اقتراح بتشكيل صندوق سيادي للمؤشرنت للإستحواذ على الأسهم تحت 50 فلس

والله مو قاعد اتغشمر شرايكم لو نسوي صندوق نستحوذ فيه على الشركات إذا وصلت اسعارها 50 فلس وبعدين نعلن تفليسة الشركه ونبيع الأصول كلها وراح يطلع لنا فوق 200 % مربح والشغله سهله تأسيس شركه وانتخاب مجلس إداره

 

ومن قالك ان اصحاب الشركات يبون يعرضون حصصهم بالسوق,

قول تأخذ نسبة طيبة ايه بس استحواذ صعبة

 

استحواذ ممكن بس السيطره صعبه بوعبدلله
الا بمعرفه كبار ملاك الشركه الي تبي تستحوذ عليها ممكن

 

وليش نعلن افلاسه نستحوذ على شركة اقل من ربع قيمتها فهذا بحد ذاته تجاره


يعني اذا بتنشا شركة جديده تكلفك مرات كثر


نقدر نستحوذ لان اغلب نسب الملاك تحت 50 باليمه

 

اذا جمعت 20 واحد معاك ... اعتبر اني دبرتلك باقي راس المال


.............. ربعنا للاسف عمرهم ما يتفقون

واق واق واق ..... يعني : كلام * كلام

 

انا وياك شرايك يا ابو نواف

 

الامور تعظمت والنيه باطله

والله شغله مو غريبه غيرنا سبقنا والسوق الكويتي كله ماشي بهالبطاله

والله فكره حلوه يابوعبدالله ولك مني تأيد وانت رئيس مجلس الاداره تستاهل

 

سجل اسمي وياك بالصندوق

 

مشكور على الثقه الزايده ووالحقيقه احنا لو افترضنا مثلا جراند سهم عنده أصول ممتازه وراس ماله 36 مليون دينار على 100 فلس يعني 360 مليون سهم والحين سعره راح يوصل 75 فلس مثلا ولو تملكنا نسبة 120 مليون سهم بسعر 75 فلس يعني 40%من راس المال راح يكلفنا 120 مليون*0.75= 9 ملايين دينار ولو افترضنا ان عدد اللي راح بكتتبون معانا ملاك استراتيجيين بقيمة 50 الف دينار للحصه العدد 180 مكتتب المبلغ راح يكون 9 وبكذيه نشكل مجلس إداره جديد ونباشر شغلنا بتنفيذ الخطه​

 

طبعا إحنا ما نتملك النسبه على طول لازم اول شي ندخل ب 10% ونلوع جبودهم من السهم ونزهقهم مثل ما زهقونا ونضارب على السهم ومثلك عارف بيع على المكشوف والأساليب الملتويه وبعدين بيونك بيقولون يبا اللي تبونه يصير ذيك الساع لنا خطتنا وياهم وانت شوفة عينك معروض بالملايين مالقا من يشله

 

والله اخوي فكرتك حلوة
بس فيها عيب واحد شرعي
الناس متعلقة فوووووووووووق حيل
اكتتابات شركات كبيرة قاعدة تفشل بسبب شح السيولة
واذا تعدل السوق ماراح تحصل جراند 75 فلس
يعني احنا راح اطوف علينا الفرصة
اعيد واكرر
فكرة اكثر من ممتازة
بس يظل العيب شرعي

 

أنا وياكم ومشروع حلو
واللي يدفع أكثر يصير رئيس مجلس الاداره

 

ابو عبدالله اذا الفكره صحيحه اعتبرنى معاكم من الحين

خسرنا شكثر بتوقف على الصندوق هذا

توكلنا على الله سبحانه وتعالى ..

 

لا طبعا انت تقدر من باكر لو تبي تاخذ 20 مليون سهم بيوم واحد ولا تنسى شح السبوله وبالنسبه لموضوعنا طبعا احنا راح نضارب على السه لين نطقشهم ولازم نستغل الوقت هذا وبالعكس اخاف يبوقون الفكره هذي منتديات ثانيه ويطبقونها ولا تنسى احتمال ماراح نحصل فرصه مثل هذي واسعر بالحضيض ولاتنسى ان عندنا خيرة المحللين المحترفين وبالنسبه للإكتتاب راح يكون متساوي والإنتخاب من يمثلنا وهذي سهله بس الشغله تحتاج شوية دراسه

 

وزارة التجارة يخلونكم ؟؟؟؟؟؟؟؟؟ .

 

انا قظبوني الاداره الماليه و مالكم شغل

 

يعني الخردة عندك , و اذا صرت نفس هيئة الاستثمار هالأيام , تعطي ناس و تخلي ناس ؟؟؟؟؟؟

 

لا اعطي ناس و لا اخلي ناس طال عمرك و الاقربون اولي بالمعروف يعني دامك بتحاسبني الخرده راح تكون بيني و بينك بس لا تعلم احد:d

 

صبحكم الله بالخير..
بدال الاستحواذ ليش ما ترفعون السهم
جمعة مباركة





أخوكم/ ويلاه

 

معاك يابو عبدالله

خايف الطاحونة يدرون فينا يدقونا دق من يناطحهم​