سايق الخير74
عضو نشط
- التسجيل
- 9 سبتمبر 2007
- المشاركات
- 1,667
تساؤل يطري على بالي بكثره....مو حرام دول غنية جدا كدول الخليج تتهاوى بورصاتها ويعيش إقتصادها بحالة رعب بسبب حالة الإنهيار بالاقتصاد الامريكي؟! ليش ماتتحول القيادة الاقتصادية بالعالم الى هذه الدول بسبب الطفره النفطيه القياسيه؟ ليش ما تتحول رؤوس الأموال العالمية إلى الخليج ؟ تابعت اغلب تصريحات المسؤولين الاقتصاديين بدول الخليج وجميعها تتفق على ان إقتصاداتنا متينه + بنوكنا بعيده عن خطر الأزمه العالميه ؟ ليش ماينطبق على دول الخليج هالمثل : مصائب قوم عند قوم فوائد ؟ إحنه شايفين الوضع الحالي والخوف والهلع الاقتصادي بدول الخليج رغم الطفره النفطيه وكثرة إكتشاف آبار نفط وغاز جديده !! لو تخيلنا مثلا أن التقارير الإقتصاديه في يوم ما وفي زمن ما تقول بإن النفط بالخليج شارف على النضوب أو تم إكتشاف مصادر طاقه بديله عن النفط؟....بهالحاله شنو راح يصير فينا كثر من اللي صاير الحين؟ تهقون راح ترجع أيام الغوص؟