Viva « تطرح أرقامها في السوق الأحد»

[الفهلوي]

Viva« تطرح أرقامها في السوق الأحد»

الخميس, 23 أكتوبر 2008
فايز الزعل


كشفـت مـصـادر مطـلعة لـ «الرؤية» ان شركة الاتصالات الكويتية «فيفا» ستبدأ الاحد المقبل في تلقي طلبات حجز الأرقام المخصصة للراغبين في الحصول على خدماتها.

وأشارت المصادر الى ان هناك فرقا تابعة للشركة ستكون موجودة في بعض الاسواق التجارية (سوق شرق - الكوت - مجمع الصالحية والجهراء والمارينا - والفروانية) لتسجيل بيانات الراغبين في الحصول على الارقام المميزة حسب اختيارات الاشخاص، على أن الكثير من المواطنين ابدوا رغبتهم في الحصول على خدمات هاتفية مميزة من قبل الشركة التي أضافت بعض الخدمات الجديدة للراغبين في الحصول على الخدمة.

 

[Doc30]

الله ياهو بصير طق اعصي

قواك الله على الخبر

 

[*الاخطبوط*]

شرايكم نطلع من زين اقصد شين

 

[kwt.to.kwt]

وداعا الوطنية

 

[3320]

يعنى .........ماكو تخفيض اسعار

ارقام مميزه........يضاربون فيها

كدينا خير

 

[بسنا زحمه]

وداعا زين

باي باي الخرافي

 

[بو ضاري 2005]

شباب الى عنده اسهم ومكتتب خلوه يشترى على اقل عشان تدر عليه ارباح مجرد فكره

 

[maha_Q8]

ولا عزاااااااااااااااء لشركة زين

 

[INFINITI]

راحت عليج يا شين
مو عاشت

 

[بوغمازات]

عاشت زين يعني رقم عندي صارله 8 سنين بروح اغيره !!!!!!!!!! وبعدين المدير العام لشركة فيفا قال ماكو تنافس بالاسعار وحالنا حال الشركتين الموجودين .... وانتوا خابيننا وعافسين عمركم عشان زين والوطنيه ... .... ... ترا الكويتي انفع

 

[(فزاع)]

عاشت زين يعني رقم عندي صارله 8 سنين بروح اغيره !!!!!!!!!! وبعدين المدير العام لشركة فيفا قال ماكو تنافس بالاسعار وحالنا حال الشركتين الموجودين .... وانتوا خابيننا وعافسين عمركم عشان زين والوطنيه ... .... ... ترا الكويتي انفع

السوق الكويتي متشبع تماما ً بالخطوط ..
واذا كان وجودها مثل وجود غيرها ..
فـ شي طبيعي ما راح تلقى احد يغير خطه اللي الناس تعرفه عليه من سنوات ..ويروح حق شركه ثانيه ..

فـ شي طبيعي وردة فعل طبيعيه انها تكون مثل المغناطيس لتجذب العملاء حتى لو كان هالشي اول سنه على الاقل .. لأنهم قبل هالمره مصرحين انه اول هدف لهم في السوق الكويتي اهو انهم يآخذون نسبة 10% بـ اول سنه ..


انا هذا اللي اتوقعه بصراحه ..

دمتم بود ​

 

[شجرة العود]

عندي تعليق على كلمتك اخوي بوغمازات ( ترا الكويتي أنفع ) ليش الكويتي اللي تتكلم عنه ماراعى أهل ديرته إلا أكل منهم لين طفح الكيل ليش ما يشوف شركات الاتصال اللي حوله ويتعلم على ردى شركة الجوال السعودية لما احد يتصل عليهم من بره السعودية ما يصرف عليهم شي بس شركات الكويت سواء الوطنية او زين تصرف على صاحبها لما احد من بره الكويت يتصل عليهم والاخوان ما ألومهم ما يبون يقطون فلوسهم بالشارع

 

[مستثمر عنيد]

وداعا زين

باي باي الخرافي

وداعا زين .... وداعا وطنية.... مرحبا فيفا

باي خرافي.... باي كيوتل.... مرحبا سعودي تل

http://www.viva.com.kw

 

[man.vip]

حتي لو نفس الخدمات حتي لو اغلي حتي لو ..... الخ

ان شاء الله راح اغير

لو يقولون هذي الشركه من الهند ميخالف ماعندي مشكله بس لازم يعرفون ان الله حق

اذبحونا ودنا نشوف تميز للعميل ودنا نشوف خدمات لا والشبكه دائما تعبانه

107 تدق عليهم مو ناقص الا الموظف ياخذك المخفر ويحطك بالنظاره دائما اهم علي حق واحنا علي باطل

والمواقف كثير علي صحت كلامي

مبرووووووووووك لفيفا وان شاء الله نشوف تنافس يصب بالدرجه الاولي لصالح العميل

مو لصالح خزنة الشركه​

 

[بوغمازات]

السوق الكويتي متشبع تماما ً بالخطوط ..
واذا كان وجودها مثل وجود غيرها ..
فـ شي طبيعي ما راح تلقى احد يغير خطه اللي الناس تعرفه عليه من سنوات ..ويروح حق شركه ثانيه ..

فـ شي طبيعي وردة فعل طبيعيه انها تكون مثل المغناطيس لتجذب العملاء حتى لو كان هالشي اول سنه على الاقل .. لأنهم قبل هالمره مصرحين انه اول هدف لهم في السوق الكويتي اهو انهم يآخذون نسبة 10% بـ اول سنه ..


انا هذا اللي اتوقعه بصراحه ..

دمتم بود ​

هلا اخوي فزاع .. وشكرا علي المداخله الحلوه ... ومثل ماقلت .. مجرد ردة فعل ... وفيفا خسرانه ...

 

[بوغمازات]

عندي تعليق على كلمتك اخوي بوغمازات ( ترا الكويتي أنفع ) ليش الكويتي اللي تتكلم عنه ماراعى أهل ديرته إلا أكل منهم لين طفح الكيل ليش ما يشوف شركات الاتصال اللي حوله ويتعلم على ردى شركة الجوال السعودية لما احد يتصل عليهم من بره السعودية ما يصرف عليهم شي بس شركات الكويت سواء الوطنية او زين تصرف على صاحبها لما احد من بره الكويت يتصل عليهم والاخوان ما ألومهم ما يبون يقطون فلوسهم بالشارع

اكيد بتقول هالكلام .... تدري ليش ؟؟؟؟ اعتقد تدري وغيري يدري .. وشكرا للمداخله

 

[بوغمازات]

حتي لو نفس الخدمات حتي لو اغلي حتي لو ..... الخ

ان شاء الله راح اغير

لو يقولون هذي الشركه من الهند ميخالف ماعندي مشكله بس لازم يعرفون ان الله حق

اذبحونا ودنا نشوف تميز للعميل ودنا نشوف خدمات لا والشبكه دائما تعبانه

107 تدق عليهم مو ناقص الا الموظف ياخذك المخفر ويحطك بالنظاره دائما اهم علي حق واحنا علي باطل

والمواقف كثير علي صحت كلامي

مبرووووووووووك لفيفا وان شاء الله نشوف تنافس يصب بالدرجه الاولي لصالح العميل

مو لصالح خزنة الشركه​

وشنو اللي يخليك ومتوقع انه بتشوف تميز في فيفا ؟؟؟ لا تميز ولا شبكه زينه !!!!!!!!!!! وراح تتذكر كلامي اخوي ....

 

[man.vip]

وشنو اللي يخليك ومتوقع انه بتشوف تميز في فيفا ؟؟؟ لا تميز ولا شبكه زينه !!!!!!!!!!! وراح تتذكر كلامي اخوي ....

انا ماقلت ان راح تكون متميزه ولكن مثل ماذكرو الاخوان ان الشركه اذا تبي تنجح لازم تقدم الافضل ولا ماتفتح افضلها

وبالنسبه لي اقصد حتي لو ماكان هناك تميز فان شاء الله راح احول خطي عليهم

والاسباب كثيره

هذا واحد من الاسباب
http://www.indexsignal.com/vb/showthread.php?t=133856

واتمنا منك انك تقنعني وتقولي ليش استمر ويه زين
اذا قصدك علي الرقم يقولون يصير تحول خطك علي الشركه الجديده خلال شهرين والله اعلم​

 

[مساهم11]

مع احترامي لك اخي
لا اثق في جريدة الرؤيه بعد كذبتها المدويه
في زيادة علاوة الاطفال من 50 الي 80

وانا سبق قلت لا تستعجلوا بالحكم علي الاتصالات الجديده الي ان تروا
مميزاتها وعروضها

 

[coooool2]

مع احترامي لك اخي
لا اثق في جريدة الرؤيه بعد كذبتها المدويه
في زيادة علاوة الاطفال من 50 الي 80

وانا سبق قلت لا تستعجلوا بالحكم علي الاتصالات الجديده الي ان تروا
مميزاتها وعروضها

اللي اذكر

غالبيه الجرايد كتبوا عن الزياده

و الكلام صحيح و هم يقصدون موافقه اللجنه التشريعيه على العلاوه و لكن يبقى التصويت فقط .. و اتوقع المجلس رفض والله اعلم