هيهات نسمح لهم بسرقة المال العام ((3 مليار لدعم الشركات))

[kuwaitey]

تدرون شنو اللى يحر ويجلط الواحد

ان الحق واضح والصح واضح والبوووووق صار واضح فى البلد انا كبير يعنى انا ابوق

انا حكومى يعنى انا ابوووووق وصرنا مطقاقه للحكومة خلتنا نشوف البوق اشكره

ونقول يامعود خل ترد نص فلوسنا وكيفهم خل ياخذون اللى ياخذونه

يل عربى صرنا مطقاقه للحكوومة حكومة ماتقدر الا على شعبها

هنود بنغال مصرين يسون مظاهرات الخكوومة على طول تخيش جدامهم

وعيالها طقتهم ابيززززه والكل ينهش فينا من التجار واهى مثل العسل على قلبها

لا والله زين يسوى المليفى خل يستجوب وخل يصير فيه تأزيم وخل الشعب يطلع بس خلاص

قاعد اشوف ناس تبجى والله ناس كانت تملك والملك لله الحين صارت تحت الصفر

والشى هذا كله بشوف الحكومة وموافقتهاااا

اواقسم بالله العلى العظيم خسارتى فى الانهيار اللى صاير ماتتعدى الف او الفين كويتى

لانى والحمدالله تقريبا كاش 100% اللهم لك الحمد اللهم لك الحمد

والله يعوض على الخسران ويرزقه من واسع فضله يارب

 

[qatel4]

هذي فلوسكم وفلوس اعيالكم مو كيفهم يبوقونها ..

البلد فيه مجلس وناس شرفاء ما يرضون البلد تنهب وتسلب؟؟

موجذي عاد

أنا ما بحط بذمتي بس اللي متيقن منه ان الحكومة شارية الحين 18 نائب حق اي قرار بس تقدر تمشي اللي تبيه
18+15 وزير= 33 اكثر من النص

 

[kuwaitey]

أنا ما بحط بذمتي بس اللي متيقن منه ان الحكومة شارية الحين 18 نائب حق اي قرار بس تقدر تمشي اللي تبيه
18+15 وزير= 33 اكثر من النص

انت ماتحط انا احطططط بذمتى تبى تعرف ليش

لانى شايف شوف عينى النائب شلون يشترى اصوات الناخبين فى الجهراء

يركبونهم السياره من الباب اليمين كأنه خروف وينزل من الباب الثانى

مانى قايل فلان قالى اقول لك شوف عينى شفت

والله بصامين وخالصين من قبل لا يدخل المجلس

عيل شنو رجعنا وراااااا غير حكومة فاسده واعضاء من غير ضمير

 

[some one]

على طاري أوستن مارتن

منو يقدر يجيب لنا سعر السهم لما اشتروه شركة الدار وسعره الحين ، علشان نقدر نعرف حجم خسايرهم الغير محققه من الصفقه الفاشله ؟

وله جزيل الشكر

 

[بو فلاح]

لمن قالو طيحو القروض قالو ليش تاخذون
والحين يبون يطيحون قروض التجار

 

[دولاركو3]

اليوم على قناة العربية خرجت علينا ((مها الغنيم)) تقول: يجب على الحكومة دعم شركات الاستثمار وتسديد ديونها من البنوك الغير كويتية...

علما بأن مها الغنيم عضوا في لجنة((السيد المحافظ)) ؟؟للاسف

هذي سرقة العصر وسرقة اموال الديرة ..هل نسكت ؟؟ لنا في المديونيات الصعبة عبرة..

والله ثم والله ثم والله لا ندعهم يسرقون اموال اجيالنا القادمة ((ان شاء الله))

دام في شعب مثلكم ما راح يبوقونا

والله اعلم

انا موافق

لازم يتم التسديد لانقاذ الاقتصاد الكويتي من الهلاك

انقاذ الاقتصاد الكويتي = انقاذ نصف الشعب الكويتي

 

[al7bebe]

على طاري أوستن مارتن

منو يقدر يجيب لنا سعر السهم لما اشتروه شركة الدار وسعره الحين ، علشان نقدر نعرف حجم خسايرهم الغير محققه من الصفقه الفاشله ؟

وله جزيل الشكر

Aston Martin Lagonda Limited is a British manufacturer of luxury sports cars, whose headquarters are at Gaydon, England. The company name is derived from the name of one of the company's founders, Lionel Martin, and from the Aston Hill speed hillclimb near Aston Clinton in Buckinghamshire[1]

From 1994 until 2007 Aston Martin was part of the Premier Automotive Group, a division of the Ford Motor Company. On 12 March 2007, it was purchased for £479 million (US$848 million) by joint-venture of Kuwait's investors of Investment Dar and Adeem Investment and by English-businessman John Sinders.[2] Ford retained a US$77 million stake in Aston Martin, setting the total value of the company at US$925 million.[3]

Many of the James Bond films feature an Aston Martin as Bond's car
http://en.wikipedia.org/wiki/Aston_Martin

 

[master-70]

على طارى صندوق واموال الاجيال القادمه

نويت وبعد التوكل على الله بعد النكسه والازمه الماليه العالميه اخش الاسهم الى عندى
وسولها صندووق بسميه صندوق الاجيال القادمه (يعنى للورثه )

وهذا ويهى اذا احد شاف منهم شى ... واى احد يسئلنى بقول هذه فلوس اجيالى القدمه

 

[wzer]

بسالفة شراء المديونيات للمواطنين المفتى الطبطبائى ما صدق خبر وطلع وافتى بعدم جواز شراء ديون المواطنين بالمال العام لان البنوك الدائنه ربوية .
(مع ان الذنب ذنب البنك المركزى مو ذنب المواطن)
لاتقولون هالحجى جايبه من عندى بعد بتلفزيون الكويت وكلنا شفناه
اشوف هالمره صخه جنه الديرة ما فيها مفتى !!!
معقوله ما يدرى شصاير بالديره ؟؟؟ وينه عن دعم بنك الخليج مو بنك ربوى ؟
وينه عن شراء مديونيات الشركات الاستثمارية حسب آخر تصريح 8 مليار دينار كويتى مو تومان ايرانى (للتنبيه) ؟
هل وصلنا لمرحلة ان الدين صار عرض وطلب وبيع على المكشوف؟
انا حزين للغاية على ما يحصل ولهذا اعتزل الكتابه لفترة بالمنتدى .
بروح المرزرعه بالوفره اقعد هناك فى عزله عن المصخره اللى صايره بالديره بلا حكومة بلا مجلس امه كلهم صبها احقنها لبن . بخور بقيمة مليون !!!
قسما بالله قوية قوية ودى اصدق ان المبلغ كله شراء بخور بس قووويه حيل
ما ادرى ليش تذكرت ان الديرة بى يسوونها طبقات ...
واذا تبون المصخره الصجيه شوفوا المجلس البلدى شنو يناقش هاليومين
جسر فيلجا ههههههههههههههههههههههههههههههههههههههههه اللعبوا غيرها ملينا من الحجى
نشوفكم على خير عقب شهرين باذن الله

 

[rouzy]

انا موافق

لازم يتم التسديد لانقاذ الاقتصاد الكويتي من الهلاك

انقاذ الاقتصاد الكويتي = انقاذ نصف الشعب الكويتي

يرجى الاطلاع على حقيقة دعم شركات الاستثمار في المشاركات التي تحت عنوان "من سابع المستحيلات .. الدعم الحكومي لقطاع الاستثمار".

 

[Abdullah Alhajeri]

انا رأس مالي بحت

البقاء للأقوى

الضعيف خل يشهر افلاسه مدام انه مو كفو تجاره

ادام سميث ومقولة الشهيره

Let him go Let him work

 

[Jareer]

مقابل ضمانات وردها خلال 5 سنوات
الحكومة تدرس تسديد القروض الخارجية لشركات الاستثمار والبالغة نحو 3 مليارات دينار

كتب تامر حماد: اكد مصدر حكومي لـ »الوطن« ان مجلس الوزراء يدرس حاليا تسديد القروض الخارجية لشركات الاستثمار والبالغة 3 مليارات دينار مفيدا ان عدد الشركات الاستثمارية يصل الى 95 شركة البعض منها استحق عليه القرض الخارجي والبعض الاخر لم يستحق عليه حتى الآن.

وافاد المصدر ان هذا القرار سيظهر الى النور في غضون الايام القليلة المقبلة ولكن سيكون بضمانات وشروط وضوابط منوها الى ان هذا القرار جرعة منشطة لشركات الاستثمار خاصة انه في حال وافق مجلس الوزراء على تسديد قروض شركات الاستثمار الخارجية فان شركات الاستثمار سترد المبالغ للحكومة في فترة لا تتجاوز الـ 5 سنوات من تاريخ السداد.
تاريخ النشر 28/10/2008

التسديد سيكون "ولكن سيكون بضمانات وشروط وضوابط" هذي حلوه

وينك يا بورمية والله كنت علي حق يوم طالبت بتسديد قروض المواطنين

3000000000 دينار لو وزعت علي كل الكويتيين , فإن نصيب كل فرد صغير أو كبير 3000دينار , وهذه تكفي لتسديد ديون معظم المقترضين وتحقق العدالة للجميع.

3000000000دينار لتسديد ديون خارجية لعدد 95 لشركة, يعني متوسط القرض اللي علي كل شركة هو 31,5 مليون دينار.

3000000000 دينار تكفي لانشاء 60 شركة كبيرة برأس مال لكل شركة بمبلغ 50مليون دينار .

3000000000 دينار تكفي لإعطاء قرض الإسكان والبالغ 70000دينار لعدد42857 مواطن لبناء مساكنهم وحل المشكلة الإسكانية.

لكن 3000000000 لو اعطيتهم للشركات المعنية لتسديد ديونها الخارجية, ما هي الفائدة التي سترجع علي المواطن العادي أو الخدمات العامة للدولة؟
هل اذا تم تسديد ديونها سوف تقوم بارجاع أسعار الأسهم الي سابق عهدها وتعوض صغار المستثمرين عن خسائرهم . وماذا عن صغار المستثمرين الذين خسروا عقود الآجل, هل ستقوم هذه الشركات بتعويض صغار المستثمرين بعد ان تسدد الحكومة ديونهم الخارجية
طبعا لا شيء لا شيء لا شيء بتاتا.
هذه الشركات أذا فعلا هي خسرانه فذالك لسوء ادارتها ولا تستحق ان تصرف عليها الأموال العامة ويجب ان تترك لتواجه مصيرها وإعلان افلاسها . دائما هناك شهريا عشرات الشركات الخاصة,صغيرة وكبيرة, والتي تخسر وتوقف انشطتها وتعلن افلاسها ولا نتأثر نحن المواطنين بإفلاسها , وعشرات من الشركات الجديدة التي تنشأ وتنمو ولا نلاحظها.

 

[مضارب بني سهم]

93 شركة استثمارية بالكويت ما دورها بالتنمية؟ ماذا استفاد البلد منهم ؟ انا افهم ان الاستثمار يالاموال في مشاريع تنمويه تحقق فائدة للناس والدوله لكن معظم تلك الشركات يتسلفون بالملايين ومشاريعهم مضاربات في مضاربات بالبورصه والعملات واذا خسروا وفلسوا ما راح يتأثر المواطن ولا البلد. فهم لا يدفون ضرائب للدوله ولا يوظفون مواطنين (كثير من تلك الشركات موظفينهم 5-30 موظف اكثرهم غير كويتين). اذا ربح التاجر الكبير 200 مليون فهي له ولعياله فقط (يمكن يبني مسجد ب 500 الف علشان الوجاهه !) واذا خسر في استثمارات فاشلة صاح انقذوا الاقتصاد (قصده شركاته) بالمليارات من المال العام. وكل يوم يفرخون شركة جديدة للحلب والمقصة.
لا لدعم الحرامية والشركات الورقية والا ما طبنا ولا غدى الشر

 

[ريفالدو]

شركات الاستثمار هذه ماذا استثمرت في البلد لا شيء واذا لها استثمارت خارج الكويت اكبر مسخرة اذا تم دعم الجشعين من اموال الشعب والشعب لما يبني فيه جامغة منذ 40 سنة ولا يوجد به مستشفى جديد من عقود كنا درة الخليج والان مكانك سر وفوق هذا الاسموال بدل ان تبنى المشروعات التنموية تذهب لشركات فاشلة لم يستفد منها البلد

 

[rahaly]

عادى عادى يردونها بعدين ..وشدعوه اذا بقت بالبنوك بيحوشنا شى منها
هذا محمود حيدر لطشها وهز بنك من اكبر البنوك
خل يرجعون فلوسنا الحين ويصير خير بعدين سو نفسك ماشفت شى
خل يستفيد الجيل الحالى وبعدين نفكر بالاجيال القادمه لان اذا لطشها واحد
من التجار تعال رجعهم والادله كثير...عادى عادى جنك مادريت بشى
قبل مايلطشهم حيدر ثانى​

هذا الكلام المضبوط

يبا ... انا يردولي نص الخسارة ولهم حق اذا تكلمت

( مو احسن ما يلطشون وانت تتكلم ومحد يسأل فيك ؟؟ )

 

[الصامد.م]

أنا أقول تفلس الشركات وتحترق بللي فيها ولا ان يتم شراء مديونيات الحرامية

 

[kuw-stock]

الله يرحممممممممممممممممممم
وين الى كانو امعصبين بالمجلس واصارخون لاتطيحون القروض ولا تشترون المديونيه
عمار يالكويت .
الله اعز الحكومه الى اترز
---------------------
نفس اخوى الى قال بدال لايعطونهم اسسون شركات استثماريه عقاريه صناعيه خدماتيه براس مال كبير اتكون قياديا بالسوق
والشى الثانى
المفروض على البنك المركزى احط مراقبين على الشركات علشان اتكون تحت عينه لو صار اى خلل فيها .واتدخل بالوقت المناسب
والاهممممممم الشركات الى يضعف سهمها او ارباحها التشغيليه تزل سوق الثانوى خاص بالشركات الضعيفه طبعا محد من اعضاء المجالس الاداره الموقرين يرضى فى السوق هذا فيحافض على شركته.
-----------------
وسامحونه على الكلام ادرى مو مرتب بس راح تفهمون قصدى لانه مومنى من
الخساره
----------------
وجزاكم الله خير

 

[أحمد بورصة]

أتفق وياكم .. يا أمة ضحكة من قبلها الأمم

 

[wooow]

اذا وافق المجلس على سداد ديون الشركات ... فأنا مع حل مجلس الامه حل غير دستورى وتعليقه من كراعه الى ماله نهايه

 

[مستثمر سابق]

اخسر نص فلوسي بالبورصة و ما تصعد اسهمي اهون علي من التلاعب باموال الدولة الا اذا كان هالأجراء ضروري لحماية الاقتصاد الكويتي .....

في حالة كان هالاجراء ضروري اتمنى من المسؤولين توضيح مدى اهمية تسديد ديون الشركات و تأثيرة على الاقتصاد ؟

2 ما هي الضمانات اللي راح تقدمها هالشركات لدفع هذه المبالغ و لا راح تصير مثل سالفة المديونيات الصعبة اللي بعض اصحابها اكشتوا بالحكومة و ما قاموا يسددون ؟