موضوع بخصوص المساهمين والودائع البنكيه ( للمناقشة)

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
السلام عليكم

في هالموضوع بطرح قضيه تهم المساهمين والمودعين للأموال في البنوك ،

كلمت اليوم أحد الأصدقاء ويعمل في أحد البنوك وكان يقولي ان العملاء

عندهم يسألونهم اذا البنك المركزي يضمن حقوق المساهمين بالشركات

أو يضمن الودائع لدى البنوك و حسب ما وصله ان البنك المركزي مايضمنهم

لكن قال مو معقوله يخلون المساهمين تضيع حقوقهم ويتفرجون في حال

لاسمح الله صار افلاس لأي شركة أو ضعف سيوله لدى البنوك أو إفلاسهم.

أنا بس حبيت أنبه ترى هالنوعيه من الأسئلة للعملاء نقدر نعتبرها انذار مبكر

فخلكم حذرين من جميع النواحي وهذي ليست دعوه لأي عمل تتخذونه

بقدر ماهي نصيحة لأخذ الحذر و إن شاءالله مايصير الا كل خير .
 

دايــم

بوتركي
التسجيل
1 يوليو 2008
المشاركات
14,548
الإقامة
قريه العليا
هذا اكبر اسباب تعثر البنوك ببريطانيا
إذ قامو اكثر المودعين بسحب اموالهم لدي البنوك البريطانيه
فتسببت المشكله لديهم​
 

aliii

موقوف
التسجيل
14 سبتمبر 2005
المشاركات
3,377
البنك المركزي يضمن الحسابات في البنوك في الكويت ؟؟



.
 

UNIX

موقوف
التسجيل
9 أبريل 2007
المشاركات
7,556
البنك المركزي لا يضمن الودائع في البنوك، و لكنه يضمن عدم افلاس البنوك و ذلك بفتح المجال للبنك المتعرقل بإستخدام احتياطياته الاجبارية و الاختيارية.

يعني مافي بنك كويتي يفلس، و الله أعلم.
 

aliii

موقوف
التسجيل
14 سبتمبر 2005
المشاركات
3,377
البنك المركزي لا يضمن الودائع في البنوك، و لكنه يضمن عدم افلاس البنوك و ذلك بفتح المجال للبنك المتعرقل بإستخدام احتياطياته الاجبارية و الاختيارية.

يعني مافي بنك كويتي يفلس، و الله أعلم.

تقصد الودائع الثابته ولا جميع الودائع ( توفير - جاري - نصور - دانه - الخ ) ؟؟


مرسي بكووو


:)

.
 

3320

عضو نشط
التسجيل
9 يناير 2005
المشاركات
1,098
انا لله وانا اليه راجعون


قال الله تعالى : (( ولنبلونكم بشيء من الخوف والجوع ونقص من الأموال والأنفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون . أولئك عليهم صلوات من ربهم ورحمة وأولئك هم المهتدون ))
 

مضارب شجاع

عضو نشط
التسجيل
8 مايو 2007
المشاركات
4,705
اسحب كل فلوسك حتى معاشك لا تخليه لهم
لانهم مصاصين دماء وحراميه كل البنوك
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
بالنسبه لباقي الحسابات كحساب الراتب وماشابه هذول مافيهم مشكله ان شاءالله

لكن الحسابات اللي تصنف كودائع هي اللي غير مضمونه .

على فكره قبل شوي قريت بشريط الأخبار في تلفزيون الكويت إن استراليا قررت ضمان الودائع

في البنوك لمدة ثلاث سنوات هذا اللي يعتبر اجراء مطمئن للشعب كافة مو مثل ربعنا كله مالنا

شغل بالناس و كله اقتصادنا متين بس حق نفرين ثلاثه بالبورصه الهيئة تدش بفلوسها ماعندها

مانع شصير يعني لما تضحي بفلوس الأجيال القادمه عشان جم تاجر مافيها شي مساكين لايخسرون وتضيع ثروتهم ويهدون الديرة !!!
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
كالعاده التفكير المتأخر بسبب العقليات الإقتصاديه الفذه اللي موجوده عندنا .....

اليوم يقولون ان الحكومه تفكر تضمن الودائع لدى البنوك وخاصه بنك الخليج بعد خسايره الكبيره

و إن كبار المودعين يفكرون يتوجهون بأموالهم الى دولة الإمارات لأن عندهم قانون صدر قبل فتره

ان حكومتهم تضمن الودائع لدى البنوك عكس ربعنا توهم يفكرون يتخذون القرار بعد مايطيح الفاس

بالراس ويخلون الناس هايجين مايدرون شسوون يلحقون على البورصه و لا على فلوسهم بالبنوك .
 
التسجيل
12 أكتوبر 2005
المشاركات
1,801
الإقامة
الكويت
كالعاده التفكير المتأخر بسبب العقليات الإقتصاديه الفذه اللي موجوده عندنا .....

اليوم يقولون ان الحكومه تفكر تضمن الودائع لدى البنوك وخاصه بنك الخليج بعد خسايره الكبيره

و إن كبار المودعين يفكرون يتوجهون بأموالهم الى دولة الإمارات لأن عندهم قانون صدر قبل فتره

ان حكومتهم تضمن الودائع لدى البنوك عكس ربعنا توهم يفكرون يتخذون القرار بعد مايطيح الفاس

بالراس ويخلون الناس هايجين مايدرون شسوون يلحقون على البورصه و لا على فلوسهم بالبنوك .

دائما بعد مايقع الفاس بالراس !
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
من باب العلم بالشي ....

البنوك راح تتأثر بخساير بنك الخليج دون شك سواء بالقروض أو بالتعاملات الاعتياديه ...

البنوك اللي مسلفة بنك الخليج يا اما فلوسها راحت أو ماراح ترجع لها الا بعد فتره طويله وماراح يرضون يسلفون الخليج مره ثانيه إلا إذا البنك المركزي ضغط عليهم ...

حاليا البنوك الخارجيه ماراح تتعامل مع الخليج ...

والناس قاعده تسحب فلوسها من الخليج انا رحت البنك وشفت طوابير عندهم الله يكون بعونهم وبعون الموظفين
 

dark-77

عضو نشط
التسجيل
16 مايو 2006
المشاركات
170
الإقامة
kuwait
انا سحبت فلوسي كلها من بنك الخليج بس للاسف معاشي عندهم شسوي وترى ما اقدر احوله لان عندي قرض؟؟؟؟
 

raay

عضو نشط
التسجيل
11 نوفمبر 2006
المشاركات
1,272
من باب العلم بالشي ....

البنوك راح تتأثر بخساير بنك الخليج دون شك سواء بالقروض أو بالتعاملات الاعتياديه ...

البنوك اللي مسلفة بنك الخليج يا اما فلوسها راحت أو ماراح ترجع لها الا بعد فتره طويله وماراح يرضون يسلفون الخليج مره ثانيه إلا إذا البنك المركزي ضغط عليهم ...

حاليا البنوك الخارجيه ماراح تتعامل مع الخليج ...

والناس قاعده تسحب فلوسها من الخليج انا رحت البنك وشفت طوابير عندهم الله يكون بعونهم وبعون الموظفين


تحيه عطره لك ماستر ليو


من الصعب اشهار افلاس بنك على اي دوله خاصه وان كان عدد البنوك في هذه الدوله قليل
وخاصه لدوله ترغب بان تصبح مركز مالي ومكان يستقطب الاموال
وباعتقادي الشخصي ان البنك المركزي سيتدخل بحل المشلكه مع اعطاء كافه الضمانات للبنوك لاعاده الاستقرار ....... ولكنها تاخذ وقت
 

aljinaa

عضو نشط
التسجيل
25 سبتمبر 2007
المشاركات
16
انا سحبت فلوسي كلها من بنك الخليج بس للاسف معاشي عندهم شسوي وترى ما اقدر احوله لان عندي قرض؟؟؟؟

استسفار عن القروض رحم الله والدينكم

لما اخذت قرض البنك وقعني على اوراق وايد ومن ضمن الاوراق نفس كمبياله او تعهد اني اسدد المبلغ بالكامل في حال طلب البنك. لاحظ انها مومشروطة بتعسر العميل بالسداد

السؤال
قانونية هذة الورقة و تهقون اذا البنوك تعسرت يسونها ويحجزون الراتب بالكامل أو يسيلون اسهمنا اللي بمحافظهم
 

trader_1

عضو نشط
التسجيل
4 فبراير 2006
المشاركات
464
طيب شباب بالنسبة للقروض هل راح تطيح عن المواطنيين في بنك الخليج ؟؟؟


عندي قرض في بنك الخليج ... هل راح يطالبوني فية ؟؟؟؟؟

اذا فلوسك ما يردونها .. هل يجبرونك بتسديد القرض ؟؟؟؟
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
تحيه عطره لك ماستر ليو


من الصعب اشهار افلاس بنك على اي دوله خاصه وان كان عدد البنوك في هذه الدوله قليل
وخاصه لدوله ترغب بان تصبح مركز مالي ومكان يستقطب الاموال
وباعتقادي الشخصي ان البنك المركزي سيتدخل بحل المشلكه مع اعطاء كافه الضمانات للبنوك لاعاده الاستقرار ....... ولكنها تاخذ وقت

هلا فيك اخوي وعاش من شافك

نعم من الصعب لكن ليس من المستحيل صحيح ؟ ولنا في بنوك أمريكا عبرة

البنك المركزي مطالب ان يحل هالمشكله مانختلف لكن تعال إقنع الناس

انهم مايسحبون فلوسهم حتى لو كان في تطمينات من المركزي

تبي الناس تصدقهم مره ثانيه مثل ماصدقتهم لما قالوا بنوكنا غير متأثره

بالأزمه العالميه أو باقي التصاريح التطمينية الغير مسئولة من قبل بعض المسئولين بالدولة ؟

للأسف هذه التصريحات التجميلية ماعادت تنفع بهالوقت الناس في موجة

هلع و صعب السيطرة عليها و أنا لوما خوفي اني أكون متسبب في هذه

الموجة كنت كتبت للجميع في بداية موضوعي سحبوا كاشكم احتياط ففضلت أكتب تحذير فقط
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
طيب شباب بالنسبة للقروض هل راح تطيح عن المواطنيين في بنك الخليج ؟؟؟


عندي قرض في بنك الخليج ... هل راح يطالبوني فية ؟؟؟؟؟

اذا فلوسك ما يردونها .. هل يجبرونك بتسديد القرض ؟؟؟؟

صعب يسقط القرض ماعتقد يطيح لكن لو طاح بنقول صج مصائب قوم عند قوم فوائد
وبتشوف الناس بالبنوك الثانيه تسوي ثورة تطالب بإسقاط قروضها بعد :)
 

memo99

عضو نشط
التسجيل
13 سبتمبر 2007
المشاركات
43
خبر موثوق انه فروع بنك الخليج سكرة فروعه عالساعة 7 بدل 7:30 مساء اليوم
 
أعلى