شباب عندي 5000 دينار شنو اشتري ؟!

[acton]

كل يوم عدهم ورجعهم بالتجوري واشتر راحتك
واذا حطيتهم بالبورصه كل يوم عدهم وزيد همك

 

[Bo_jassim]

بنك بنك بنككككككككككككككككككك ( بوبيان او الدولي )

 

[الجيكر]

انصحك دام عندك وانيت اشنر 120 راس ضحايه علي 35 يطلعون 4200 و800 علفهم مع الراعي اتشهرين وتبيعهم اول صباح العيد والسوق مسكر وبالميت 70 دينار الراس والمجموع 8400 وارتاااااااااااااااااااااااااااااااااااااااااااااااااااااااااااااااااح وريحنا خلنا بمصيبتنا وانت خلك بعيد وتطمش علينا

 

[بوناصر10]

الجيكر مافتكر اكو على 35 انعيمى على ايدك انا ابى 50 راس وكون شاكرلك لاانه الايرانى على 50 ونعيمى شغل عدل من60وفوق
واذا فيه صحيح نصيحتك فى محلها لااخوانك


أخوك بوناصر

 

[مستثمر عنيد]

توها على طرف اصابعي بكتبها

هذي أفضل نصيحة للجميع ان شاءالله

اشتروه وخلوه عندكم لما تشوفون فيه ربح طيب توكلوا على الله وبيعوا

على الأقل عندك ذهب ماعندك " ورق "

الذهب حده صاعد كلش مو وقته !!

 

[faisel 2]

اشتر راحتك ولا تقرب من البورصه مثل ما تفضل الشباب

او اخذلك بنك بوبيان بس استثماري طويل المدى مو شهر ولا شهرين

كم سنه ؟؟؟

 

[الجيكر]

الجيكر مافتكر اكو على 35 انعيمى على ايدك انا ابى 50 راس وكون شاكرلك لاانه الايرانى على 50 ونعيمى شغل عدل من60وفوق
واذا فيه صحيح نصيحتك فى محلها لااخوانك


أخوك بوناصر

اخوي بوناصر اتوقع يحصل بهذي الاسعار لان راح ينطر شهرين وراح يتعب ويعلف واكيد راح ياخذهم صغار لان الضحايه لهم عمر وشروط والله يوفق الجميع ياخوي

 

[Master-Leo]

الذهب حده صاعد كلش مو وقته !!

هو انت لسه شفت حاجه من صعوده !!!؟

هذا على العموم كلام شخص قالي من شهر 4 اطلع من السوق لأن

تصحيحه شديد جدا بآخر شهر 6 والحين قالي اشتر ذهب وخله احتمال

يوصل 10 دنانير اذا مو أكثر والله أعلم

 

[Doc30]

هو انت لسه شفت حاجه من صعوده !!!؟

هذا على العموم كلام شخص قالي من شهر 4 اطلع من السوق لأن

تصحيحه شديد جدا بآخر شهر 6 والحين قالي اشتر ذهب وخله احتمال

يوصل 10 دنانير اذا مو أكثر والله أعلم

10 دنانير للغرام ؟..وجم سعره الحين؟

 

[Master-Leo]

10 دنانير للغرام ؟..وجم سعره الحين؟

السعر يعتمد تبي عيار جم ؟ خبرك صرت صايغ من كثر مالف و أسأل مو ناقص الا أفتح لي محل ذهب :d

 

[فارس777]

لاتحط البيض كله بسله وحده ادخل سوق الكسور واشتر الف سهم جراند والف سهم زين والف اجللتي والف اتصالات والباقي بيت التمويل والله يوفقك

 

[بوناصر10]

اخوي بوناصر اتوقع يحصل بهذي الاسعار لان راح ينطر شهرين وراح يتعب ويعلف واكيد راح ياخذهم صغار لان الضحايه لهم عمر وشروط والله يوفق الجميع ياخوي

سلامتك مافى على 35 اللى موجود من 50 وفوق للعلم للجميع


اخوكم بوناصر

 

[بوكندر]

ومن لا يحب صعود الجبال يعش أبد الهر بين الحفر
يفوز بال...... من كان جسورا
نصيحتي
إذا ماكنت مهتم جدا في خسارة نص هالمبلغ فأنصحك تلفي على سهم محترم وتشتري ولا تنطر
وإذا تهتم وبتعصب واتكسر بيت العيال وأمهم لا والله خلك ناطر استقرار السوق
بالنسبة لي استغليت نزول سهم الصفوة حيل وشريت 104 فلوس اليوم وارتفع له فلسين وباجر مايندرى
انت تقدر تشتري 400000 سهم منهم بهالمبلغ باجر
والرزق على الله
للعلم ترى مو تزكية لسهم الصفوة بس أضرب لك مثال على نفسي بس
والله يوفقك