المواضيع صارت ما تنبغى كله سب وتسفل @@!!!!!!!!!!

[السعد محمد]

الصبر عند المصيبة الاولى ومعادن الرجال وقت الشدة تبان و مثل منت عارف المفروض الواحد يسوي صكوك على مشاعر الغضب والصبر زين ونهايته خير ..وهذي طبيعة اسواق الاسهم خصوصا ان الموضوع دولي .. عاد كملوا السالفة .

 

[Bo Mostafa]

بارك الله فيك يا بوفجر الورد

تبي الصراحة موضوعك جيد ومهم ولكن ألا تعتقد أن الواقع في المنتدى
هو نموذج مصغر عن بعض من في المجتمع الذي تربى على التطنز والمعايات
وتكسير المجاديف وغيرها من الأمور التافهة .
جانك تذكر إذا أنت من جيل السبعينات وأوائل الثمانينات كنا صغار وبالسكة
ونشوف بعد اللعب واللهو تبدأ المعايات والتطنز كل واحد يقول طالع ويهك
وطالع خشمك مثل كذا وكذا
إلى وصلت مع الأسف في المسرحيات والمسلسلات وغيرها

أنا أقول هذه حاله كويتية عامة ويجب والوقوف بحزم لها
بمعنى كل الأخوان وخصوصا ً المميزين وما فوق يجب عليهم التبليغ
أول بأول وضع حد لهذه المشاكل
أنا عن نفسي أترفع عن الإنجرار في هذه الهاترات

برأي الخاص يجب تثبيت موضوع وهو شروط أدب الحوار
وهي موجود ومعروفة
وبذلك نكون قد عملنا على تهذيب الخلاف وحصرناه بالموضوع
لكي يصبح الحوار موضوعي بحت

آسف على الإطالة

دمتم برعاة الباري

بومصطفى

 

[adel1968]

والله يا ميكا لا تلوم الناس تري الحلال عديل الروح وكل واحد له اسبابه ومثل ما قتلك ما عنده الا الدعاء والله كريم انشالله يعدل السوق والعالم راح اتشوف نفسياتهم غير بس طولو بالكم شويه عليهم
تحياتي

 

[بو لولوة]

الله يعطيك العافية بو فجر على هالموضوع صراحة الواحد بقلبه جم كلمة تقرقع ودى يقولها

الكل خسران و كل واحد يتحمل خسارته لا يحملها غيره، صحيح في قروبات في البورصه سمعتها مو نظيفه بس هالشي ما يعطي أي شخص الحق في أنه يسب أو يطعن بمدير الشركة أو رئيس مجلس الإدارة أو غيرهم. شالأخلاق المنحطه! كل ما ادش موضوع سب و لعن و قذف بالسرقة! شنو الجماعه هني مو مسلمبن ماكو ذمه خلاص؟ . اذا انته ما تفهم بالإستثمار و ما تعرف تفرق بين شركة و شركة هذي مشكلتك تحملها!

لما دشت الحكومة قالوا اتفاق مع تجار و تنفيع و قبل لا ادش قالوا يبون يتفرجون على صغار المستثمرين و هم متفقين مع التجار !! شالعقلية المريضة اللي كل شي عندكم مآمرة! ما صارت والله لو حكومة اسرئيل جان ما سوت جذيه

بس و الله عيب المنتدى كان أروع ما يكون أما الحين وايد سب و لعن صج تلوع جبدك! حتى المحللين اللي نستمتع في آرائهم ما قامو يكتبون مثل قبل أمثال أخوانا بو عبدالله و الشامري و الله Master leo الله يذكرهم بالخير و ما ينلامون صراحه.

و بالنهايه خل يتحملوني المشرفين بس أعتب عليهم بأن يسمحون بهالأمور و ما يوققفون هالأعضاء. اتمنى من المشرفين أنهم يكونون حازمين في هالموضوع

 

[Nagooshy]

يا جماعة الخير

والله عيب وغلط الي قاعد تسوونه

ادري خسرانين بس مايصير تسب اصحاب الشركات وغيرهم بالمنتدى وتدعي على العالم

كلنه خسرنه وما سوينه الي تسوونه

واحد يدعي والثاني يسب والثالث يتطنز

ماجنه كل واحد فيكم ابو عيال

تبي تاخذ راحتك بالدعاء والسب .. فرغ الي فيك بمكان غير المنتدى



وناس وايد طلعت من المنتدى بسبتكم .. وصار المنتدى تفريغ هموم وبس

بس لاعت جبدي من الي قاعد اقرى

احلى موضوع قريته بالمنتدي

وهذا الشي الي ما يخليني ادخل المنتدى وايد​

 

[مبارك الهاجري]

يا جماعة الخير

والله عيب وغلط الي قاعد تسوونه

ادري خسرانين بس مايصير تسب اصحاب الشركات وغيرهم بالمنتدى وتدعي على العالم

كلنه خسرنه وما سوينه الي تسوونه

واحد يدعي والثاني يسب والثالث يتطنز

ماجنه كل واحد فيكم ابو عيال

تبي تاخذ راحتك بالدعاء والسب .. فرغ الي فيك بمكان غير المنتدى



وناس وايد طلعت من المنتدى بسبتكم .. وصار المنتدى تفريغ هموم وبس

بس لاعت جبدي من الي قاعد اقرى

أبو فجر ، حبيب والله ، يا ميكا
وصفحتك هذه في محلها
وتصدق يا بو فجر من يوم سجلت في المنتدى كنت أجد فيه أشياء كثيرة فوائد وتنبيهات ومناقشات جميلة وتعليقات مرحة وغشمرة بريئة مع أخوة ما قد التقيت معهم أبد بس صاروا أصحابا وأصدقاء لك ، والله لو تشوفهم بالشارع ما تعرفهم ، يس في المنتدى عرفت شخصياتهم ونفسياتهم ، وكان هذا متنفس لنا من أعباء العمل ومشاكل السوق ، وحنا كبار مو صغار ، والشيب ترس الرأس
أما هذه الأيام أصبح الواحد يدخل المنتدى ويقول عسى أطلع وأنا سالم ، ما أحد يجرحني بكلمة أو يدفعني للغلط عليه من غير قصد ، ما تشوف أحد يفوت شيء إلا ما ندر ، الله يصلح الجميع
أخوي موضوعك حلو ، وأنت الصراحة لك تعليقاتك المتنوعة والمفيدة ولك سمة من بين الأخوة كلهم صاحب دعابة ومرح تزيد المشاركات طرافة وكان الأخوة جميعا يتحملونها بصدر رحب ، أما الحين الله لا يوريك
أخوي ميكا ، بو فجر
الصراحة أنا أشك أنت اللي كاتب الموضوع وإلا غيرك ، هالموضوع فيه ركاده زايده ورسمي حييييييييل ما يناسب ميكا اللي عرفناه (لا تزعل غشمرة عاد)
بس هاه لا تغيرك هالأمور و تخلي تعليقاتك (عساني أسلم منك بس) ، ترى وجودك في المنتدى ضروري ، والتنويع في الأسلوب والطرح سمة هالمنتدى . ودمت سالما يا ميكا

 

[سفير النواياااا]

قَولٌ مَّعرُوفٌ وَمَغفِرَةُ خَيرٌ مِّن صَدَقَةٍ يَتبَعُهَا أَذًى (قرآن كريم البقرة 263)
معاتبة الإخوان خير من فقدهم​

 

[notime]

والله ما اعرفك ولكن الصج ينقال صح لسانك وان شاء الله العالم تاخذ هالموضوع من محمل الجد والرزق على الله لاتكفرون وتلومون العالم دائم علينا ان نحسن الظن ب الله فهو الرزاق الكريم .
صح لسانك اخوي ميكانيكي

 

[ميكانيكي]

أبو فجر ، حبيب والله ، يا ميكا
وصفحتك هذه في محلها
وتصدق يا بو فجر من يوم سجلت في المنتدى كنت أجد فيه أشياء كثيرة فوائد وتنبيهات ومناقشات جميلة وتعليقات مرحة وغشمرة بريئة مع أخوة ما قد التقيت معهم أبد بس صاروا أصحابا وأصدقاء لك ، والله لو تشوفهم بالشارع ما تعرفهم ، يس في المنتدى عرفت شخصياتهم ونفسياتهم ، وكان هذا متنفس لنا من أعباء العمل ومشاكل السوق ، وحنا كبار مو صغار ، والشيب ترس الرأس
أما هذه الأيام أصبح الواحد يدخل المنتدى ويقول عسى أطلع وأنا سالم ، ما أحد يجرحني بكلمة أو يدفعني للغلط عليه من غير قصد ، ما تشوف أحد يفوت شيء إلا ما ندر ، الله يصلح الجميع
أخوي موضوعك حلو ، وأنت الصراحة لك تعليقاتك المتنوعة والمفيدة ولك سمة من بين الأخوة كلهم صاحب دعابة ومرح تزيد المشاركات طرافة وكان الأخوة جميعا يتحملونها بصدر رحب ، أما الحين الله لا يوريك
أخوي ميكا ، بو فجر
الصراحة أنا أشك أنت اللي كاتب الموضوع وإلا غيرك ، هالموضوع فيه ركاده زايده ورسمي حييييييييل ما يناسب ميكا اللي عرفناه (لا تزعل غشمرة عاد)
بس هاه لا تغيرك هالأمور و تخلي تعليقاتك (عساني أسلم منك بس) ، ترى وجودك في المنتدى ضروري ، والتنويع في الأسلوب والطرح سمة هالمنتدى . ودمت سالما يا ميكا

::verymad::
لاتلموني كاتب الموضوع اول ما رديت من الدوام ::verymad::

ومعصب
وطقت جبدي

طفح الكيل وطاش

الله يعلم شكثر تعلقت بالمنتدى وخايف يختلف وضعه

مشكور طال عمرك على الكلام الطيب

قَولٌ مَّعرُوفٌ وَمَغفِرَةُ خَيرٌ مِّن صَدَقَةٍ يَتبَعُهَا أَذًى (قرآن كريم البقرة 263)
معاتبة الإخوان خير من فقدهم​

بارك الله فيك اخوي

والله ما اعرفك ولكن الصج ينقال صح لسانك وان شاء الله العالم تاخذ هالموضوع من محمل الجد والرزق على الله لاتكفرون وتلومون العالم دائم علينا ان نحسن الظن ب الله فهو الرزاق الكريم .
صح لسانك اخوي ميكانيكي

جزاك الله خير على الاضافه

 

[أسد سليمان ملك]

بو المكنكه طول بالك ان شالله ازمه وتعدي
ومايصح الا الصحيح
والي يبي يسب مثل ماقلت مو مكانه المنتدى

 

[شرياص الخالدية]

::verymad::
لاتلموني كاتب الموضوع اول ما رديت من الدوام ::verymad:::d

ومعصب
وطقت جبدي

طفح الكيل وطاش

الله يعلم شكثر تعلقت بالمنتدى وخايف يختلف وضعه

مشكور طال عمرك على الكلام الطيب

بارك الله فيك اخوي


جزاك الله خير على الاضافه

ان شاء الله يتعلق قلبك بطاعة الرحمن و بحلاوة الايمان. أما المنتدى راح ايي يوم يروحون منه ربعك

 

[قنوع ؟]

ان شاء الله يتعلق قلبك بطاعة الرحمن و بحلاوة الايمان. أما المنتدى راح ايي يوم يروحون منه ربعك

بارك الله فيك على هالكلمه

 

[Master-Leo]

الناس ماينلامون الحلال عديل الروح هذي فلوسهم وفلوس عيالهم الله يكون في عونهم ويصبر

قلوبهم على مافيها من حسرة ويعوض صبرهم خير بالمستقبل ان شاءالله لكن مهما كان في

نمط ولغة للحوار بالمنتدى غير عن خارجه بالتأكيد فكلما إرتقينا كان أفضل للجميع ان شاءالله

وشكرا ميكا على الموضوع وبالمره أرفق موضوع قديم سبق لي كتابته بخصوص هالأشياء

http://www.indexsignal.com/vb/showthread.php?t=121978

بالنهاية الله يكون بعون الجميع ويعوض خسايرهم بإذنه تعالى والخساره ترى بالعمر وبالصحه مو

بالفلوس ياما ناس عندها فلوس وماعندها صحه نسأل الله ان يديم علينا وعليكم الصحه والعافيه

 

[قاروه]

السلام عليكم ورحمة الله

اولا بارك الله فيك يابوفجر على الكلام الطيب

ويعلم الله انك فضفضت الي بقلبي ..


وانا للامانه لي عتب على الاخوان

يا اخوان هذا منتداكم ومكانكم

والي يضايقكم يضايقنا كأدارة والعكس صحيح

والمشرفين تدخلهم يكون للضروره فقط

واذا بعض المشاركات تولد الاستنكار بما فيها من قذف وهمز ولمز

ارسلوا الرابط لاي من المشرفين وسيتخذ الاجراء اللازم باذن الله

وفليكن كل عضو مراقب ومشرف للمنتدى

وليكن شعارنا لنرتقي منتدانا للافضل وهو كذلك بعون الله ثم بجهودكم الكريمه

والله يعلم معزة الاخوان والمنتدى بقلوبنا

 

[بورش]

صح لسانك يابوفجر
عندك بوعزوز يعطيهم اجازات 3 أيام, ويمكن يصير كريم ويعطيهم إلا أجل غير مسمى

 

[كلمتين]

يا جماعة الخير

والله عيب وغلط الي قاعد تسوونه

ادري خسرانين بس مايصير تسب اصحاب الشركات وغيرهم بالمنتدى وتدعي على العالم

كلنه خسرنه وما سوينه الي تسوونه

واحد يدعي والثاني يسب والثالث يتطنز

ماجنه كل واحد فيكم ابو عيال

تبي تاخذ راحتك بالدعاء والسب .. فرغ الي فيك بمكان غير المنتدى



وناس وايد طلعت من المنتدى بسبتكم .. وصار المنتدى تفريغ هموم وبس

بس لاعت جبدي من الي قاعد اقرى

عدل كلامك اخوي ميكانيكي
واضيف عليه المفروض يوجه نقد له معني للشركه او لادارتها وما ندعي عليهم لانه ممكن هالدعوه تكون مو بمكانها الصحيح واجمالا ماها داعي واشوفهها عيب... و بالاساس المفروض نكتفي بقول حسبي الله عليهم ونعم الوكيلاو الله يهدي من كان السبب ومن هالكلام الطيب وتاكد انه لو عندك حق ماراح يضيع عند ربك...

 

[صقرالبحر]

صاحب الموضوع عمره ماسب احد

 

[شرياص الخالدية]

صاحب الموضوع عمره ماسب احد

صاحب الموضوع اذا عصب على أي أحد بالمنتدى، يدش علي بالخاص و يسبني :|

يفش خلقه فيني.

 

[طالبه]

صباح الخير 0000

قريت الموضوع وضاق خلقي يعني التعبير مو لازم يكون فيه سب وكلام ماهوب زين
صلو ع النبي واذكرو الله مافي وضع يظل على حاله كل شي بيتعدل وهذا اختبااار للعبد على صبره
نسأل الله العافيه 000

 

[الهدف البعيد]

واللة كلامك عين العقل
يااستاذ ميكانيكي
واللي خسر فلوسة الله يعوضة
بس لايكملها ويخسر اخلاقة
حافطو علي وحدة منهم عالاقل