اعلان افلاس

[youssif]

هل ممكن أن نسمع عن شركات كويتية تعلن أفلاسها ؟

سؤال نطرحه علي اعضاء المنتدى ونرجو ان نجد بعض التغاعل حتى نري الطريق بوضوح

وياريت يكون النقاش مجدي وذو نفع للجميع وخاصة أننا نسمع ولا نعلم حقيقة هذا النفق


ولكم جزيل الشكر



أخوكم / بوفواز

 

[مليون دينار]

هل ممكن أن نسمع عن شركات كويتية تعلن أفلاسها ؟

سؤال نطرحه علي اعضاء المنتدى ونرجو ان نجد بعض التغاعل حتى نري الطريق بوضوح

وياريت يكون النقاش مجدي وذو نفع للجميع وخاصة أننا نسمع ولا نعلم حقيقة هذا النفق


ولكم جزيل الشكر





أخوكم / بوفواز

ممكن يكون من الشركات في قطاع الاستثمار

 

[الفال الطيب]

الله يسامحك يا خوي , من الحين مجهز هالرابط ..
وش لك بطلايب الناس ..
ترى الناس خسايرها ما تشيلها البعارين , تبي من يخفف عليها , مو تصدمها بهالاعلان ..
هالموضوع هذا اسأل فيه اهل الاختصاص من المحامين بالمحكمه , هذا منتدى اقتصادي , مو منتدى محامين ..

- واتمنى من ادارة منتدى المؤشر نت الكريمه / اغلاق الموضوع للاهميه -


" الفال الطيب " .


.

 

[mans1234]

و الله يا معود ان اعلنت شركه افلاسها مو طيب لها و سوف يشطبون اسمها من البورصه نهائيا و سوف يكون أعضائها في خانة xxxولن يقوموا لهم قائمه في مجال البزنس ز الأعمال و الجواب لهاذا عند المركزي ويجب تحرك التجاره و البورصه في سرعه لحفظ حقوق الأفراد حتى اذا ما وجدت القوانين لا بد ان تنوجد ليرتدع الجشع و الطامع و تمكين القوانين لحفظ مال المستثمرين

 

[تفائلوا بالخير]

هل ممكن أن نسمع عن شركات كويتية تعلن أفلاسها ؟

سؤال نطرحه علي اعضاء المنتدى ونرجو ان نجد بعض التغاعل حتى نري الطريق بوضوح

وياريت يكون النقاش مجدي وذو نفع للجميع وخاصة أننا نسمع ولا نعلم حقيقة هذا النفق


ولكم جزيل الشكر

كل شي جايز يابو فواز البنك اللي افلس بامريكا عمره 150 سنه لاكن مانقول الا الله يستر

أخوكم / بوفواز

كل شي جايز يابو فواز البنك اللى افلس بامريكا عمره 150 سنه لاكن مانقول الا الله يستر

 

[ابو عليا]

اذا استمر النزول .. راح تسمع شركات تعلن افلاسها

 

[ahmad_qwt]

ما اعتقد الحكومة راح تخلي اي شركة مدرجه تعلن افلاسها لان اذا تم اعلان افلاس اي شركة راح يصير انهيار في السوق. للحين اعتقادي الشخصي ان الحاصل في السوق تصحيح عنيف وليس انهيار

في امريكا تم افلاس عدة شركات وافلاس البنك الاستثماري ليمان بروثرز وهو اساس انعدام الثقة و انهيار السوق الامريكي والاضطرار بالحكومة بضخ 800 مليار دولار لاسترجاع الثقة بالسوق

كثير من المحللين الامريكان يقولون عدم مساعدة ليمان بروثرز خطأ كبير من قبل الحكومة الامريكية

 

[أحمد بورصة]

يا جماعه .. انتوا اتعرفون شنو معنى الإفلاس ؟

 

[Cha3bar]

السلام عليكم

وايد مستعيلين على الإفلاس .. خل تعلن شركات عن خسائرها بالأول ونشوف خسائر محققة أو دفترية وبعدين نشوف حجم الديون وهل بإستطاعة الشركة السداد ولا لأ

وإذا ما إستطاعت تقدر تجدول أو لا، والطرف الدائن يبي يبيع الدين المعدوم ولا لأ وإذا تبي الشركة تخفض رأس مالها لإطفاء جزء من الخسائر أو لا وبعدين نشوف تبي تعلن إفلاسها أو لا

 

[mohabbas]

الافلاس وارد....اذا الموضوع طول اشوية

 

[bobader77]

ماكو شئ مستحيل

فيه شركات قديمة مثل المنتجات الزراعيه ما فلست بس انشطبت من البورصه،واللي فلست الدوائية، بنك البحرين الدولي
هم في اندماجات راح تصير بين الشركات
وفيه شئ احتمال يصير مثل ما صار مع اسمنت ام القيوين ما قدمت ميزانيتها ووقفوها سنتين وكان سعر السهم بهذاك الوقت 80 فلس بسوق الجت لين ردوها ووصل سعرها مع الطفره الى 800

ارجع واقول ماكو شئ مستحيل
بس خلك حذر وتوقع كل شئ من السوق

 

[مليون دينار]

الافلاس وارد....اذا الموضوع طول اشوية

الوضع خطير

 

[بو فلاح]

اعلان افلاس بنك الخليج

 

[مضارب عقاري]

بنك الخليج اعتقد يملكة الغانم هل صحيح

 

[wal3li 2]

الله يستر من مجموعه جراند

 

[rahaly]

http://www.indexsignal.com/vb/showthread.php?t=134102


الاجابة

 

[alani60600]

اذ اعلنو افلاسهم
الحمد لله والشكر
علي نعم الله
هذا المال من رزق الله
هو من وهبه
وهو من اخذه
وعسي ان يكون في الامر خيره للجميع
عسي ان تكرهو شي فيكن خيرن لكم
اكثرو من الدعاء لله وتوسل له بالرحمه والمغفره

 

[Sportq8]

السلام عليكم

كل شئ بين وواضح وضوح الشمس انا من الناس الى ليما الحين خسايرى طافت النصف راس المال بجراند وع عقاريه وجيزان ومستثمر دولى ومجموعه الدوليه ومبرد وصكوك وص متحده بس ما اقول الا الحمدالله على كل حال هذا المكتوب والله يعوض علينا كلنا كل السوق بالحد ادنى الله كريم بخصوص الافلاس كل شئ واضح الشركات باعت من زمان يعنى السالفه مدروسه ومخططين لها من زمان

 

[qortoba]

اخواني بنك الخليج لم يعلن افلاسه للامانه لكن واضح انه في قرارات خاطئة. بس الحكومة ضامنة للودائع وتم الاعلان عن هذا اليوم

 

[احمد بو نواف]

الله يستر من مجموعه جراند

السلام عليكم
اخوي سامع شي عن هل المجموعه؟؟؟؟؟؟؟؟؟؟؟