فعلا الله يعين الكويت فعلا ماهي ناقصة عمال نفط الكويت مسوين اضراب وباجر المحطات كلها راح تسكر والحين طابوير على محطات البنزين يعني فعلا سخافة موظفين النفط يعني يا تزيدونا يا نسوي اضراب وتسكر المحطات انزين منو المسؤؤل عن هذا التخبط صج الكويتين صاروا بس يشفون الفلس يعني زادونا 120 وزادونا 50 بعد شنو يبون اهي انهيبه. لو يبون من الهند مهندسين وعمال ارخص واحسن من الكويتين الي مامنهم فايدة بس بالمكاتب ويبون زيادة عيل الباجي موظفين إلي ماعندهم كوادر شسوون. ما اقول إلا الله يعين الكويت إلي تعطي بدون مقابل ومحد له خلق يخدمها
أنا عندي اقتراح ولو كنت راح اتضرر منه لكن أشوف أنه أحسن يوقفون كل الكوادر أحسن من هالاضرابات كل يوم والثاني.
اخي الفاضل اولا المهندسين مالهم شغل بالاضراب لا ناقه لهم ولاجمل ثانيا الاضراب لان المؤسسه تعطي شركات مميزات حق شركات والبترول الوطنيه مالهم هذا ظلم عدل ثالثا المميزات حق الفنيين مو حق المهندسين مع العلم ان لامهندسين بالبترول مالهم كادر ولا قالوا شي رابعا قبل الاتجاه الى الاضراب مخاطبات صار لها اكثر من سنه والمسؤولين يقولون عطونا مهله شهرين لين كملنا السنه ونص خامسا اتمنى قبل فتح موضوع ان تلعم بابعاده اولا وشكرا
وترى على فكرة من اخطر الوظائف بالكويت هي بالمصافي البترول الوطنيه والا الشركات الثانيه شغلهم عادي مو نفس خطورتنا
^^^ معاجبه المكان والمعاش ومافي مميزات يروح مكان ثاني ليش مجلبين في الشركة، مو يسوون اضراب ويعطلون مصالح العالم
ما عندك فكره اخوى عن سبب الاضراب وهل لهم حق فيه؟ وهل رواتبهم بمستوى اعمالهم ؟ وهل موظفين القطاع البترولى سواسيه ام على اختلاف مع باقى القطاعات البتروليه؟ وماهو الرد الحكومى على المشكله ما قبل الاضراب ؟ وماذا فعلت وزارة الداخليه ببعض افراد نقابة الشركه ؟ وماذا يحصل الان داخل المصافى ؟
انا قلت اذا مو عاجبهم المكان في شركات وايد. والله المفروض على الحكومة إلي يسوي اضراب ويضر مصالح الشعب اقضبه الباب على طول
فعلا ماتستحى اذا ما تعرف شنو سبب الاضراب ليش تتكلم فيه . ولاتشكك فى وطنية موظفيين البترول , تراهم يحبون البلد اكثر منك وثانى شى لو تعرف طبيعة عملهم , والامراض اللى تحوشهم مع اولادهم جان ماتكلمة بهل شى ....
هذى مو اجابه اخوى منطقيه . مثل ماقال الاخ يجب ان تكون ملم بابعاد المشكله بالشكل الصحيح ومن ثم طرح وجهة نظرك حتى تكون على اسس . وسلم لى على المصفاه الرابعه .
يا أخوان الرازق في السماء والحاسد بالارض بعض الناس لم يتكلم ويكتب يطلع بقلبه حسد مكنون يقضبونهم الباب ببساطه أحنا دولة قانون ونظم وبلد ديمقراطي ولائنا لاميرنا وقائد مسيرتنا وال الصباح الاحتجاج الي حاصل ضد أداره فقط وأن شاء الله تنحل القضيه وهولاء أبناء البلد أولا وأخيرا
