- - --^[ المال للإستثمار * ارتداد واهداف ان شاء الله ]^-- - -

[بورش]

السلام عليكم

المال للإستثمار وصلت مؤشراته إلى القاع واذا وضع السوق زين ان شاء الله اليوم يكون الإرتداد.
السهم كون شمعة خارج البولنجر باند وهذا شي يوحي بالإرتداد للدخول داخل مسار البولنجر باند والصعود ان شاء الله.
مؤشر Momentum و MFI وصلوا للقاع, مما يشير إلا الإرتداد ان شاء الله.
السهم واقف عند الدعم 200 فلس, كسر الدعم يومين وقف خساره.
الهدف الأول ان شاء الله 228
المقاومات هي 206 خفيفه - 220 - 230.

ما استغني عن مشاركة المحللين بتوقعهم لسلوك السهم
هذا الموضوع ليس دعوه للشراء أو للبيع.

أخوكم\
بوجوري

 

[acton]

جزاك الله خير ممكن تعطينه اكثر من سهم وصل مؤشراته الى القاع وفي اي وقت يرتد

 

[أسد سليمان ملك]

جزاك الله خير يابو جوري




جابل امتحاناتك ياحلو

 

[kuwaitey]

الله يجزاك خير اخوى بورش على التحليل وان شاء الله يتفاعل السهم باجر

الله لا يهينك شوف سهم (الديره) وشوف شمعة تداول الامس

الشمعة بره خط البولنجر باند وعتقد اهى شمعة عاكسه للأتجاه بس

الغريب ان جميع مؤشراته سلبيه ..​

 

[بورش]

جزاك الله خير ممكن تعطينه اكثر من سهم وصل مؤشراته الى القاع وفي اي وقت يرتد

ويجزيك خير ياخوي, ان شاء الله اذا لقيت سهم بنفس المؤشرات راح احطه

جزاك الله خير يابو جوري




جابل امتحاناتك ياحلو

ويجزيك خير يابوسليمان
ان شاء الله, دعواتكم

الله يجزاك خير اخوى بورش على التحليل وان شاء الله يتفاعل السهم باجر

الله لا يهينك شوف سهم (الديره) وشوف شمعة تداول الامس

الشمعة بره خط البولنجر باند وعتقد اهى شمعة عاكسه للأتجاه بس

الغريب ان جميع مؤشراته سلبيه ..​

مو شرط كل المؤشرات تكون ايجابيه عشان السهم يرتد
شوف الشارت, نفس السهم الديره, ونفس المؤشرات تقريباً والسهم ارتد ورجع داخل القناة, اتوقع للماكد الإيجابيه ان شاء الله, بس ننطر ان شاء الله حق جم تداول

في النهايه كل شي يعتمد على وضع السوق باجر, اذا اخضر دربك خضر ان شاء الله وفي النهاية يظل هذا تحليل قابل للخطأ قبل الصواب

 

[ميكانيكي]

يعطيك العافيه بورش

ولاتنسى دعم فيبوناتشي 76.4 %

عند ال 200

 

[شرياص الخالدية]

يعطيك العافيه بورش

ولاتنسى دعم فيبوناتشي 76.4 %

عند ال 200

جربت تتريق زبدة لورباك مع توست محمص ؟؟

ترى ينعنشك طول اليوم

 

[TAKE-OVER]

يا سلام عليك يا بو جوري
تحليل رائع و منطقي
و اتوقع نزول السهم في بداية التداول
و بعدها يصعد السهم بإذن الله

 

[Trend Line_Q8]

نشكرك على الإجتهاد أخ بورش

ولكن لي وجه نظر مخالفه

صحيح أغلب المؤشرات متشبعه بيع حاله حال أغلب الأسهم


واضح إن السهم كان له دعم على 234 وبعد ما كسره تهاوى للأسفل بطريقة سريعه ونتج عنه إنفراج سلبي للبولينجر حاد وزاد الطين بله آخر شمعه كانت نافذه هابطه أغلقت خارجه .

لا يزال السهم يخوف حتى يثبت العكس

​

 

[بورش]

يعطيك العافيه بورش

ولاتنسى دعم فيبوناتشي 76.4 %

عند ال 200

ويعافيك يابوفجر
بارك الله فيك عدل كلامك, الدعم الي تكلمت عنه هو دعم فيبوناتشي على 200 فلس, والجميل ان السهم واقف عنده وان شاء الله يرتد. ان شاء الله وضع السوق يساعده

يا سلام عليك يا بو جوري
تحليل رائع و منطقي
و اتوقع نزول السهم في بداية التداول
و بعدها يصعد السهم بإذن الله

مشكور يا استاذي بوطلال, شهاده اعتز فيها
ما استغنى عن معلوماتك الي تكون لي حجر الاساس في التحليل.
يعطيك العافيه وجزاك الله خير

نشكرك على الإجتهاد أخ بورش

ولكن لي وجه نظر مخالفه

صحيح أغلب المؤشرات متشبعه بيع حاله حال أغلب الأسهم


واضح إن السهم كان له دعم على 234 وبعد ما كسره تهاوى للأسفل بطريقة سريعه ونتج عنه إنفراج سلبي للبولينجر حاد وزاد الطين بله آخر شمعه كانت نافذه هابطه أغلقت خارجه .

لا يزال السهم يخوف حتى يثبت العكس

​

وجهت نظر ولها كل احترام
الشمعه الهابطه عن مسار البولنجر اعتبرها شي ايجابي وليس سلبي.
اذا كنا نبي نحسب كسر الدعومات, سهم بيتك كسر الي مايتكسر, ووصل لسعر 1,800 من سعر 2,960, جم دعم كسر لين وصل هذا السعر ؟ ومع هذا عندما وصل مؤشر ال Momentum وال MFI الى القاع كان هناك ارتداد للسهم في اليوم الي بعده مباشره مثل ماهو موضح بالشارت المرفق.

كلامي ليس جزم بصعود سهم المال, فهذه اسواق المال فيها نسبة المخاطره عاليه, ووجد التحليل الفني لتقليل نسبة المخاطره هذي لأقل الحدود الممكنه. وانا حاط الدعم 200, اذا كسره لمدة يومين يعتبر التحليل ملغي. اكبر المحللين تلغى تحاليلهم, فما بالك في شخص في بدايات طريقه؟
اتمنى ان شاء الله يصح توقعي وان شاء الله السوق يساعده ومايكون احمر.

بارك الله فيك ويعطيك العافيه على المداخله الحلوه

 

[chart-man]

ياسلام عليك يابوجوري
اتفق معك
لان السهم حقق هدف التماسك من النزول يعني ارتداده وارد ان شاء الله

 

[الجارح]

والله ياخوى ا نا اشوف ان الدخول فى السهم بالوقت الحالى مضيعه للوقت

وتجميد اموال دون الانتفاع باى شئ

 

[boksha]

والله ياخوى ا نا اشوف ان الدخول فى السهم بالوقت الحالى مضيعه للوقت

وتجميد اموال دون الانتفاع باى شئ

انت صح

السهم بالحد الادنى

 

[Trend Line_Q8]

وجهت نظر ولها كل احترام
الشمعه الهابطه عن مسار البولنجر اعتبرها شي ايجابي وليس سلبي.

شاكر لك سعه الصدر

والشمعه الهابطه لما تغلق خارج الخط السفلي للبولينجر هالشئ سلبي جدا وتعني المزيد من الهبوط يا أخ بورش ..
شوف لما تتكون اليوم شمعه وتغلق داخل نطاق البولينجر وقتها نقدر نقول إننا ممكن ندخل مرحلة تذبذب أو إرتداد ولكن على شمعه الأمس الوضع يبقى على ما هو عليه مزيد من الخسائر .

وتقبل تحياتي .​

 

[ابو عليا]

السهم سعره مغري ..
نحطه بالمحفظه واخر السوق نبيع
منو يدخل معاي عليه؟؟؟

 

[H.F.H]

مؤشرات السهم سلبية..السهم كاسر للترند الصاعد

حاليا عنده هدف عند 164 فلس

 

[بورش]

ياسلام عليك يابوجوري
اتفق معك
لان السهم حقق هدف التماسك من النزول يعني ارتداده وارد ان شاء الله

يعطيك العافيه يابوريناد
مشكور على المداخله

والله ياخوى ا نا اشوف ان الدخول فى السهم بالوقت الحالى مضيعه للوقت

وتجميد اموال دون الانتفاع باى شئ

السوق اليوم ككل وضعه مايساعد اي سهم على الصعود

السهم سعره مغري ..
نحطه بالمحفظه واخر السوق نبيع
منو يدخل معاي عليه؟؟؟

السوق اليوم وضعه ككل مايشجع للشراء

مؤشرات السهم سلبية..السهم كاسر للترند الصاعد

حاليا عنده هدف عند 164 فلس

السهم كاسر ترند صاعد من شهور, شنو اليديد
ممكن تذكر المؤشرات السلبيه, وليش 164 الهدف ؟ بارك الله فيك

شاكر لك سعه الصدر

والشمعه الهابطه لما تغلق خارج الخط السفلي للبولينجر هالشئ سلبي جدا وتعني المزيد من الهبوط يا أخ بورش ..
شوف لما تتكون اليوم شمعه وتغلق داخل نطاق البولينجر وقتها نقدر نقول إننا ممكن ندخل مرحلة تذبذب أو إرتداد ولكن على شمعه الأمس الوضع يبقى على ما هو عليه مزيد من الخسائر .

وتقبل تحياتي .​

صح كلامك الشمعه الثانيه بعد الشمعه خارج نطاق البولنجر باند اذا تكونت داخل الموجه راح تشير الا الارتداد ان شاء الله.
آسف لعدم ايضاح ماقصدته, والقصد هو مع تكون الشمعه خارج الموجه, مؤشر ال MFI و Momentun وصلوا للقاع, ومنها توقعت ارتداد السهم.
على العموم السوق ماساعد اي سهم حتى يحترم التحليل.
ولكن الشي الإيجابي الي يخلي السهم يرتد من هذه النقطه هو المؤشر الي ذكرته

شاكر لك مشاركتك وتنبيهك
يعطيك العافيه

اخوك\
بوجوري

 

[H.F.H]

السهم كاسر ترند صاعد من شهور, شنو اليديد
ممكن تذكر المؤشرات السلبيه, وليش 164 الهدف ؟ بارك الله فيك


مرحبا أخوي بورش .. السهم مو من شهور كاسر الترند الصاعد بل منذ 29-9-2008 يعني فترة وجيزة ..

أما ليش 164 فلس لأنه الدعم القادم للسهم .. عموما يبقى هذا رأيي الشخصي

 

[chart-man]

السهم كاسر ترند صاعد من شهور, شنو اليديد
ممكن تذكر المؤشرات السلبيه, وليش 164 الهدف ؟ بارك الله فيك


مرحبا أخوي بورش .. السهم مو من شهور كاسر الترند الصاعد بل منذ 29-9-2008 يعني فترة وجيزة ..

أما ليش 164 فلس لأنه الدعم القادم للسهم .. عموما يبقى هذا رأيي الشخصي

شنو هالشارت يالطيب شهري ربع سنوي

 

[H.F.H]

شنو هالشارت يالطيب شهري ربع سنوي

هلا أخوي شارت مان ...هذا على الشهري لأن الفترة طويلة منذ 2003 فستخدمته لأنه أوضح..