قصيدة العروس ورد الشيخ محمد بن راشد

الموضوع في 'إستراحة المنتدى' بواسطة game over, بتاريخ ‏14 أكتوبر 2008.

  1. game over

    game over عضو جديد

    التسجيل:
    ‏1 أغسطس 2008
    المشاركات:
    157
    عدد الإعجابات:
    0
    اقدم لكم قصيدة ( العروس ) للشاعر ناصر القحطاني والتي شدى بها الفنان خالد عبدالرحمن


    رد الشاعر الشيخ / محمد بن راشد آل مكتوم على الشاعر ناصر القحطاني قصيدة ( العروس )



    قصيدة العروس
    الشاعر ناصر القحطاني

    خوية درب عمري ماخذاني دونها النسيان

    وأنــا يـاهـل الملامه مـارغبت العيش وحداني

    أبي لي مهرةٍ ناعس صغيره وبنت حصان

    أبـوهـا اللـي يـفـك الـمـشـكـله ويـزبن الجاني

    وأخوها لاتعزوى بأسمها فزوا له العربان

    يـحـق الـها الـفـخـر في قولت آل فلان جداني

    أبيها في بحر عشرين لازودٍ ولانقصان

    أبيها أقصر طويله والوصوف أشكال وألواني

    أبي الجبهة كما الصبح وكما القوس أسود الحجان

    وأبـيـهـا نـاعـسـات ونـرجسية سـود الاعياني

    أبي رمشٍ كما ريشٍ يغطي الثلج في الاوجان

    وأبي جـفـنٍ يشيل الـرمـش طـربان وكسلاني

    وأبي خدٍ مثل وردٍ تنمى في طرف بستان

    وأبي خـشـمٍ صغير ومثل حـد السيف شاماني

    أبي البسمه كما البرق وثناياها كما المرجان

    وشـفـاهـا جـمـرتـيـن وفـمـهـا خـاتـم سليماني

    أبي شعرٍ مثل ذيل الفرس لاطبت الميدان

    أو الـشـلال لامـن بــات لـيـلـه بـيـن الأمـتاني

    أبي جيدٍ سواة أبريق فضة ناتقٍ مليان

    وصــدرٍ كـنـه مـرايـه عـلـيـهـا طـلـع رمـاني

    أبي ظهرٍ كما الجدول وقدن مثل غصن لبان

    وخـصـرٍ مـثـل مـجدول العنان وجسم روياني

    أبيها نابية ردفٍ وبطنٍ ضامرٍ جوعان

    أبـيـهـا مـدمـجـة سـاق وقـدمـها لـسان ثعباني

    أبيها بنت عزٍ من رغدها ينعم الفستان

    أبـي الـرقـه وأبـي الـدقـه لها بأطرافها شاني

    أبي المشيه كما اللي طالع من المعركه كسبان

    وأبـيـهـا تـرش مـع خطواتها مـسـكٍ وريحاني

    أبي صوتنٍ الا مني سمعته كن فيه ألحان

    يـدغدغ مسمعي ويثير كل السحر في أشجاني

    أبيها حب وإخلاص هواجيس وفرح وأحزان

    أبـيـهـا مـثـل مـادكـتـور أهالي العشق وصاني

    أبيها لوحةٍ ماصورتها ريشة الفنان

    أبـيـهـا جـوهــرة مـاجـابـهـا قـاصـي ولادانـي

    أبيها تنتصر لي من زمانٍ حطني نيشان

    وتـبـشـر بـالـغـلا اللي مـالـفـى بـه واحـدٍ ثاني

    مهرها قلبٍ وشعرٍ يهز القلب والوجدان

    وألـبـسـهـا الـقـصـيـد وتصبح أوزاني وقيفاني

    أبي اللي فات واللي فات صعب ومن لقى العنوان

    يـرد الـعـلـم ولا أفـضـل أبـقـى أعيش وحداني

    000000000



    رد الشاعر الشيخ / محمد بن راشد آل مكتوم على الشاعر ناصر القحطاني علي القصيدة( العروس )




    عبر طيف الذي اهواه في ساعه من الحرمان

    وفاجاني وسلاني وحياني واحياني

    وبانت رائعات الشعر وصف الشاعر الولهان

    وانا لي من بحور الشعر انغامي والحاني

    وانا اللي عادة الفارس يطار يطارد سبق الفرسان

    وتالي الشوط يسبقهم وانا الميدان ميداني

    تذكرت الذي قلبي لها طول العمر عطشان

    هي الحلم الذي عندي وفيها اكتب اوزاني

    ابا شعر ٍ طويل ٍ مثل ماليل الشتاء حيران

    في غابة من سواد الشعر في ليل الدجا الجاني

    واباها ولجبين الصبح لافضه ولاعقبان

    وابي الخدين لون الورد مايحويه بستاني

    بخد ٍ فيه تشرق شمس أول نورها مابان

    وخد ٍ فيه تغرب في شمس محمّره بخجلاني

    وابا قوس الحواجب شمس ماقد خطهن فنان

    على لونين مقلوبين ماهي كتبت لساني

    واريد الخشم سلة سيف فيه الحيف والخسران

    واشافي حمر ٍ مثل الحجر أو خاتم سليماني

    وابا اسنانها صفين من لولو ومن مرجان

    ينير كل ماتبسم واحس النور يغشاني

    واريد العنق عنق الريم قايد جملة الغزلان

    كأنه مرمر ٍ منحوت لا أنس ٍ ولا جاني

    بنيه من ملاحتها إليها تنظر العميان

    ولو مرت عل ميت. حيا وارمى بالاكفاني

    وابا الاهداب مثل احراب أو جيش ٍ على الميدان

    وعين ٍ طرفها واسنى وفيه السحر نعساني

    وابا ظبية نافر بأرض ٍ مابها سكان

    حذور ٍ ماخذ ٍ للريح دق الصيد فتاني

    وابا صدر ونحر ٍ مثل ذاك الحيبلي رويان

    اذا تشرب تشوف الماء بنحرها شوف الاعياني

    واباها فوق عمر البدر بأربع تجلي للاحزان

    واباها الخوخ والرمان عن خوخي ورماني

    وابا خصر ٍ لها مجلود مطوي الحشى ضميان

    واذا تمشي تحس ابها مثل ماتمشي نشواني

    ابا المشية اذا تمشي تبختر مشية البطران

    مثل اللي ماخذ الأول وراضي كان بالثاني

    واباها مشية الظالم لفوز لزيد بن طغيان

    واباها مشية المظلوم واخذ حقه بتبياني

    واباها عطرها يذبح واباها مثل ذات عناني

    عصية ماعصتها حد مثل شعري وقيفاني

    واباها قصة يقولون عنها كان ياماكان

    واباها فوق حد الوصف زين وحسن روياني

    واباها تترس عيوني ومنظر بعدها لمسان

    وفيها ماامل الشوف واهواها وتهواني

    انا هذي الذي ابغي ولا اعرف بها عنوان

    ولكني مكفيني بأن تدري بعنواني

    --------

    وسلامتكم
     
  2. kuwaitey

    kuwaitey عضو نشط

    التسجيل:
    ‏23 ديسمبر 2006
    المشاركات:
    1,508
    عدد الإعجابات:
    0
    لاهنت اخوى على الاختيار والنقل الاكثر من رائع

    وصح السان القحطانى و بن مكتوم على الرائعه هذى