هل تتوقعون ينزل السكن الخاص

[بومهدى75]

واعرب البدر عن مخاوفه ازاء المستقبل المجهول الذي تخبئه عوامل الازمة المالية لدول العالم بشكل عام والكويت بشكل خاص مشيرا الى ان الكويت قد تظل الاقل ضررا مقارنة بالدول العالمية والمجاورة، مبينا ان نسبة القروض لديها تعد الاقل مقارنة بالدول الاخرى.


تاريخ النشر 28/10/2008

 

[c2c73]

أخوي بومهدي انا اأيدك تماماً,

الموضوع واضح ومكشوف, الناس اللي اتاجر بالعقار , ببساطه شديدة قاعده تغرق شوي شوي بسبب النزول و الركود الواضح لسوق العقار طبعاً كله علشان رزقهم ما ينقطع, فبالتالي من الطبيعي يتعلقون بقشة الأمل وهي توهيم الناس (الا من رحمه ربي) انه السوق مانزل لا و تلقاهم يهتفون بأن السوق مازال صحي وقوي ولا في ركود والشرايه ترس البلد ولا راح يطيح العقار لانه يمرض بس ما يموت والعقار بديل البورصة للاستثمار ومن دثرة هالحجي اللي لا يودي ولا يجيب.


ياجماعة الخييييييييييييييييييييييييييييييييير مافي بيعات قاعده تصير بالبلد الا القليل بالذات اللي محتاجين اصحابها ,ولو اتابعون هالاعلانات الموجوده عن الأراضي و الفلل اللي للبيع في المنتديات والجرايد راح تلقونها معظمها ما صار شي عليها وبذات اللي يصير فيها مزايدات وهمية بين تجار ومكاتب عقاريه ومعارفهم اللي يبون يستنفعون من غلاء الاسعار وايهام الناس بان السوق طبيعي علشان يحطون بهارات للطبخه مالتهم عدل تلقاهم يزايدون على بعض للتمثيل على الناس انه فيه حركة بالسوق. (طبعاً انا ما أعم على الكل, ولكن هذا موجود بالساحة حالياً وسابقاً)

في مثل يقول (اكذب اكذب حتى تصدق كذبتك)

يا أخوان لا تستعجلون على شراء الاراضي والبيوت ولا حتى مواد البناء لانه المؤشرات الحقيقية للأوضاع الاقتصادية المحلية والعالمية تنبأ بأن السوق جافس على ويهه واللي عنده جم بيزه يقمتهم ويصبر لين الله يجيب الفرج وانشاء الله راح يكون قريب ولا يضيق خلقكم من الناس اللي تصرح بقوة وثبات سوق العقار ترى كله ضغط نفسي واعلامي مثل ما قلت لكم للاستنفاع الشخصي لا أكثر ولا أقل.

تفاءلوا بالخير تجدوه , والله يوفق الجميع.

 

[بوالعيس بيك]

السلام عليكم

الأخ بومهدي وc2c73 تحيه لكم من القلب

انا طالبكم اذا لقيتوا بيت ب100ألف بأي منطقه بالكويت بلغوني انا شراي

 

[Abdulla990]

الأخ بومهدي وc2c73 تحيه لكم من القلب

انا طالبكم اذا لقيتوا بيت ب100ألف بأي منطقه بالكويت بلغوني انا شراي

انا مستعد ادلك على اكثر من بيت و من خلال الإعلانات اللي في الجرايد فقط يعني ما يحتاج اتعب نفسي بالبحث
بس تتعهد امام الجميع بالشراء مو بس كلام تقوله علشان تقوي موقف الشريطية و تجار العقار

 

[بوالعيس بيك]

السلام عليكم

انا مستعد ادلك على اكثر من بيت و من خلال الإعلانات اللي في الجرايد فقط يعني ما يحتاج اتعب نفسي بالبحث
بس تتعهد امام الجميع بالشراء مو بس كلام تقوله علشان تقوي موقف الشريطية و تجار العقار

ياهلا اخوي ..اشكر اهتمامك لموضوعي

اولا الكلام موجه للإخوان اللي ذكرتهم ..ولكن مايمنع اذا عندك بيت ب 100ألف أو اقل دلني عليه بس شرط صالح للسكن ومطابق لشروط التسليف
وناطر منكم الرد.

 

[Abdulla990]

اهلين

كلامك موجه للإخوان اللي ذكرتهم بس؟؟
يعني الكلام للتحدي؟
او انت جاد فعلاً و تبي تشتري بيت؟؟
قلت لك اني اقدر بإذن الله اجيب لك اكثر من بيت تحت الميه و كلها من اعلانات الجرايد و بدون ما اتعب نفسي
و اذا كانت الأسعار في الجرايد فيها تحت الميه فالمكاتب فيها اسعار احسن بوايد و لو انت صاج تبي بيت جان لقيت من امس مو من اليوم
عموما اخوي انت في ردك الأول ما حطيت شروط بس قلت تبي تحت الميه فلا تقوم تتشرط لمجرد التعجيز
اسعار البيوت إن شاء الله ستنخفض و كلامك انت و غيرك لن يؤثر فينا
و حياك الله

 

[بوالعيس بيك]

السلام عليكم

انا مستعد ادلك على اكثر من بيت و من خلال الإعلانات اللي في الجرايد فقط يعني ما يحتاج اتعب نفسي بالبحث
بس تتعهد امام الجميع بالشراء مو بس كلام تقوله علشان تقوي موقف الشريطية و تجار العقار

ولاعليك أمر اخوي انت ومعاك الإ خوان بومهدي وc2c73 دام انكم خبره وشايفين الاسعار طايحه اذا تلقولي أرض
بأي منطقه بالكويت ب 70 ألف ماعدا الخيران والوفره .

وشكرا لكم

 

[بوالعيس بيك]

السلام عليكم

اهلين

كلامك موجه للإخوان اللي ذكرتهم بس؟؟
يعني الكلام للتحدي؟
او انت جاد فعلاً و تبي تشتري بيت؟؟
قلت لك اني اقدر بإذن الله اجيب لك اكثر من بيت تحت الميه و كلها من اعلانات الجرايد و بدون ما اتعب نفسي
و اذا كانت الأسعار في الجرايد فيها تحت الميه فالمكاتب فيها اسعار احسن بوايد و لو انت صاج تبي بيت جان لقيت من امس مو من اليوم
عموما اخوي انت في ردك الأول ما حطيت شروط بس قلت تبي تحت الميه فلا تقوم تتشرط لمجرد التعجيز
اسعار البيوت إن شاء الله ستنخفض و كلامك انت و غيرك لن يؤثر فينا
و حياك الله

اخوي انا موقاعد اتحدي انتو إللي تتحدون انا قاعد ادور بيت أو ارض
والحين بتحداكم وبشوف منو كلامه صح انا ولا انتو وناطر عروضكم
ياخبره.

 

[بوالعيس بيك]

السلام عليكم

(عموما اخوي انت في ردك الأول ما حطيت شروط بس قلت تبي تحت الميه فلا تقوم تتشرط لمجرد التعجيز)...

هذا اعتراف منك انه مافي بيوت تحت ال100 ألف وانا ماحطيت شروط

انا حالي حال الناس بشتري بشروط بنك التسليف ..

عرفت يالحبيب..
وعلي فكره تدري متي اسعار لبيوت تنزل ؟؟لما يوزعون بيوت النعايم

سنة 2030م

 

[Abdulla990]

خذ عندك هالبيتين عالسريع
للبيع بيت ـ في الجليب مؤجر علي شركة 900 دك + محل خارجي السعر 83 الف ـ ت: ‌ 94004232
للبيع بيت بالدوحة دور ـ واحد شارع واحد مساحة 357 م موجر دخل شهري 350 دك السوم 80 ـ ت: ‌ 99299200

و فيه كم بيت في الدوحة و الفردوس تحت الميه بس مو في جريدة اليوم راح اشوفهم لك
و اذا لقيت شي جديد احطه لك هنا
بس بشرط تكون جاد مو تخليني احط اعلانات على الفاضي

 

[بوالعيس بيك]

السلام عليكم

خذ عندك هالبيتين عالسريع
للبيع بيت ـ في الجليب مؤجر علي شركة 900 دك + محل خارجي السعر 83 الف ـ ت: ‌ 94004232
للبيع بيت بالدوحة دور ـ واحد شارع واحد مساحة 357 م موجر دخل شهري 350 دك السوم 80 ـ ت: ‌ 99299200

و فيه كم بيت في الدوحة و الفردوس تحت الميه بس مو في جريدة اليوم راح اشوفهم لك
و اذا لقيت شي جديد احطه لك هنا
بس بشرط تكون جاد مو تخليني احط اعلانات على الفاضي

اخوي الله يرضي عليك هذي بيوت عزابيه 100م بالجليب وغير صالحه للسكن ولاحظ المساحه 100م ب80ألف وتقول الاسعار طايحه

والثاني بالدوحه دور واحد وشارع واحد ومساحة 350م ب80ألف هذا لودورين بجم بكون وتقول طايحه الاسعار
مع العلم هذي المناطق اللي حضرتك ذكرتهه تعتبر غير مرغوبه
فما بالك بالمناطق المرغوبه و3أدوار و400م جم بتكون الاسعار

اخوي الله يرضي عليك شكلك ماتعرف شي بالعقار..كل اللي حاصل
ان الاسعار كانت متضخمه جدا ونزل التضخم لاأكثر..
لاتعب اعصابك روح ارتاح..

 

[c2c73]

الاخ بوالعيس بيك وعليكم السلام ورحمة الله وبركاته,

انا اولا مو شريطي ولا تاجر عقار، بس اعتقد الاخ Abdulla990 رد عليك بصراحة كافية لانه طلبك موجود عنده على اقرب جريدة اعلانات

ثانيا: اخوي العزيز اذا انت شايف انه السوق قوي وثابت والعرض اقل من الطلب، فلو سمحت نورنا وعطنا اثبات على البيعات اللي تعرف عنهم بالفترة الماضية (من شهر لي اليوم)

ثالثاً: اخوي بوالعيس بيك،،،

انا عارض بيت الوالد بالسره للبيع من تاريخ 25/10/2008 لو تتصفح الموضوع تحت عنوان بيت قديم للبيع، راح تلاقي 2 من الاخوان اللي استفسروا عن البيت (واحد سائل عن رقم تلفوني والثاني يسأل جم سعر البيت)

وبس هذا وجه الضيف ، علشان اثبت لك انه ما كو شرايه بالسوق ، أقسم بالله حتى الشريطيه ما دقوا علي او تعبوا نفسهم يسألون بجديه عن سعر البيت لانهم يدرون السوق رايح قووع ومحد عنده سيوله علشان يشتري.

على فكرة، البيت فعلاً موجود للبيع (بس فوق 100,000)

 

[Abdulla990]

اخوي الله يرضي عليك هذي بيوت عزابيه 100م بالجليب وغير صالحه للسكن ولاحظ المساحه 100م ب80ألف وتقول الاسعار طايحه

والثاني بالدوحه دور واحد وشارع واحد ومساحة 350م ب80ألف هذا لودورين بجم بكون وتقول طايحه الاسعار
مع العلم هذي المناطق اللي حضرتك ذكرتهه تعتبر غير مرغوبه
فما بالك بالمناطق المرغوبه و3أدوار و400م جم بتكون الاسعار

اخوي الله يرضي عليك شكلك ماتعرف شي بالعقار..كل اللي حاصل
ان الاسعار كانت متضخمه جدا ونزل التضخم لاأكثر..
لاتعب اعصابك روح ارتاح..

هههههههههههههههههههه

ماكو فايده من متابعة الموضوع معاك لأنك قاعد تلعب بس
انت كنت قلت انك تبي شي على شرط التسليف قبل شوي يعني ممكن يكون بيت حكومة او بيت صغير بس يوافقون عليه و الحين تقول تبي فيلا 3 ادوار اقول ما تبي معها سرداب؟؟ بعدين منو قال ان الدوحة مو مرغوبة؟؟ يمكن بعد ما تعجبك الفردوس و يمكن ما تعجبك الظهر و يمكن ما تبي بالمنطقة العاشرة؟
اقول شرايك بقصر في باريس او قلعة في مقاطعة وندسور؟

مع السلامة

 

[Abdulla990]

الأخ c2c73
جزاك الله خير على هالكلام الحلو
ما قصرت

 

[بوالعيس بيك]

السلام عليكم

اخواني السلام عليكم ..الحقيقه اقنعتوني فعلا العقار طايح

بصراحه توني ادري انه طايح ..علعموم مشكورين واسمحولي عالإزعاج

ودمتم بحفظ الله.

 

[c2c73]

الله يوفق الجميع ويرزقهم على قد نياتهم ياعبدالله

 

[هادى ابو محمد]

الحمد لله
اخبار حلوة
مشكور

 

[بوالعيس بيك]

السلام عليكم

بالنسبه للأسعار ..فعلا طاحت القاع ..

والدليل ارخص بيت حكومه بالقرين مسيوم حاليا ب120 الف بالمكاتب وموراضي يبيع راعيه..
صج الأسعار طايحه ..

 

[اللافي 22]

اللة يبشرك فى الجنة ياالفهلوى

 

[نوط بو ربع]

بالنسبه للأسعار ..فعلا طاحت القاع ..

والدليل ارخص بيت حكومه بالقرين مسيوم حاليا ب120 الف بالمكاتب وموراضي يبيع راعيه..
صج الأسعار طايحه ..

بو العيس شلونك ؟
انا معاك في كل اللي تقوله ---ولكن مؤقتا --- لأن الآن بدأ برج الأسعار اللي نشأ على أرض هشة بدأ يتأرجح وأصبح آيل للسقوط في أي لحظة لكن البرج أو المبني لما ينهد لازم يتبقى فيه أربع أدوار أو على الأقل ثلاثة يعني راح نشوف أسعار بالنازل وفي المتناول ولكن أسعار قبل صعب نشوفها ولكن راح نشوف بالقريب العاجل ان شاء الله أسعار أقل من الحالية وبتفاوت كبير .
وبعدين لا تتأزم بالسكن يا بو العيس أفضيلك الدور الثاني لو تبي بس قسط بيتي وسيارتي والماي والكهربا عليك :d