شركة المشروعات الكبري العقارية ش.م.ك.م ( جراند ) ..... 10

[الطـبـيـب]

كل شي يجووز انت توقعت بيوم من الايام تشوف جراند ب 100 فلس؟

لأ ما توقعت

 

[frozen]

لأ ما توقعت

الله يسهل علي ملاك السهم انشالله

 

[ebety]

حسبي الله ونعم الوكيل

حسبي الله ونعم الوكيل

 

[kloudali]

والله ياجماعه انا مشهور بالرأس اليابس والنفس الطويل لما اشترى اى سهم...وعندى استعداد اقعد سنين عشان بس ارد فلوسى من اى شركه وفوقهم ربح بسيط
لكن

انا مضطر اشهد واقر بان هالشركه بيدت حيلى وطلعت لى صعروره برأسى:d

يحليلك ظحكتني وايد​

 

[فارس777]

ياليتها تفلس يمكن الحكومه تعطينا قيمتها الدفتريه 230 فلس او من الجهه الحكوميه التي قامت بعمليه القيمه الدفتريه لها

 

[navy_q8]

فرجت حد أعلى باجر

 

[a7mad7]

شلون فرجت و حد أعلى باجر؟؟

 

[navy_q8]

شلون فرجت و حد أعلى باجر؟؟

بس باجر

 

[kuwait1979]

شنو يفيد اذا باجر حد اعلى .
خلها على الله .

.

 

[lover31]

يا اخوان كم اصول الشركة حد يقدر يفيدنا شنو مشاريع الشركة وكم ديونها


ادارة ما تستحي الله يعنيكم كلنا بالهوا سوا


مشاعر ومجموعة البدر ناس ما عندهم احساس

 

[الهادى]

يامعود مجموعة الفقر لو تقعد3 اشهر حد اعلا ماجابت رآس مالها بس انا اسال المطبلين للسهم ليش صاروا مثل النعامه دفنوا روسهم بالتراب يوم فضحناهم بانهم مطبلين وقفنا الاخ الفاضل المراقب عن المشاركة 3ايام ابى اشوف الذى يقول الحصة الى عندى وعند اخوى لوتشوفها تنجن انا اقول له مبروك عليك اسعار جراند الجديده وأوصيك بان تكثر منها لانها زينه مثل ماانت تقول

 

[ابوعبدالله لابتوب]

الله كريم ويعوضكم خير والله ياجماعه انا ضد الإستثمار في السوق على الاقل خلال هذا العام ولكن مع جراند وبهذه الأسعار والله شي مغري وأي سعر تحت ال 100 إخذه وروح حق البروكر وأخذ البون ولفه في بالاستك عشان ما يخرب مع الوقت وحطه بالتجوري وإذا ما عندك تجوري إشلع كاشيه من الحوش واحفر حفره وحط الورقه بصندوق حديد وادفنها وخلها ورث حق عيالك وإذا ما مت بعد مده من الزمن وكبرت روح طلع الورقه وروح الدلال وقوله بيع لي هالورقه راح تشوف ال100 الف أصبحت مليون غير الأرباح طبعا

 

[مبارك الهاجري]

الله كريم ويعوضكم خير والله ياجماعه انا ضد الإستثمار في السوق على الاقل خلال هذا العام ولكن مع جراند وبهذه الأسعار والله شي مغري وأي سعر تحت ال 100 إخذه وروح حق البروكر وأخذ البون ولفه في بالاستك عشان ما يخرب مع الوقت وحطه بالتجوري وإذا ما عندك تجوري إشلع كاشيه من الحوش واحفر حفره وحط الورقه بصندوق حديد وادفنها وخلها ورث حق عيالك وإذا ما مت بعد مده من الزمن وكبرت روح طلع الورقه وروح الدلال وقوله بيع لي هالورقه راح تشوف ال100 الف أصبحت مليون غير الأرباح طبعا

حلوه هاذي بو عبدالله ، ولا فظ فوك ، هاه واشرايك أسويها بكره مع اللي أنت خابر!!!!!

 

[kuwait1979]

13 تعليقه عشان يرجع الحلال .


.

 

[حاطب ليل]

13 تعليقه عشان يرجع الحلال .


.

ما على الله عسير

مثل ما صار 13 حد أدنى لين راح الحلال....الله قادر يعيد المياه إلى مجاريها (أمره بين الكاف والنون) وأنا أقول أبشر بالخير

 

[re.kuwait]

السلام عليكم ..


حل الاسعار الحالية (خصم) ..


ممكن من ألأخوان المحللين تحلليل الأسعار الحالية للسهم


هل سعر دخول ..... ؟؟؟

 

[ابن الوليد78]

جراند تفوق خلال اليومين الماضيين في الخمس شركات الاكثر انخفاظا

 

[NewYork Broker]

تحليل اخباري لقناة الوطن يقول

ان الشركات الكويتية المستثمرة في دبي تمنى بخسائر كبيرة

نتيجة القوانين الجديدة التي تحد من ارتفاع اسعار الأراضي

و ساهمت في نقص السيولة و ارتفاع اسعار البناء

إللي اعرفه ان جراند مساهمة في زعبيل مول بدبي و برج الشارقة

عموما اذا في اي خسارة لازم يبين في الربع الثالث

 

[ابن الوليد78]

حرام عليهم فلسنا منهم

 

[ابوعبدالله لابتوب]

تحليل اخباري لقناة الوطن يقول

ان الشركات الكويتية المستثمرة في دبي تمنى بخسائر كبيرة

نتيجة القوانين الجديدة التي تحد من ارتفاع اسعار الأراضي

و ساهمت في نقص السيولة و ارتفاع اسعار البناء

إللي اعرفه ان جراند مساهمة في زعبيل مول بدبي و برج الشارقة

عموما اذا في اي خسارة لازم يبين في الربع الثالث

انا خابر انهم مستثمرين بأراضي زراعيه بالسودان وانت لو تعرف ان من أغلى الاراضي بالعالم هي بالسودان