أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
. . . انا و بو رزيقة و الزبيدية . . .
عدل كلك عدل بس لازم حسن الاختيار
ذكرتني بايام الغزو الله لايعودها لما الجندي العراقي يصيد زبيدي بخيط وبالرئيس المخلوع المقبور والمشلوع البائد وهو يصلي والجبله البحر
اذكر و انا صغير قبل 20 سنة تقريبا رحنا البحر انا و واحد صاحبي
في منطقة قريبة من الابراج مقابل قصر دسمان
كانت الماية قراح ولكن ما رضينا بالواقع المر و اصرينا نسبح
بس فترة بسيطة وملينا من السباحة في شبر ماي
و اذكر كان في حظرة قريبة
و الشيطنة اللي فينا خلتنا نطالع يمين يسار ماكو احد بعز الظهر
بعد ما يبيله
قلت لصاحبي ها شرايك ناخذ كم سمكة حق البيت
وبعد شوية تحلطم و تردد من صاحبي اقتع اخيرا
المهم يا طويلين السلامة الكلام مو مثل الفعل
دشينا الحظرة وشفنا هالزبيدي الحلو و لخم و نويبي يسبح داخل الحظرة
بس تعال صيدة عاد
نركظ وراه يسار يروح يمين نروح يمين راح يسار و رفيجي كل شوي يناقز
ويقول دير بالك اللخمة دير بالك اليريور 
المهم قلتة تعال انت وقف يسار و انا يمين
وقربنا نمسك الزبيدية بس نحشت من بينا من الوسط
هني صاحبي عجز و ياس وقال خلاص خلنا نمشي ماكو فايدة
قلتلا لا يبا وين نمشي مهزومين مدحورين اقولك شي روح ييب دشداشتي
المقطوطة على السيف
قال يحوشها ماي... ( عاد من زينها صار لها سنة ما انغسلت ) 
قلتله ما عليك تنشف بخمس دقايق
المهم يت الدشداشة وقلت لصاحب ها بورزيقة امسك طرف الدشداشة من صوب
و انا من صوب ونحكر الزبيدية و نحدها على شبك الحظرة
وخلال بعض المحاولات تم صيد الزبيدية بنجاح
ومع بعض الاضرار من جروح و خدوش اصابتني و صاحبي
و كذلك تخريب كشخة الدشداشة
وتعال شوفنا لما ركبنا الباص ودشداشتي وصخة مكرمشة وزفرة
و انا ماسك الزبيدية بايدى
و الهنود اللي بالباص كلهم يطالعونا ويظحكون علينا
بس وصلت البيت واكلت زفة من الاهل حق الهياتة بالقايلة
ولكن نمت وفي فمي الذ طعم للسمك في حياتي
و نمت في رضا تام لنجاحي بالفوز :d
.
.
.
الحين الاسهم تسبح بحظرة و الماي قراح
اذا ما صدتها لمن يجي السجي راح تروح عليك
هذه هي العبرة
وغدانا باكر زبيدي بإذن الله
كيف حالك طال عمرك ,,, انا سايق باص الموصلات الي وصلكتم والمناسبه انتو ركبتو تزريق يعني ماقصيتو تذاكر عدل ؟؟؟
اذكر و انا صغير قبل 20 سنة تقريبا رحنا البحر انا و واحد صاحبي
في منطقة قريبة من الابراج مقابل قصر دسمان
كانت الماية قراح ولكن ما رضينا بالواقع المر و اصرينا نسبح
بس فترة بسيطة وملينا من السباحة في شبر ماي
و اذكر كان في حظرة قريبة
و الشيطنة اللي فينا خلتنا نطالع يمين يسار ماكو احد بعز الظهر
بعد ما يبيله
قلت لصاحبي ها شرايك ناخذ كم سمكة حق البيت
وبعد شوية تحلطم و تردد من صاحبي اقتع اخيرا
المهم يا طويلين السلامة الكلام مو مثل الفعل
دشينا الحظرة وشفنا هالزبيدي الحلو و لخم و نويبي يسبح داخل الحظرة
بس تعال صيدة عاد
نركظ وراه يسار يروح يمين نروح يمين راح يسار و رفيجي كل شوي يناقز
ويقول دير بالك اللخمة دير بالك اليريور
المهم قلتة تعال انت وقف يسار و انا يمين
وقربنا نمسك الزبيدية بس نحشت من بينا من الوسط
هني صاحبي عجز و ياس وقال خلاص خلنا نمشي ماكو فايدة
قلتلا لا يبا وين نمشي مهزومين مدحورين اقولك شي روح ييب دشداشتي
المقطوطة على السيف
قال يحوشها ماي... ( عاد من زينها صار لها سنة ما انغسلت )
قلتله ما عليك تنشف بخمس دقايق
المهم يت الدشداشة وقلت لصاحب ها بورزيقة امسك طرف الدشداشة من صوب
و انا من صوب ونحكر الزبيدية و نحدها على شبك الحظرة
وخلال بعض المحاولات تم صيد الزبيدية بنجاح
ومع بعض الاضرار من جروح و خدوش اصابتني و صاحبي
و كذلك تخريب كشخة الدشداشة
وتعال شوفنا لما ركبنا الباص ودشداشتي وصخة مكرمشة وزفرة
و انا ماسك الزبيدية بايدى
و الهنود اللي بالباص كلهم يطالعونا ويظحكون علينا
بس وصلت البيت واكلت زفة من الاهل حق الهياتة بالقايلة
ولكن نمت وفي فمي الذ طعم للسمك في حياتي
و نمت في رضا تام لنجاحي بالفوز :d
.
.
.
الحين الاسهم تسبح بحظرة و الماي قراح
اذا ما صدتها لمن يجي السجي راح تروح عليك
هذه هي العبرة
وغدانا باكر زبيدي بإذن الله
قصة جميله وانا بعد شوي رايح لسوق السمك ومابي اسهم ابي غداي اليوم زبيدي
دورة المؤشرنت للتحليل الفني
50 دينار كويتي
