بالغرب ,, ايام ماكنت ادرس في امريكا حصلي فرصه في الكرسمس عدة ايام قلت ما ابي ارد الكويت ,اجرت فيها سياره من شركة فورد ابل وكنت وقتها ادرس في ولاية اوهايو ,, قررت اسافر بالسياره الى ميامي بفلوريدا مع جم واحد من اللي يدرسون معاي ,, المسافه بين اوهايو وفلوريدا تقريبا 2000 كم اهم يحسبونها بالميل ,, تصدق سافرنا المسافه كلها وردينا ومرينا على كذا ولايه منهم فرجينيا وكارولينا وغيرها من الولايات ,, والمسافه كلها ما شفنا احد ضايقنا بالشارع وله احد لف علينا ,, احنا نمشي ملتزمين بالسرعه القانونيه ونمشي اقصى اليسار وطبعا حدود السرعه من ولايه الى ولايه مختلفه حسب قوانين الولايه ,, ما اقول انه ما في ناس يسرعون ,, صادفنا كثير يمشون فوق السرعه القانونيه بس اذا قرب وراك وشافك ملتزم بالسرعه القانونيه ما يأذيك ,, يهدي سرعته وياخذ اليمين اذا فاضي ويطوفك بسرعه مقبوله وباحترام ,, يعني والله المسافه كلها تقريبا 4000 كيلو تمشي واعصابك مرتاحه ,, حتى اصحاب الشاحنات ناس مؤدبين وعلى خلق عالي ,,
متى نوصل للاخلاقيات هذي بشوارعنا ,؟؟ متى نشوف شوارعنا خاليه من السيارات المدعومه يمين ويسار ,؟؟ متى نحترم بعضنا البعض في الشارع ولا احد يتعدى على حقوق وحريات الآخرين ؟؟
يمكن نوصل لهذا المستوى من الاخلاق بالشارع اذا احنا شدينا على ايد بعضنا وشدينا بعنف على كل من يتعدى ويتجاوز حريات الآخرين

ولك مني خالص التحيه على تعليقك الطيب



مشكور اخوي تاهو على الموضوع ... وفعلاً الحقيقه دايم تجرح وهذا الوضع الحقيقي بالديره واسوء من جذي بعد ... الله المستعان ..

ارق التحايا..

مشكور يا جست فور يو على مرورك
 

man.vip

عضو نشط
التسجيل
9 أبريل 2008
المشاركات
2,136
الإقامة
الكويت
ذهبت إلى الغرب فوجدت إسلام ولم أجد مسلمين ... وذهبت إلى الشرق فوجدت مسلمين ولم أجد إسلاماً

(( محمد إقبال )) الشاعر الباكستاني المشهور

وجدت إسلام ولم أجد مسلمين أي : مسلمين بطبائعهم ، وعاداتهم ، ولكن لا يشهدون بأن الله هو الواحد الأحد .
وجدت مسلمين ولم أجد إسلاماً أي : وجدتهم يشهدون أنه لا إله إلا الله ولكن البعض منهم لا يتحلى بصفاة المسلمين بصلاة أو صوم ... الخ .
 
أعلى