سهم تحت المجهر Tgal

[nassai19]

السلام عليكم ورحمة الله وبركاته

يا جماعه لاحظت شركه وحبيت الفت الانتباه لها فقط لا غير وهذي ملاحظاتي عليها
واكيد مهي توصية شراء مجرد لفت انتباه وهذا الرسم البياني فيه الملاحظات مع اختراق متوسط خمسين يوم وكسر الترند وتجاوز مقاومه عند 2.60 هذي النظره الفنيه والاهداف بالون الاخظر
50% 3.25

100% 3.92

والمؤشرات RSI 62.7 وقوة الترند بمقياس ADX 23.4

شوي واقول بمقياس ريختر

هذي ملاحظاتي الي ناوي يشتري يحلل من اول وجديد ويشتري عن اقتناع منه لان السوق في نزول والله يستر
بالتوفيق

اسم السهم Tgal

 

[nassai19]

وهذا السهم الثاني برضو كاسر الترند بس قدامه مقاومه قويه جدا عند 2.19 وبعدها مقاومه قريبه من الهدف وهي متوسط 50 يوم يجب عليه كسر المقاومه الاولى وقد حددتها بالون الاسود ونشوف وش يصير مع هالسهمين وزي ما قلت مجرد لفت انتباه ومهي توصيه شراء وهذا الشارت

السهم VERT

 

[قناص الفرص]

لرفع والتعليق اذا تكرمتوا

 

[ma01sadah]

nassai19

بخصوص السهم الأول...tgal

برأيك سبب هبوطة القوي امس إلى 2.45


وهل هو في طور النزول إلى القاب ليغلقة خاصة وانه كاسر دعم على شارت 30و60 اما على الديلي فلا خوف طالما انه فوق المقاومة ولم يكسرها 2.30


هذا رايئ ووارد ان اكون مخطئ...

 

[ابو سعود]

بالنسبه للسهم الأول فشكله ملفت للنظر ولكن للأسف كسر الترند العلوي كان وهمي .. لأن السهم أغلق تحته .. مع العلم أنه فتح يوم الخميس 2.83 وبعدها انخفض

الحذر واجب قبل الدخول في السهم .. شخصيا بأخر دخولي للسهم بقدر الإمكان وبحاول أخرج عند المقاومه الأولى

وهذا تشارت السهم بعد إغلاق يوم الخميس

 

[ابوراشد]

السهم عندى من يوم كان على 1.95

سهم غريب اخر خبر عليه يوم 18\2

يرتفع بدون اخبار انا اعتقد سبب ارتفاعه يمكن يوم كسر الدعم صار عليه اقبال كبير ورفعوة والشي الثانى يمكن ارتفع لانها من شركان النانو
وتوة مسويلهم مؤشر جديد مثل قطاع جديد والشركة اللى يبي يستثمر فيها هي مرشحه لسعر خيالى انا مانى قايلكم عليه هدا يمكن يطير فى يوم وليله الى سعر خيال عمرى مانمت وهو موب بمحفظتى الف سهم فقط للدكرى
المقاله تقول هنى
http://www.indexsignal.com/vb/showthread.php?s=&postid=64548&t=6947#post64548

 

[قناص الفرص]

هل نقتنصه على الدعم القوي عند 2 دولار

هل ممكن ان يصل ؟؟؟

 

[nassai19]

السلام عليكم ورحمة الله وبركاته

مساء الخير يا جماعه طمنوني انشاءالله الجميع بخير

يا جماعه نبدا من السهم الثاني وصل امس للمقاومه متوسط 50 يوم وارتد .

السهم الاول الي عليه النقاش الي اشوفه من ردودكم ان اغلبكم للحين متردد في وقت الدخول الدخول الله يطول في عمر الجميع على الخير انشاءالله ما يكون وقت النزول
الدخول عند ارتداده

على شارت 60 دقيقه قدامه ترند راح يعمل دعم قوي لسهم وان شاء الله ما ينكسر الدعم ويرتد منه والشارت قدامكم