هل تكفي 70 الف لبناء ثلاث ادوار ؟؟

[طارق55]

اخوي الدينار

معلش السموحه من الشباب خلني ابتدي معاك .. تقول ان ماتكفي .. أمنا بالله ... خلاص .. هونا من الثلاث ادوار .. الحين انت سويت دورين ونصف .. النصف هذا سويت شقه ( غرفتين وحمامين ) ولا غرفه الخدامه مع حمامها عزك الله وغرفه غسيل ؟؟ لانها تفرق .. وتقريبا كم يكلف الدورين ونصف ؟؟

 

[تفائلوا بالخير]

شركة تبنى لك 3 ادوار الدواوين والصالات سوبر ديلوكس وغرقة النوم الرئيسية ايضا والباقى عادى بسعر 63 الف دينار والتكييف والاصنصير عليك يعنى كلة 74 اذا تبى رقمهم ادزة للك

المساحة الاجماليه 1050متر

 

[abo ali 73]

الله يعطيكم العافية اخوان الصراحة موضوع حلو لاني هم انا ببني بمدينة جابر ومحتار حالي حال الاخوان اللي يبون يبنون الله يعينهم ويرزقهم ويباركلهم في بيوتهم انشاالله
انا اذا تسمحون بس عندي شغلة حبيت اقولها عن شركة غسان الخالد حاطين اعلانات بالشوارع انه يبنون البيت ب 50 الف تقريبا المهم دقيت عليهم ومالقيت رد يعني ما فادوني المهم سئلت واحد من الربع قالي يبنولك بس بشرط لازم مساحة بيتك مو اقل من 475 متر عاد ما ادري شنو الحكمة من الشرط للمساحة واتمنى اذا احد من الاخوان عنده فكرة يطرحها للنقاش
والف شكر لكم وبالتوفيق

 

[بو عبد العزيز]

المبلغ كافى وزيادة بعد سوبر دولكس وعلى الخاطر المهم اخوى راسلنى وانا حاظر اخدمك تستاهل انا تونى خالص بنيان سوبر دلكس ولو تبى اوريك شغلى وتحكم كافى المبلغ انا مثلك اول شى احاتى بس الحمدالله اوريك بيتى مساحة البناء فية1160 متر وسنترال واسنسيل وشغل مضبوط انا اعلمك اخوى ماطولك حريص انك ماتسكن بربا انا اخدمك

 

[طارق55]

بوعبدالعزيز ..

دزيت لي رساله علي الخاص .. ماأدري أذا وصلت ولا لا .. ؟؟؟؟ تراني جديد بالشغلات وماأعرف وايد ...

 

[مقاول بناء]

اخواني انا عطيت راي قبل

السلام عليكم اخوي طارق اتمنى انو 70الف تكفي بس انت تعرف يعني المواد والغلا وغلاة اليد العامله اخوي اشتغله انت او احسبه منيح
والله راح تكلفك اكثر
المهم انا جاهز اذا احتاجيت اي خدمه اذا تريد تشغله مفتاح اوهيكل اسود مع المواد اومصنعيات (نجار ) (خشب)(حداد)(بنا)(صبيب)
اذا تريد تشتغل اواي حد يريد يشتغل انا موجود وهذا رقمي

99536718

 

[الدينار]

اخوي الدينار

معلش السموحه من الشباب خلني ابتدي معاك .. تقول ان ماتكفي .. أمنا بالله ... خلاص .. هونا من الثلاث ادوار .. الحين انت سويت دورين ونصف .. النصف هذا سويت شقه ( غرفتين وحمامين ) ولا غرفه الخدامه مع حمامها عزك الله وغرفه غسيل ؟؟ لانها تفرق .. وتقريبا كم يكلف الدورين ونصف ؟؟

هلا أخوى طارق سامحنا أنشغلت الأيام اللى طافت

بيتى يا خوى دورين ونصف

النصف شقه 3 غرف حمامين صاله

كم يكلف يعنى تشطيب تقصد ؟؟؟

بالنسبه لى لازم دفع مبلغ فوق قرض التسليف

ومع أحترامى للكل 3 أدوار بالمساحه هذه أنسى الموضوع وتذكر كلامى لما تدخل التشطيب وتشوف بأن الدينار ينطح الدينار :d

وسامحنا على القصور

 

[بوغمازات]

القرض راح يصير 85 الف بدال ال70 الف

 

[طارق55]

السلام عليكم

أسف علي التأخير ..

الاخ kuwait25

كلامك منطقي .. والافضل أنك تبني دورين كامليين وبعدين أذا الله رزقك فلوس أبني الثالث .. هذا أفضل حل .. ومنطقي جدا .. شاكر لك مشاركتك ..

------------------------

الاخ VISION

علي حسب الي نسمعه .. من 15 الي 20 بالكثير .. ويمكن انزل الان مع نزول الاسعار

------------------

الاخ مقاول بناء

لاخلا ولاعدم .. وأذا كان عندنا استفسار راح أستشيرك أكيد

------------------------

الاخ ناصر فيصل

أيضا المرابحه أقساط في اقساط .. الله يعين .. ويسهل

-------------------------

الاخ بيبلوس

لازلت انتظر الرقم .. خلنا أنشوف أشعندهم من عروض شاكر لك مشاركتك

------------------

الاخ ku_ambassador

كلامك كله منطقي .. وعقلاني .. ولكن ربك يحلها .. احتمال اسوي دورين ونصف .. أو نشوف لنا دبره ثانيه .. شاكر لك مشاركتك

 

[طارق55]

الاخ بوحمود1

لاتصدق هالكلام .. الي انت تقوله .. ال 70 الف تسويلك دورين ونصف أذا احسنت التصرف والله وفقك صح بالبنيان .. ثانيا لاتفكر بالاثاث .. انساه .. أنا أتكلم عن البنيان بس فقط لاغير ..

 

[طارق55]

الاخ الدينار

اول شئ أسف علي التأخير .. ثانيا كلامك والله صحيح .. وانا بصراحه شكلي ابي اسوي دورين ونصف .. وأحاول قدر المستطاع التوفير في الاشياء الغير الاساسيه .. طبعا الصحي والكهرباء احاول احط الممتاز والباقي احاول اقلل منه .. مثلا الخلطه الايرانيه توفر شوي .. راح استعملها .. وهلم جرا .. والله يقدرنا نبني ب ال 70 الف .. هالدورين ونصف ..

 

[طارق55]

يرفع بمناسبه نزول بعض الاسعار .. والله كريم

 

[cocacola]

اخوي اذا المقاول قالك التكلفه 70 الف
لازم تحط 10 الاف احتياط لان البنيان ياكل

وانا افضل بالنسبه للتشطيبات روح الصين احسن وارخص

 

[الحريه وطن]

نعم حط عندك احتياط

للتناتيف

 

[من الكويت]

للرفع

 

[ترافيانية]

تبي نصيحة عن تجربة
اذا انت اللي بتجابل البنيان وتييب مقاول وكهربائي وصحي واحد يقص عليك وواحد ينحاش وواحد يخرب ما راح تكفيك
بس اذا بتتفق مع شركة على كل شي يسلمونك اياه كامل مكمل ان شاءالله بتكفي

 

[MBA.Eng]

يرفع بمناسبه نزول بعض الاسعار .. والله كريم

لاتشيل هم دق علي وانا حاضر

انا مقاول تعال اوريك شغلي في عبدالله المبارك وسعد العبدالله


ارسل لي علي الخاص تلفونك

او مثل ماتحب

بانتظارك ابو احمد

 

[kwt.to.kwt]

ما تكفي
يا دوبك دورين ونص تشطيب عادي
لاتنس المبلغ 67000 فقط
2000 للأرض
1000 للكهرباء

تحتاج 20 ألف فوق القرض

 

[الطـبـيـب]

70 ألف أخوي ما تكفي لا عادي ولا تجاري على المساحة اللي تبيها

عموما نتعامل مع خوش مقاول واسعاره طيبه ومجرب ودايما ياخذ من عندنا شغل

 

[سفير النواياااا]

الاخ الدينار

اول شئ أسف علي التأخير .. ثانيا كلامك والله صحيح .. وانا بصراحه شكلي ابي اسوي دورين ونصف .. وأحاول قدر المستطاع التوفير في الاشياء الغير الاساسيه .. طبعا الصحي والكهرباء احاول احط الممتاز والباقي احاول اقلل منه .. مثلا الخلطه الايرانيه توفر شوي .. راح استعملها .. وهلم جرا .. والله يقدرنا نبني ب ال 70 الف .. هالدورين ونصف ..

نصيحة مجرب الخلطة الايرانية لاتقرب صوبهاااااا ابداااا عليك بالخلط الجاهز اقوى واضمن لك وانت بكيفك