الكساد الكبير سنة 1929

[الأرستقراطي]

اخوي اهما محترفين نفس التجار وصناع السوق ... يبونكم تبيعون بعد ما نزل السوق

هذي اللي يسمونها *******

شنسوي فيهم، لا تحليل لا بطيخ لا عماة عين، بس تصاريح نارية!

لما المؤشر يصعد يدش طاقم يديد يقولك المؤشر بيوصل 30 الف.

و لما المؤشر ينزل يطلع لك الطاقم الحالي يقولولك انهيار! و الحكومة راح تفلس! و حكم ال الصباح الكرام راح يختفي! و كرتون الموز بيصير ب 3000 دينار.

أتمنى من المشرفين شطب عضويات هؤلاء الأشخاص الذين لا قيمة مضافة لهم في المنتدى لا على صعيد اقتصادي و لا اجتماعي و لا أكاديمي.

و شكراً أخوي مليون دينار على فتح هذا الموضوع.

مع فائق أحترامي للعضوين المميزين ،،، أخوي الواحد ما يبي يخوف الناس و لا يبي يتحمل وزر البيع بخسارة و يرتفع السوق بعدها ،،، لكن المفروض انكم ترون ما لا يراه الاعضاء العاديين ،،، ممكن نرى ارتفاع الايام القادمة ( الايام حط تحتها خطين ) وبعدها لو يضخون 10 مليار ماراح تمنع الانهيار ،،، استغلوا فرصة الارتفاع القادم وصرفوا أسهمكم والله يعوض عليكم ،،، طبعا حتى العضو المميز أو المحترف ممكن يغلط و لا يضع ستوب لوز ،،،​

 

[ابو سالم]

فواتير خساير البنوك الأمريكية وأقتصاد امريكا منو إلي راح يدفعها غير الخليج

 

[مستثمر صغيروني]

هذا قصد وارن بوفيت بوصول الناس الى قمة التشاؤم

و هني وقت دخول البورصة

الحين الشباب ما قصروا وصلونا الى احتلال الكويت.

متى يفتحون موضوع ان قيام الساعة ب 2009 ؟؟

ههههههههههههههههههههه على راسي انت صوت العقل ..الله يوفقك

 

[Blue Chips]

اين المراقبين الكرام من اللي قاعد يصير ..؟

بكل لحظه قاعدين ينزلون روابط جديده , وعناوين مختلفه , والموضوع واحد " ترهيب وتخويف ".
هؤلاء قاعدين يلعبون بأعصاب الناس ..
حرام اللي يصير , ويخالفون قوانين المنتدي اللي الكل قرأها عند الاشتراك ..
انا بصراحه مكيش , ومن مصلحتي السوق ينهار , لكن حرام اكون سبب في خسارة اخواني بالمنتدي , اللي يقرأه المئات من المشتركين ..

اما اني اشارك بمشاركة طيبه , او اصمت والصمت هالايام خير , على الاقل ما اضر احد ..

عسى كلامي هذا يلاقى الاجابه من اخواني المشرفين والمراقبين , اولهم "بو سلمان - المارد" العزيز .




.

انت مكيش بالعافيه عليك
بس شلون تستفيد اذا السوق انهار؟؟؟
تدري شنو يعنى انهيار ؟
وهذا طبعا ما راح تصير معناته ان الشركات فلست او على وشك الافلاس.

طبعا ردي للتوضيح فقط
لانى فاهم كل كلامك وكله كلام طيب

 

[Blue Chips]

التشائم المفرط والتفائل المبالغ فيه يدل على الشخصيه الغير متزنه 0 وتحليل الازمه العالميه وتاثيرها على اقتصادنا لازم نسال فيه ناس متخصصين وطبعا هؤلاء لا يكتبون باسامي مستعاره في المنتديات 0 اما مشاركات الاخوان لازم نتعود عليها وما نتضايق منها لان هذا طبع بعض الناس في كل الازمات يقول هذا الكلام عشان يسمع تطمين يهدي نفسيته المتوتره0 نحن نحتاج للثقه والاستقرار في اسواقنا اللي كانت وراح تكون اقل المتضررين من الازمه باذن الله0

هذا الكلام الحلو

 

[Blue Chips]

و الله شي يخوف و الله يستر و أتمنى إن صعود الأمس مايكون مجرد فقاعة

كن على يقين ان رزقك راح تاخذه كاملا

صعود الامس ما كان فقاعه بل الانحدار كان هو اللا معقول

 

[بوحسين11]

ياماتو اليابانية إلى الإفلاس






طوكيو - ا ف ب: أعلنت وكالة الخدمات المالية امس، ان شركة ياماتو لايف انشورنس اليابانية للتأمين ستطلب وضعها في خانة الشركات العاجزة عن الدفع، لتصبح اول شركة تأمين في اليابان تعلن افلاسها منذ بداية الازمة المالية العالمية.

وقال مسؤول في وكالة الخدمات المالية لوكالة فرانس برس ان »مسؤولي ياماتو اودعوا ملفهم لدى وكالة الخدمات المالية اليوم« طالبين الحماية من المحاكم. وتبلغ ديون الشركة 269.5 مليار ين (مليارا يورو).


تاريخ النشر 11/10/2008