منو الربحان بالسوق ؟؟؟

[مستثمر سابق]

اخواني ودي اطرح سؤال يدور ابالي و ابي منكم الاجابة ؟؟؟

من خلال متابعتي للمنتدى و بعض المنتديات الاخرى و حال المتداولين بالبورصة و اصدقائي الاحظ انه ماكو احد ربحان بهالسوق و الكل يتشكى و الخساير كبيرة حتى في الفترة اللي كان فيها السوق بخير .

ودي اعرف منو الربحان بهالسوق ؟؟

اذا في احد ربحان بهالسوق حتى لو دينار يعني من اول ما تداول لي الحين لو حسب اللي خسرة و اللي ربحه و عنده و لو دينار فوق راس المال ياريت يدش هني و يقول انا ربحت ؟

 

[الاوربي]

انا بس لايحسدووني

 

[damei67]

وحده

اخواني ودي اطرح سؤال يدور ابالي و ابي منكم الاجابة ؟؟؟

من خلال متابعتي للمنتدى و بعض المنتديات الاخرى و حال المتداولين بالبورصة و اصدقائي الاحظ انه ماكو احد ربحان بهالسوق و الكل يتشكى و الخساير كبيرة حتى في الفترة اللي كان فيها السوق بخير .

ودي اعرف منو الربحان بهالسوق ؟؟

اذا في احد ربحان بهالسوق حتى لو دينار يعني من اول ما تداول لي الحين لو حسب اللي خسرة و اللي ربحه و عنده و لو دينار فوق راس المال ياريت يدش هني و يقول انا ربحت ؟

الخووووووووورافى لوحده

 

[fah00d]

برأي الشخصي ان اكثر الخسرانين هم الذين اشترو آجل وتفسخت عقودهم

والرابح الاكبر هو الشخص المحترف نسبيا اللي يعرف متى يدخل بالوقت المناسب على السهم المناسب واستغلال فرصة الارتدادات للمضاربه السريعه وتفعيل مبدأ وقف الخساره والتبريد

أما المستثمر طويل المدى فلا يعتبر خسران لأن الخسارة تعتبر غير محققه حتى الآن وغالبا يكون هذا النوع من المستثمرين مايتابع الشاشه ويعور قلبه نفسنا وايد !! ياخذ أرباحه كل سنه ويشوف جم صار سعر السهم ومتى ما حس أن حقق ربح مناسب يخرج من السهم

 

[Advanced Diver]

هم أثنين ما في لهم ثالث:

أصحاب الشركات الإستثماريه

المستثمرون الجدد

(( مصائب قوم عند قوم فوائد ))​

 

[mena1968]

صدقن انا كنت ربحانه في سهمين الضعف وعندي ١٥ سهم الخساره كانت معقوله وعندي اسهم منح كسور يعني كانت اسعارها روعه لكن الطمع خلط الحابل علي النابل والربح والخساره صارت اضعاف الخساره والمحفظه من بعد ما كانت تحجي الحين كلها سوق بوميه واقل والحمد لله علي كل حال والله يعوضنا ويعوضكم ولكم طول العمر

 

[NOCOMMENT]

شوف أنا متعود على الخساير لاني بحياتي ماربحت بشئ

الا البورصة اول 3 عمليات شراء تعليقات وسحبت رجلي وعقب صرت أخسر حد أدني وأربح تكة
يعنى النتيجة 1 الى 4 لصالح السوق والخسارة الكلية ب 7 شهور 39%

 

[سياف]

اخواني ودي اطرح سؤال يدور ابالي و ابي منكم الاجابة ؟؟؟

من خلال متابعتي للمنتدى و بعض المنتديات الاخرى و حال المتداولين بالبورصة و اصدقائي الاحظ انه ماكو احد ربحان بهالسوق و الكل يتشكى و الخساير كبيرة حتى في الفترة اللي كان فيها السوق بخير .

ودي اعرف منو الربحان بهالسوق ؟؟

اذا في احد ربحان بهالسوق حتى لو دينار يعني من اول ما تداول لي الحين لو حسب اللي خسرة و اللي ربحه و عنده و لو دينار فوق راس المال ياريت يدش هني و يقول انا ربحت ؟

انا لله الحمد ربحان ربح لم احلم به من قبل ولاكن ليس ربحا ماليا ولاكن ربح رباني انشاء الله لاني كل يوم اشوف اسهمي حد ادنى ويتقطع قلبي واقول اللهم لك الحمد كما ينبغي لجلال وجهك وعظيم سلطانك واصبر ومحتسب الاجر على رب العالمين

 

[AMR]

انا ربحت و لله الحمد

ولكن اخر البيع كانت بخساره بسيط والخروج من جميع الاسهم كان المؤشر 14200

وكتبت هذا الموضوع


http://www.indexsignal.com/vb/showthread.php?t=124027


شكرا

 

[ياكويت عزك عزنا]

السوق مثل البحر لا تحاتي مد وجزر لا تحاتي


الرزق على الله

 

[اجورود]

السوق الحين الداخل ربحان والطالع خسران