سؤال ضروي...شنو اللي يخلي الزوج ما يقعد في البيت

coooool2

موقوف
التسجيل
10 فبراير 2008
المشاركات
3,367
الإقامة
K.W.T + مـجـلـس الأمــة
السلام عليكم ورحمة الله

الاسباب كثيره لكن

اولا يجب العلم ان شخصية الزوج تختلف مع الام عن الاب عن الاخ عن الاخوات عن الزوجه وعن الربع

ليس المقصد ان يكون متعدد الشخصيات لكن في البيت احيانا يطالب بان

يكون شديد واحيانا حكيم واحيانا يكون بمثابة الاب والام لاخوته وزوجته والقائمه تطول ..

ثانيا ما هي طبيعه الزوجه ؟

هل تؤدي واجباتها على اكمل وجه ؟

لكل رجل طباع خاصه فيه وتختلف من شخص لاخر

يجب عليها ان تولي زوجها اولى اولوياتها

من حيث

تبدي اهتمامها له

انه اهم من كل اصدقاء واهل الزوجه

وتسأل عنه كل ما غاب عن المنزل وتحسسه بالاشتياق (هذا من الجانب العاطفي)

لاتبدي مقارنه نفسها من اخوات الزوج من افضل عندك او من تحب اكثر فلكل منهم قدر معين عند الزوج

احيانا الرجل يكون بحاجه لمن يشكي او ينصت له

يكون شغله زاهب من ناحية الملابس

ان لا تكون كثيرة الطلبات وكثيرة الخروج

تبدي اهتمامها لاطفالهم (مو بيد الخدم)

ان لا تكون كثيرة المشاكل مع اهل زوجها يجب عليها الصبر واحتساب الاجر

ان تكون كاتمة اسرار زوجها (مو كونا ولا رويتر )

هل تخالف رأي زوجها (تكسر كلمته وتطلع )

واجب الزوجه شرعيا تجاه زوجها

والقائمه تطول ..

ثالثا والاهم

ما هي طبيعه الزوج

ليس كل الذكور يطلق عليهم صفة رجال

هل هو مصون لبيته واهله (او راعي خرابيط)

هل يولي بيته اولى اولوياته ام ربعه والديوانيه والطلعات

كريم في بيته ام لا

ينصت لزوجته في لحظات ضعفها او ياكثر هذرتها !

مؤدي لواجباته شرعيا تجاه زوجته

والقائمه تطول ...



والله الكلام كتبته نفسه بردودي السابقه


و شاكر لك مرورك الكريم:)
 

بو سليمان

عضو مميز
التسجيل
1 يوليو 2005
المشاركات
8,918
الإقامة
الكويت /عريفجان
باختصار بوم تحسن النية و تحط لسانها بحلجها
 

kuwaitey

عضو نشط
التسجيل
23 ديسمبر 2006
المشاركات
1,507
ماشالله الجماعه اطباء نفسيين :)

بس في نقطة محد تطرق لها واهي

انه الانسان بطبعة ملول واصلا من الصحي انه الحياة الزوجية يصير فيها تجديد

يعني الريال يغير نفسيتة ويروح الدوانية ويروح البر ويرجع بنفسية يديدة وراحة اكبر

وبالتالي علاقتهم تصير احسن مع الوقت

ولو الريال قعد فترة طويلة بالبيت اكيد بمل وبيتهاوش مع مرتة

كل يوم منقا منقا منقا منقا ما يصير لازم التغيير

يوم منقا ويوم تفاح ويوم برتقال ويوم فراولة

لحد يفهم غلط قصدي كل فاكهه تمثل فئة ( الاهل - الزوجه - الاصدقاء - الرياضة وجذية)


اسمح لى الملل او الفتور يحصل من المشاكل او عدم التفاهم

اعطيك مثال وانت قيس عليه

العطله الصيفيه اللى طافت انا ماتركت زوجتى وعيالى ولا يوم

الصبح انا وام العيال مطاعم نتريق والعصر عند الوالده مع عيالى وزوجتى

ولا صار الليل هياته مع العيال وامهم ونطيح له حداق

والسنه اللى طافت نفس العطله ونفس البرنامج ماحسيت بملل الحمدالله

ولا قلت كل يوم جاول جاول همبه همبه بل عكس كل يوم يكون غير

يوم فراوله ويوم همبا بس كنت ازرق الديوانيه على شان الشيشه بس

وعسى ربى لايغير علينا ان شاء الله ..
 

am7ag

عضو نشط
التسجيل
26 يناير 2008
المشاركات
256
الانتر نت أحد الأسباب الرئيسيه في خروج الزوج من بيته وابتعاده عن مرته وعياله وجلوسه في الديوانيه عند ربعه بالسااااعات

باختصار الريال مغازلجي نت

وجهـــــ نظر ـــــــــــة
 

nestla

عضو نشط
التسجيل
20 ديسمبر 2007
المشاركات
1,618

اسمح لى الملل او الفتور يحصل من المشاكل او عدم التفاهم

اعطيك مثال وانت قيس عليه

العطله الصيفيه اللى طافت انا ماتركت زوجتى وعيالى ولا يوم

الصبح انا وام العيال مطاعم نتريق والعصر عند الوالده مع عيالى وزوجتى

ولا صار الليل هياته مع العيال وامهم ونطيح له حداق

والسنه اللى طافت نفس العطله ونفس البرنامج ماحسيت بملل الحمدالله

ولا قلت كل يوم جاول جاول همبه همبه بل عكس كل يوم يكون غير

يوم فراوله ويوم همبا بس كنت ازرق الديوانيه على شان الشيشه بس

وعسى ربى لايغير علينا ان شاء الله ..


يختلف على حسب طبع الشخص , اغلب الكويتيين ملولين ومزاجيين الرجال منهم و النساء .
 

kuwaitey

عضو نشط
التسجيل
23 ديسمبر 2006
المشاركات
1,507
يختلف على حسب طبع الشخص , اغلب الكويتيين ملولين ومزاجيين الرجال منهم و النساء .

مو شرط مثل مافى هذا فى هذاك الشاطر يعرف شنو يبي وشلون يخلى

ام عياله تفهمه ويقدر يجذبها له ماينفرها منه

اللى اشوفه ان الكل يقط اللوم عليها والمصيبه ان الضغط كله عليها اهى

وليش مايصير العكس انك تراعيها على شان تشوف منها اهتمام

ليش كله تبى تبى وماعندك استعداد تعطى وا تضحى

شى غريب مالقيت احد منصفها

اتحدى واحد عنده استعداد يجابل عياله اسبوع يدرسهم بس

والله تشوفين طفش جماعى من الازواج

بس الزوجه الله يعينها من اول السنه واهى مجبال العيال

لاحظى انا عطيتج شغله وحده بس من واجبات الزوجه اتجاه بيتها
 

nestla

عضو نشط
التسجيل
20 ديسمبر 2007
المشاركات
1,618

مو شرط مثل مافى هذا فى هذاك الشاطر يعرف شنو يبي وشلون يخلى

ام عياله تفهمه ويقدر يجذبها له ماينفرها منه

اللى اشوفه ان الكل يقط اللوم عليها والمصيبه ان الضغط كله عليها اهى

وليش مايصير العكس انك تراعيها على شان تشوف منها اهتمام

ليش كله تبى تبى وماعندك استعداد تعطى وا تضحى

شى غريب مالقيت احد منصفها

اتحدى واحد عنده استعداد يجابل عياله اسبوع يدرسهم بس

والله تشوفين طفش جماعى من الازواج

بس الزوجه الله يعينها من اول السنه واهى مجبال العيال

لاحظى انا عطيتج شغله وحده بس من واجبات الزوجه اتجاه بيتها

اي والله صح كلامك
الزوجه مستعده تتحمل كل هذه الاعباء واكثر بمقابل كلمه حلوه او معامله طيبه تأتي من الزوج .
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
بعد هذا ما يبيله تفكير يا عذوب ,, الجواب واضح

الصفه النسوريه المتأصله في بعض النساء ( قلت بعض - حتى ما أهاجم من البعض الآخر )

اكو واحد يبي يجابل امغلوث بالبيت ؟؟ لانها راح اتعضه ويروح المستشفى ويغزونه 7 ابر عن العدوى

فاذا المراه تبي زوجها يقعد وينثبر بالبيت ويجابلها ,, خل تمحي هذي الصفه من طبعها


ههههههههه مجرم جنك طبيت فينا ههههه
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
دائما الاخطاء من الزوجه..مستحيل الزوج يسوي الا اذا زوجته ما تدور على راحته ..تزيد الهم اللي فيه ..
يروح الدوام الصبح والزوجه قاعده بالبيت ..توه راد من الدوام ..اول ما يدخل البيت .. ..الزوجه تقوله شفيييك و تصرخ بويهه ليش ما سويتلي هذا وهذا وهذا وحنه ونجره على الراس ..كافي الزوج متحمل ضغط الدوام ..تبي تضعط على راس الزوج دبلات لدرجه اييله انهيار عصبي ..!!

صدقوني الزوج وده يقول كلام حلو حق زوجته بس زوجته تمنعه بشكل غير مباشر و تخليه يعصب ..

((لو الزوجات تخلي ازواجاهم يرتاحون من الدوام جان حنا بخير))


كوووول كلام وايييد كوووول
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
في اكثر من سبب يخلي الزوج مايقعد بالبيبت وغالبا الزوجه ليست من هذه الاسباب يعني الريال كان متعود قبل الزواج انه مايقعد بالبيت فصعب انه يغير العاده طبعا بغض النظر عن اول ايام الزواج هذا شي اما الشي الثاني من البديهي انه الرجل او الزوج ربعه وايد وبالتالي دواوينه وايد وعشان مايخسر احد راح يقعد بالدواوين هذي ويمكن كل بوم ديوانيه ومن احد الاسباب بعد انه لازم يوجب العشاء والسحور والغداء اذا انعزم ووين المشكله اذا كل يوم يطلع دام قايم بواجباته الزوجيه يطلع مع زوجته ويزور اهلها ويادي الواجب مع عايلتها يعني راضي مرته وانا اشوف انه غالبا الزوجه مو سبب يخلي الزوج مايقعد بالبيت لانه لو كان نفس ماتقولون مو الا يطلع بره البيت يروح صاله ثانيه أوداره ومايقعد معاها اذا متأذي من طلباتها الا اذا بتلحقه وين مايروح بالبيت هذي حدها دعله بتكون:) وجهة نظر ليس إلا


جبله وجهة نظر وااااااااااايد حلوة ومنطقية جدا
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
انا اعترض على السؤال

لان الطبيعي هو خروج الرجل والغير طبيعي هو ان يكون الرجل حبيس المنزل



يا سلام انا ما قلت يتم حبيس المنزل بس على الأقل يجابل مرته وعياله ويسولف معاهم ويربيهم ويشاركهم بحياتهم :)
صعب انه الريال يجابل المره على طوول بس قصدي انه يكون مراعيهم
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
بصراحه لان طبعه يحب الهروب من المسئوليه!!!!!!!!!!!!!!!!!


عارف نوف انا هذا كان خوفي انه هروب من المسؤولية او ملل
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
لا يوجد مقارنه بين حب الزوج وحب الاهل لان كل منهم يكون حبه بطريقه مختلفه . وابيخ سؤال لي سأل الزوج زوجته تحبين منو اكثر ؟ انا وله اهلج ؟؟

ردودك منطقية جدا وروعة
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
السلام عليكم ورحمة الله

الاسباب كثيره لكن

اولا يجب العلم ان شخصية الزوج تختلف مع الام عن الاب عن الاخ عن الاخوات عن الزوجه وعن الربع

ليس المقصد ان يكون متعدد الشخصيات لكن في البيت احيانا يطالب بان

يكون شديد واحيانا حكيم واحيانا يكون بمثابة الاب والام لاخوته وزوجته والقائمه تطول ..

ثانيا ما هي طبيعه الزوجه ؟

هل تؤدي واجباتها على اكمل وجه ؟

لكل رجل طباع خاصه فيه وتختلف من شخص لاخر

يجب عليها ان تولي زوجها اولى اولوياتها

من حيث

تبدي اهتمامها له

انه اهم من كل اصدقاء واهل الزوجه

وتسأل عنه كل ما غاب عن المنزل وتحسسه بالاشتياق (هذا من الجانب العاطفي)

لاتبدي مقارنه نفسها من اخوات الزوج من افضل عندك او من تحب اكثر فلكل منهم قدر معين عند الزوج

احيانا الرجل يكون بحاجه لمن يشكي او ينصت له

يكون شغله زاهب من ناحية الملابس

ان لا تكون كثيرة الطلبات وكثيرة الخروج

تبدي اهتمامها لاطفالهم (مو بيد الخدم)

ان لا تكون كثيرة المشاكل مع اهل زوجها يجب عليها الصبر واحتساب الاجر

ان تكون كاتمة اسرار زوجها (مو كونا ولا رويتر )

هل تخالف رأي زوجها (تكسر كلمته وتطلع )

واجب الزوجه شرعيا تجاه زوجها

والقائمه تطول ..

ثالثا والاهم

ما هي طبيعه الزوج

ليس كل الذكور يطلق عليهم صفة رجال

هل هو مصون لبيته واهله (او راعي خرابيط)

هل يولي بيته اولى اولوياته ام ربعه والديوانيه والطلعات

كريم في بيته ام لا

ينصت لزوجته في لحظات ضعفها او ياكثر هذرتها !

مؤدي لواجباته شرعيا تجاه زوجته

والقائمه تطول ...



كفيفت ووفيت وكلام يكتب بماء الذهب
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي

اسمح لى الملل او الفتور يحصل من المشاكل او عدم التفاهم

اعطيك مثال وانت قيس عليه

العطله الصيفيه اللى طافت انا ماتركت زوجتى وعيالى ولا يوم

الصبح انا وام العيال مطاعم نتريق والعصر عند الوالده مع عيالى وزوجتى

ولا صار الليل هياته مع العيال وامهم ونطيح له حداق

والسنه اللى طافت نفس العطله ونفس البرنامج ماحسيت بملل الحمدالله

ولا قلت كل يوم جاول جاول همبه همبه بل عكس كل يوم يكون غير

يوم فراوله ويوم همبا بس كنت ازرق الديوانيه على شان الشيشه بس

وعسى ربى لايغير علينا ان شاء الله ..
ما شاءالله الله يتمم عليك كويتي يارب


ويا ليت في منك وايد
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي

مو شرط مثل مافى هذا فى هذاك الشاطر يعرف شنو يبي وشلون يخلى

ام عياله تفهمه ويقدر يجذبها له ماينفرها منه

اللى اشوفه ان الكل يقط اللوم عليها والمصيبه ان الضغط كله عليها اهى

وليش مايصير العكس انك تراعيها على شان تشوف منها اهتمام

ليش كله تبى تبى وماعندك استعداد تعطى وا تضحى

شى غريب مالقيت احد منصفها

اتحدى واحد عنده استعداد يجابل عياله اسبوع يدرسهم بس

والله تشوفين طفش جماعى من الازواج

بس الزوجه الله يعينها من اول السنه واهى مجبال العيال

لاحظى انا عطيتج شغله وحده بس من واجبات الزوجه اتجاه بيتها


صح كلامك واااااايد روعة وبمحله ما شاءالله عليك يا بختها ام اعيالك عسى ربي يتمم عليكم يارب ويبلغك بعيالك
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
اي والله صح كلامك
الزوجه مستعده تتحمل كل هذه الاعباء واكثر بمقابل كلمه حلوه او معامله طيبه تأتي من الزوج .


صح انا اغلب رفيجاتي يتحلطمون على هالموضوع بس مرة رفيجتي سوت حركة وايد حلوة انه خلت ريلها مع اعيالها يوم واحد من الصبح لين المغرب وصكت تلفونها ردت لقيته عايف روحه ومن يومها يقدر كل شي تسويه وللحين متعقد شلون اهي قادرة تتحمل اعياله وتسوي كل شغل البيت
 

Om Hind

عضو نشط
التسجيل
8 أكتوبر 2008
المشاركات
606
المشكله في الرجل نفسه
مو عارف يفرض رجولته في بيته، فيستعين بالهروب لجوء الرفقة والاصدقاء الخ... والبحث عنها بمكان آخر
بشكل عام عنده نقص بيكون
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
الموضوع بصراحة مهم وضروري مو للزوج والزوجة بس لا للعيال أكثر لأن له تأثير نفسي على عيالنا انا احط اللوم الأول والاخير على الزوجة بالرغم من إني زوجة وام عيال بس كلمة الحق اقولها لو على نفسي ايه اللوم الاول والاخير على الزوجة للأسف عندنا بالكويت الزوجة من تولد اول طفل تهمل الزوج بكل شي بنفسها يتضاعف الوزن ماتهتم بنفسها وكذلك زوجها ماتبدأ تلتفت لنفسها إلا لما يقول انا بتزوج اهنيه تبدأ تفتح وكذلك الزوجة الموظفة ممكن تهمل زوجها والعيال بعد وبيتها وللعلم كلامي هذا ما ينطبق عالكل لا في زوجات ماشالله عليهم كل مجال تعطيه حقه وما يغلب شي على شي
وبعدين الاسلووووب والتعامل سواء من الزوج او الزوجة ضروري ومهم بقول لكم قصة قالتها لي امي قبل ما اتزوج
في وحدة تشتكي لأمها من زوجها وقالت لها تعبت معاه ما قدرت ارضيه دايم معصب ويهاوش قالت لها امها انا عندي حل لج شفتي الذيب اللي واقف هناك قالت ايه قالت ابي شعره من راسه قالت شلون ما اقدر اخاف ياكلني قالت هذا الحل الوحيد المهم ما أطول عليكم قامت البنت تحاول تقرب منه مرة تحط له اكل مرة ماي مرة ....مرة... لين والفها وحس بالالفة معاها وقدرت تاخذ الشعره من راسه وجت لأمها مستانسة يمه قدرت آخذ الشعره منه قالت لها امها شلون قدرتي عليه قالت باللين باللين لين اخذتها قالت خلاص هذا مثل زوجك باللين والكلمه الزينة والمعاملة الطيبة تاخذين قلبه وعقله
وصدقوني كل 100 زوج يطلع 1 موزين وعنيد والباقي يجون بالكلمة الطيبة والمعاملة الحسنة والله يوفق الجميع والمعذرة طولت عليكم
 
أعلى