أختكم متابعه لكم وتوني أسجل ... باركوووولي .

[بتول]

مرحبا

أول شي أحب أسلم عليكم كلكم وأقولكم يعطيكم العافيه لأني فعلا متابعه لكم من زمان والله ... بس أقرأ مواضيعكم ونصايحكم وأنا أشتغل في السوق الأمريكي على الخفيف ... بس اليوم قررت أني أسجل وأشارك معكم وأنشاءالله نستفيد من بعض .

بس أنا سمعت ان فيه مواقع للتوصيه ومادري تنصحوني أشترك فيها ولا لا وشنو أحسن موقع ... لأني ضايعه والله ومبتلشه بكم سهم عندي ... كل ماشريت سهم نزل ... وأبيكم تفيدوني واللي يعافيكم .

ومشكورين

أختكم

بتول

 

[meshal]

ياهلا ويامرحبا يابتول

وانشاءالله ماتبتلشن بأسهمج لان السوق الحين برتفاع هذي الفتره

لكن عسى الله يفكج من اسهم البيني ستوك

وهذي اخت لج توها سألت نفس اسألتج وشوفي الاجوبه انشاءالله تفيدج


http://www.indexsignal.com/vb/showthread.php?s=&threadid=12815

 

[بتول]

مشكور ياخوي على الرد وانشاءالله ماكون غثيثه على الكل هنيه ... بس صج تعبانه وايد من أسهمي اللي عندي .. وودي أتعلم صح أو أشترك بموقع توصيات علشان اعرف أشتري وأنا مرتاحه .

 

[meshal]

بتول الاخوان اهني مايقصرون

ولاتعتبرين نفسج بتثقلين عليهم اسألي وانشاءالله في جواب

ولا انج تخسرين وتستحين من السؤال ترى كلنا نسأل ونستفيد

لكن عليج بموقع عرض وطلب انا اشوفه ممتاز بس هو استثمار يعني يطول شوي

لكن الاهداف حلوه والخبره عـــاليه

 

[Pivotrend]

موقع عرض و طلب جيد للي ما يعرف أنجليزي
أما مقولة أن موقع عرض و طلب هو الأفضل فهذا أشبة بنكته عند
مقارنته لمواقع التوصيات الأمريكية

بتول أذا تتعاملين مع بني ستوك بس شوفي توصيات ممـدوح , تراها يا تدبل يا تقط على صخـر

 

[ابوراشد]

ظلمت ممدوح يا ابو محمد صراحة انا مرة سويت بحث على مواضيعه كلها عيني عليه باردة لا تساله عن بيني ستوك خل هو اللى يحطه

بالمنتدى ماشالله عليه عيني عليه باردة صراحة اللى يبغي يدبل قروشه يروح لابو الدوح

اما باسهم الشيوخ صراحة فى واحدة الله يستر عليه ممتاز لابعد الحدود الاخ كريم فى المنتدى الازرق اما فى التحليل الفنى

Pivotrend

العطار

وسيم

ابورواف

العتيبي2 شوفو الاسهم اللى وضعها عيني عليه باردة كلها حققت الهدف

انا بصراحة ماكنت ابي ادكر اسماء بس انشالله يعدرونا اللى ماسجلنا اساميهم ولاهو قصور فيهم ولاكن هدولا اللى طلعو وياي والا والله ودي اكتب اسامي الشباب كلهم وعندك اخوك بالله S500
حاط رابط ولا اروع

http://indexsignal.com/vb/showthread.php?s=&threadid=12914&highlight=S500

والله حرام حرام حرام مايتثبت الموضوع هدا

 

[ابوراشد]

ظلمت ممدوح يا ابو محمد صراحة انا مرة سويت بحث على مواضيعه كلها عيني عليه باردة لا تساله عن بيني ستوك خل هو اللى يحطه

بالمنتدى ماشالله عليه عيني عليه باردة صراحة اللى يبغي يدبل قروشه يروح لابو الدوح

اما باسهم الشيوخ صراحة فى واحدة الله يستر عليه ممتاز لابعد الحدود الاخ كريم فى المنتدى الازرق اما فى التحليل الفنى

Pivotrend

العطار

وسيم

ابورواف

العتيبي2 شوفو الاسهم اللى وضعها عيني عليه باردة كلها حققت الهدف

انا بصراحة ماكنت ابي ادكر اسماء بس انشالله يعدرونا اللى ماسجلنا اساميهم ولاهو قصور فيهم ولاكن هدولا اللى طلعو وياي والا والله ودي اكتب اسامي الشباب كلهم وعندك اخوك بالله S500
حاط رابط ولا اروع

http://indexsignal.com/vb/showthread.php?s=&threadid=12914&highlight=S500

والله حرام حرام حرام مايتثبت الموضوع هدا

 

[طموح]

أختي العزيزة
أرجو إنك ماتاخذين أي توصية بأنها حقيقة100% مهما كان إللي موصي فيها ولاحتى 50%
أهم خطوة إبحثي في دروس المنتدى وغيره وإسألي وتعلمي إستراتيجيات ولا تسألين عن توصيات أسهم لأن التوصيات على أفا من يشيل على ماقالو اخواننا المصريين وفيها الصالح والطالح
...تحياتي لك وبالتوفيق إن شاء الله...

 

[Picasso]

والله اختي موقع توصيات www.valueline.com اكثر من رائع

لكن يتطلب اجادتك للانجليزية ....


تمنياتي لك بالتوفيق.