خطة اليوم !

[Data]

بيييييييييييييييييييييييييععععععع

 

[frozen]

عسي ما شر اخوي

 

[AC.MILAN]

طبق خطة ميلان 4-5-1
تأمينها الدفاعي قوي

 

[اعلامي]

لا حول ولا قوة الا بالله العلي العظيم

ما ينلامون صناع السوق اذا ما رفعوا الاسهم
​

 

[kaifani]

خطة اليوم :
الشاطر يجري .

 

[alshammery]

من الواضح ان الهيئة المبجلة داشة وبقوة على اسهم متوصين عليها ومامورين بعد والا شنو تفسير دخولهم القوى على زين والباقى خلة يولى مع انهم يدرون ان اغلب صغار المستثمرين غرقانين فى اسهم البحر والبدر

 

[اعلامي]

من الواضح ان الهيئة المبجلة داشة وبقوة على اسهم متوصين عليها ومامورين بعد والا شنو تفسير دخولهم القوى على زين والباقى خلة يولى مع انهم يدرون ان اغلب صغار المستثمرين غرقانين فى اسهم البحر والبدر

اخوي الشامري يعطيك العافية ....

فنيا ما تعطي سهم زين صعود حتى 1900 - 2100 ؟؟؟

بالتالي هذا يبرر الدخول القوي من الهيئة على هذي الشركة وغيرها من الشركات القيادية التي سينعكس اثرها عند هذي الاسعار بكل تاكيد على مؤشرات السوق

 

[Navigator]

اخوي الشامري يعطيك العافية ....

فنيا ما تعطي سهم زين صعود حتى 1900 - 2100 ؟؟؟

بالتالي هذا يبرر الدخول القوي من الهيئة على هذي الشركة وغيرها من الشركات القيادية التي سينعكس اثرها عند هذي الاسعار بكل تاكيد على مؤشرات السوق

وانت ليش كنت تقول اسهم البحر بتنزل تحت 100 فلس ::verymad::::verymad::

شفت شلون

وين اللي قبل يهايطون

 

[اعلامي]

وانت ليش كنت تقول اسهم البحر بتنزل تحت 100 فلس ::verymad::::verymad:::d

شفت شلون

وين اللي قبل يهايطون

والله يا بوالنصح من اكثر من شهرين قلت اسهم البحر بتروح تحت ا 100 فلس واحد زعل علي وعلق على كلامي بانه شخابيط وما عندي سالفة ....

لكن هذا سوق يعطيك كل شي ويخليك تشوفه شوف العين ...

يمكن لو اقول الحين اني اشوف ايفا 800 فلس
جيزان 550 فلس

دولية م ا 500 فلس

الناس تقوم علي قومه :d

عشان جذي اقول السكوت احسن .... ونخلي الايام ترد على كل مشكك

 

[دايــم]

من الواضح ان الهيئة المبجلة داشة وبقوة على اسهم متوصين عليها ومامورين بعد والا شنو تفسير دخولهم القوى على زين والباقى خلة يولى مع انهم يدرون ان اغلب صغار المستثمرين غرقانين فى اسهم البحر والبدر

الدخول على زين ليس من الهيئه​

 

[ايمان الكويتيه]

اخوي اعلامي عفوا الأرقام اللي حطيتها طنازه والا فعلا رؤيه فنيه لأن قالولي نفس الشي وقلت مستحيل فياريت توضح عن نفسي أنطر سنه وأكثر ماعندي مشكله بس ماأبيع بخساره ,بانتظار ردك.

 

[Data]

ليش ما تتقبلون الوضع

عسي ما شر اخوي

ما كو شر يا فروزن , لكن لازم المتداولين يدركون الحقيقة المرة و يسلمون على باجي فلوسهم و ياخذون الخسارة و يريحون بالهم و يدورون فرص استثمارية غير البورصة.لان اوضاع البلد الاقتصادية جدا سيئة .

 

[اعلامي]

اخوي اعلامي عفوا الأرقام اللي حطيتها طنازه والا فعلا رؤيه فنيه لأن قالولي نفس الشي وقلت مستحيل فياريت توضح عن نفسي أنطر سنه وأكثر ماعندي مشكله بس ماأبيع بخساره ,بانتظار ردك.

عفوا اختي الكريمة ....

نحن لسنا بمقام ( الطنازه ) فهذي مشاركة قد تكون محسوبة علينا ويتابعها الكثيرين ...

انتي تقولين قالولج هذي الاسعار .. وانا شفتها فنيا على الشارت ... لكن ما اقدر اوضح كيف واشلون وعلى اي اساس ....

واتمنى ان تصدق هذي النظرة

 

[Data]

الشارت

اخوي الاعلامي و تحياتي
أنا صار لي تقريبا 12 سنة استخدم الشارتس و صراحة فنيا المؤشر بروح 6750 على الاقل . و الله أعلم

 

[Navigator]

والله يا بوالنصح من اكثر من شهرين قلت اسهم البحر بتروح تحت ا 100 فلس واحد زعل علي وعلق على كلامي بانه شخابيط وما عندي سالفة ....

لكن هذا سوق يعطيك كل شي ويخليك تشوفه شوف العين ...

يمكن لو اقول الحين اني اشوف ايفا 800 فلس
جيزان 550 فلس

دولية م ا 500 فلس

الناس تقوم علي قومه :d

عشان جذي اقول السكوت احسن .... ونخلي الايام ترد على كل مشكك

بو محمد الله يعطيك العافية

اذكر الموضع عدل وما نسيته

لله درك بو محمد

 

[Data]

الشجاعة

الاخت ايمان , انا ما ابي أحبطج و أخلط أفكارج لكن خلال تجاربي 15 سنة في التداول (مو في بورصة الكويت) أقدر اقولج ان الي ياخذ الخسارة الحين راح يقدر يعيش لكي يقاتل في يوم آخر , لكن الاحتفاظ بالاسهم في ظل الظروف العالمية و المحلية الحالية يعتبر انتحار اقتصادي.

 

[اعلامي]

الاخت ايمان , انا ما ابي أحبطج و أخلط أفكارج لكن خلال تجاربي 15 سنة في التداول (مو في بورصة الكويت) أقدر اقولج ان الي ياخذ الخسارة الحين راح يقدر يعيش لكي يقاتل في يوم آخر , لكن الاحتفاظ بالاسهم في ظل الظروف العالمية و المحلية الحالية يعتبر انتحار اقتصادي.

احيانا السكوت من ذهب

15 سنه تتعامل بالشارت وهذي نظرتك للسوق الكويتي ؟؟؟

الرقم اللي حطيته ممكن يروحله المؤشر بس تو الناس على هالارقام ... نعم احنا على عتبة وابواب الركود ... لكن سوقنا فيه حيل للصعود الأن باذن الله

 

[بيكاسو 70]

جدا متشائم...............بس ماتلام

 

[Data]

حقائق مو تشاؤم

اعلامي, الشارت اهو الي طلعني من السوق في ابريل قبل ما يبدأ السوق في النزول! (عندي البرنت في ذاك التاريخ )
و انا فعلا أعتبر نفسي ساكت لاني لو أقول باجي الحقائق جان اصير ذعر و رعب , علشان جذي ما أقدر أقول اكثر من الي قلته.
كلمة اخيرة:لا تصدق ولا كلمة من تطمينات المسؤولين ترى كله جذب و تخدير .
انا بس ضايق خلقي على افلوس صغار المتداولين .
و أنت و شأنك

 

[أسد في البورصة]

الاخ data عندك دليل على ان السوق والمؤشر رايححين لهبوط اكثر فالايام القادمه على ماقلت كلام المسؤلين جذب وخداع حتى ناخذ بكلامك ونقوم بتنبيه الاخوه في المؤشر نت
على سبيل المثال 6.500 نقطه المؤشر السعري

ارجو ان تفيدنا بس بدليل فني واكون شاكرلك