شركة تبنى نصب

[بيبلوس]

اللى يبى يبنى لا يسلم قسيمتة الى شركات خاصة تبنى على المفتاح لان فية غش كبير كبير جدا وبالتوفيق

 

[c2c73]

شلون ينصبون يالغالي ممكن تنورنا.

وجزاك الله خير.

 

[ريشان]

أي والله ياخوي باريت توضح لاننا داخلين على بنيان

 

[BoKhaled77]

السلام عليكم

الله يعينك يا اخي بس انا من رأيي الواحد لازم يقابل حلاله يا انه هو اللي يقوم بالإشراف على البنيان او يتابع البنيان اول بأول ويتأكد من المواصفات والقياسات....الخ

 

[هادى ابو محمد]

نورنا الله ينور عليك دنيا واخره

 

[طارق55]

أشلون ينوركم .. العمليه سهله .. لاتخلي حلالك يسوونه الشركه ويلعبون من وراك .. الناس مجابله بنيانها والعمال يلعبون كيف أذا خليتهم بروحهم ؟؟ أنا بنيت بيت علي المفتاح .. يستخسرون فيك كيس الاسمنت .. تلاقي كل ماتطرق شئ .. مثل السيراميك او الطوف تلاقي تطبيل .. طبلي طبل طبل .. بمعني ثاني مايحشونه اسمنت صح .. يستخسرون حفنه اسمنت فيك .. والله أقوم وأكسر الشغل كله وأمشي .. بدال الاسمنت المقاول حاط لي أكياس الاسمنت !!!!! اخليه يتحمل خساره الاسمنت والوقت واجره العمل .. خليته يجن .. شوف عينه أكياس الاسمنت واضحه .. تعبني .. بس والله ماخليته .. علي فكره هذا بنيان تجاري مو بيتي .. بس حرمت بعدها اعطي شئ علي المفتاح .. علي فكره .. يقول المثل الي ماله خلق البنيان لايبني .. بمعني أنت لازم كل يوم عند العمال وتعرف شلي قاعد يصير والطرق الصحيحه للبنيان علشان ماأحد يلعب عليك

 

[بيبلوس]

اولا عقد مع الشركة بدون شرط جزائى يعنى يبنى لمدة اربع سنين عادى 2 عشان ترغب بالبناء وتوقيع العقد يعطيك المخطط للقسيمة مجانا رخصة البلدية مجانا حارس القسيمة مجانا ويقولك ريح باللك ولا تروح للقسيمة وتعب حالك احنا موجودين واذا سهل وخلص البنيان وسكنت تصدع الطوف تنتفخ الارضيات فى الحمامات والمطابخ والصالات وخرير فى البيت وتعال دور الشركة والقانون مفصل تفصيل لحمايتة وغير ملزوم بشى تجاهك نصيحة البناء البحث عن مقاول بانى عند احد من عائلتك او ربعك وشوف شغلة وتوكل على اللة واللة الموفق

 

[مضارب عقاري]

نصيحة خلك مقاول نفسك اوفر لك

 

[كي نت]

انا سويت بيتي على المفتاح في الشروط اللى ابيها انا والحمد لله خلصت والربع اللى كانو يخلصون ابيوتهم ابروحهم وربي خذو المقاول اللي عندي يكمل لهم الشي اللى تشتري انت في 50 دينار المقاول ايبه لك على 30 دينار انا نصيحتي لا تبني حق نفسك انت يديد على شغل البنيان وما اعتقد راح تعرف السالفه وراح تضيع الفلوس بدون نتيجه حط شروط على كل شي وسو عقد وابني بيتكم في شركه وخلك انت المراقب والشي اللى ما يسوي في العقد مخصوم خلاص بيتي وساكن في من سنتين الحين والحمد لله على كل حال وربي من احسن بيوت الربع اللى بنو حق نفسهم والله يوفق الجميع

 

[Business Man1]

انا سويت بيتي على المفتاح في الشروط اللى ابيها انا والحمد لله خلصت والربع اللى كانو يخلصون ابيوتهم ابروحهم وربي خذو المقاول اللي عندي يكمل لهم الشي اللى تشتري انت في 50 دينار المقاول ايبه لك على 30 دينار انا نصيحتي لا تبني حق نفسك انت يديد على شغل البنيان وما اعتقد راح تعرف السالفه وراح تضيع الفلوس بدون نتيجه حط شروط على كل شي وسو عقد وابني بيتكم في شركه وخلك انت المراقب والشي اللى ما يسوي في العقد مخصوم خلاص بيتي وساكن في من سنتين الحين والحمد لله على كل حال وربي من احسن بيوت الربع اللى بنو حق نفسهم والله يوفق الجميع

الله يهينك ببيتك انشالله ويرزقك فيه,,

ممكن اعرف الشركة اللي تعاملت وياها ؟

 

[طارق55]

مضارب عقاري

والي مايعرف شئ بالبنيان كيف .. يصير مقاول نفسه ؟؟؟

 

[ostath]

نصيحة...حطلك عقد سنع قبل لا ترتبط بمقاول او شركه فيه شروط و ضمان و لو صارت مشكله من يتحملها ...العقد يوضحلك كل شي حتا الكفاله حطها عشان تضمن الشغل مو اقل من 10 سنين

 

[alfares]

اخذ بيت حكومه وريح بالك

مضارب عقاري

والي مايعرف شئ بالبنيان كيف .. يصير مقاول نفسه ؟؟؟

اخذ بيت حكومه وريح بالك