░▒▓ فستذكرون ما أقول لكم وأفوض أمري إلى الله░▒▓█

[ابو سالم]

أخواني أنتم الأن في مرحلة اليأس وأغلب المتداولون قاموا ببيع أسهمهم بالحضيض لماذا هذا التهور إلي شاري كاش ليش خايف خل السهم ونساه إذا أنت خسارتك بسيطة كيفك أما إلي خسارتة فوق الــ 50 % صراحة راح يندم لما يشوف السوق يتعدل حتى لو فترة طويلة وراح تضحكون على هذا الأحباط الي مريتوا فية ونخدعتم فية .

 

[السور]

وقريبا اذا عدل السوق اخذ تعليقات اسبوعين على وحدة واحدة ولحق ولا تلحق .... وفى ناس بتعض ايدها ندم !

وليخسأ الخاسئون

 

[Q8_Borsa]

الله يكون في عونهم إن شاء الله

 

[المعوشرجي79]

اخوي بوسالم انت بطلت نفس الموضوع الي تكلمت عنه قبل نشكرك على منح الثقه وبث روح التفاؤل بس الاجواء العامة لاتبشر بخير فخل الامور على ماهي عليه ولا توصي الناس وتعيشهم باوهام بارك الله فيك على شان ما نزيد الجراح

 

[stock sniper]

للاسف الصمود مو سهل بس الواحد احيانا يدور الفرص للتعويض

يبيع بالنازل ويشتري بالانزل يعني اذا كان عندي قبل 20000 سهم زين الحين ممكن يصير عندي 30000 سهم وعليك الحساب

والتوفيق من الله اللي الله كاتبة راح يصير يصير

 

[ابو سالم]

اخوي بوسالم انت بطلت نفس الموضوع الي تكلمت عنه قبل نشكرك على منح الثقه وبث روح التفاؤل بس الاجواء العامة لاتبشر بخير فخل الامور على ماهي عليه ولا توصي الناس وتعيشهم باوهام بارك الله فيك على شان ما نزيد الجراح

بالعكس أنا مااعيش الناس في أوهام وما أنصحهم في نفس الوقت بالشراء انا أقول التفكير قبل البيع إّذا مو خسران خسارة كبيرة الأمر متروك لك لكن خسارة فوق الــ 50 % حرام الواحد يبيع . مثال يعني لوكنت تملك في مجموعة البدر هل هذي الأسعار تشجع على البيع وكم باقي فيها علشان توصل 10 فلوس

 

[سياف]

أخواني أنتم الأن في مرحلة اليأس وأغلب المتداولون قاموا ببيع أسهمهم بالحضيض لماذا هذا التهور إلي شاري كاش ليش خايف خل السهم ونساه إذا أنت خسارتك بسيطة كيفك أما إلي خسارتة فوق الــ 50 % صراحة راح يندم لما يشوف السوق يتعدل حتى لو فترة طويلة وراح تضحكون على هذا الأحباط الي مريتوا فية ونخدعتم فية .

كلامك عين العقل ,, انا خسران الان 70%100 هل ابيع ؟ والبيع والشرا لهم اوفات واعتقد هذا وقت الشرا وليس البيع

 

[بورش]

أخواني أنتم الأن في مرحلة اليأس وأغلب المتداولون قاموا ببيع أسهمهم بالحضيض لماذا هذا التهور إلي شاري كاش ليش خايف خل السهم ونساه إذا أنت خسارتك بسيطة كيفك أما إلي خسارتة فوق الــ 50 % صراحة راح يندم لما يشوف السوق يتعدل حتى لو فترة طويلة وراح تضحكون على هذا الأحباط الي مريتوا فية ونخدعتم فية .

انا أأيدك واعارضك يابوسالم
أأيدك بأن عدل كلامك دام عندك كاش اصبر وعسى ربك يعوضك
وأعارضك, لأن السوق اذا في نزول اكثر, والي خسران خساره بسيطه (توه داش السوق) يطلع ويشتري من تحت احسن, وتكون خسارته البسيطه تتحول الى ربح كبير ان شاء رب العباد.

 

[acton]

انا صامد صامد لان عندي قناعه ان الكويت بخير واقتصادها متين ومثل مانزل السوق لازم راح يصعد بس يبيله وقت وصبر

 

[السعد محمد]

ممكن نبيع

بس خلهم يتلحلحون شوي

يعني مو بهالاسعار


يعني ترى كرهنا السوق وبعضنا حلف ما يرجع السوق لو يعوض شوي من خسايره

بس ارفعوه شوي

غير هالكلام ...قاعدين على قلوب التجار

 

[ابو سالم]

ممكن نبيع

بس خلهم يتلحلحون شوي

يعني مو بهالاسعار


يعني ترى كرهنا السوق وبعضنا حلف ما يرجع السوق لو يعوض شوي من خسايره

بس ارفعوه شوي

غير هالكلام ...قاعدين على قلوب التجار

شرايك تلحلحو ولابعد يبيلك

 

[بسنا زحمه]

للي عنده كاش انا اقوله يصبر وينتظر الفرصه وللي عنده اسهم مانقول الا الله يعينيه