شــركـه ذو إداره وسياسه قويه
boalons قال:
سؤال لاصحاب الخبره بسوق الصلبوخ بالكويت !
بما ان ارباح الشركه في نموا كبير ودي اعرف شنوا سبب هذا النموا
- هل هي اكبر شركات الصلبوخ بالديره
- او عدم وجود منافسين
- او ارتفاع اسعار الصلبوخ ....
صراحه ماعندى اي فكره عن سوق الصلبوخ بالديره ياريت الي عنده خبره يفيدنا للاستفاده
الســلام عليكم
الأخ بولنـس راح أحـاول أشرحلك وأســاعدك كثر ما أقدر ... المعلومـات الي عندي عن سووق الصلبوخ ماخذهـا من أخوي .. هي بسيطه بس لمـا يرد إنشـالله من برا راح آخذ منه أكثر معلومات أقدر عليه .
شــهد سـوق الصلبوخ أو الصخور بالكويت قفزه كبيره بالإنتاج والمبيعات خاصه بعد زوال حاكم العراق الطاغيه وما أثر ذلك إيجابيـا على نزول التوتر بين تجار العقار وإقبال الشركات على الطلبـات الكبيره والمشروعات الكثيره والكبيره والي هي تحت الإنشـاء حاليـا أو انتهت ... ولا ننسـى الطلبات العراقيه وطلبـات قوات التحالف أو الشركات الشـاغله هناك .
أخوي الي شرحلي عن سوق الصلبوخ كان أحد مزودي المقاولين للمناطق الجديده بالسابق ( مثل أم الهيمان ) وهم كان يشتغل مقاول لحسـابه وشركته الخاصه وقبل سقوط النظام يقوول أن سـعر شـاحنه الصلبوخ ( مو عارف أي حجم قصده من الشـاحنات ونسيت أسـأل
) كان يكلف تقريبـا قريب الــ 80 دينار للشـاحنه والحين يقول السـعر صعد خلال أقل من ســنه إلى سعر جديد مو متأكد منه الحين هو بعد ما ترك شغل المقاولات والي يتجاوز الــ 170 دينار ( نسـيت أسأله عن السـعر ) وإذا لاحظت أنه الزياده كبيره وفاقت الـ 100% من السعر .
ومقابل زيـاده الأســعار هم في هناك زياده بالطلبـات والي زادت للضعف أو أكثر حسـب ما ذكر .
ونصل أخيرا لربحيه الصـخـــــور ... هل الشــركه أحد الشركات الــ 4 أو الـ 5 الكبيره بالســووق .. بس الفرق أن إنتـاج هل الشــركه وقوتهـا من معدات وكفاءات وقوه تشغيليه وإنتاجيه أكبر تقريبـا من كل الشركات مجتمعه مع بعض .
يعني تخيل شــركه مسيطره على الســوق بهل القوه لأهم عنصر وماده بنــاء بالســووق .. !! شــنو راح يكون مدخولهــا وخاصه لمــا تتحكم بالسـعر ؟؟!!
هــذا والله أعلم
