أسهم اشتريتها من فترة و أحتاج المشورة فيها

[نور]

السلام عليكم
Ccur- Vrty- Tqnt- Ctlm - Hmsl

شركات اشتريت فيها أسهم من فترة مو قصيرة ، بس ما أدري وجهي على الأسهم هذي شين ! نزلت تقريبا 50% عن السعر اللي اشتريتها فيه .

سؤالي : هل أسعار هذي الأسهم ممكن ترتفع ؟ حتى لو انتظرت عليها فترة طويله ما عندي مانع بس المهم إنها ترتفع .

و إلا أفقد الأمل فيها و أبيع بخسارة مو قليلة ؟

أنا أحتاج أرائكم و تحليلاتكم الجيدة ، و المسؤولية علي بالكامل .

 

[نور]

ليش ما أحد رد علي ؟! تكفون ساعدونيييي

 

[شراره]

أهلين
راح نرد عليج بس عطينه فرصه نشوف هذي الاسهم ونحللها شويه ونشوف أداء شركاتها بس صبري شويه أنتي صبرتي علي الاسهم سنه صبري سنه ويومين وبعدين راح أييي لج الرد أنشاء الله ،،

في سايت يشم السهم ويعطيج رايه ،، أنا راح أدخل أسهمج لهذا السايت وأخليه يشم أسهمج وراح أعطيج الرد ،،

 

[نور]

الله يعافيك أخوي شرارة و مشكور .
أنا صبرت عليها و الله أكثر من سنة و ما عندي مانع أصبر سنة و ثلاثة أيام إن بغيت سنة و اسبوع المهم بفايدة ، و أعرف أخذ قرار بخصوص هالأسهم الطايحة .
شكرررررااا

 

[شراره]

في سوال مهم ممكن تقولين لي كل سهم وجم شاريته والكمية علشان نقرر تحتفضين فيهم وله تبيعينهم وتنتقلين لاسهم أخري علشان تعوضين الخساره ،،

في أسهم وايد حلوه وتقدرين تشترين فيهم وتبيعينهم بنفس اليوم وطلعين لج مبلغ حلووو السوق الامريكي أضرب وأهرب بسرعه مافي شي أسمه أنتظر على السهم يمكن يرتفع ،، خصوصا الوضع في هذي الفتره مايبشر بالخير ،،، على العموم أنا مستعد أزودج بأسهم جيده للشراء ورخيصه ومكسبه مضمون خصوصا لم دخلت على الاسهم اللي عندج ووجدت أسعاره موهينه وكميه التداول فيه بسيط

 

[نور]

شوف الله يطول عمرك أخ شرارة
Ccur اشتريت 700 سهم بسعر 6.26 $
Vrty اشتريت 100 سهم بسعر 14 $
Tqnt اشتريت 300 سهم بسعر 8.5 $
Ctlm اشتريت 500 سهم بسعر 6.63 $
Hmsl اشتريت 1000 سهم بسعر 1.12 $

تصدق ، خنقتني العبرة و أنا أكتبهم
ان شاء الله تقدر تفيدني في الوصول لحل معهم .
شكرا لك .

 

[الفارس2]

السلام عليكم ورحمة الله
بخصوص الاسهم بصراحه لي تعليق على سهم واحد اللي هو ctlm
هالسهم مامنه خوف وزين على شارت الديلي بأن الله راح يوصل 5.00 وبعدين 5.25 وبعدها 6.00 باذن الله لان السهم عنده قاب في السته
والله اعلم
والله الموفق

 

[شراره]

الصراحه أنا لو كنت مكانج ما أبيعهم واستمر بالاحتفاظ فيهم إلى أن يصلوو إلى سعر قريب من السعر اللي شريتيهم فيه وبالتالي أتخلص منهم وعلى العموم الشركات اللي عندج كله قويه وراس ماله قوي ومامنه خوف أنشاء الله ،، بس يبيلج شويه صبر والله أعلم

 

[السحاب]

ساذكر الاسترا تيجيه التي اتبعها في مثل هذه الحاله اعني اذا اشتريت سهم وانخفض سعره ,
1_ لو كنت لا املك السهم هل اشتريه الان علي اساس التحليل الفني
2_ هل هناك فرص اخري متاحه بالسوق
3_ هل اتجاهه معاكس لاتجاه السوق

من خلال الاجابه علي هذه الاستفسارات يكون القرار التخلص او الاحتفاظ بالسهم

 

[نور]

شكرا كثير لكم يا اخوان على الرد و الإهتمام ،
شكلي أبصبر عليهم إلى أن يرتفعوا ، مثل ما صبرت كل هالفترة الماضية .