المبدء وااااااااحد

[جوكوزال]

السلام عليكم


اذا فعلا راح يعوضون الشركات الاستثماريه الخسرانه
مع العلم انها خسرت بسبب ادارتها والمفروض تتحمل ما اخطأت به
من يعوض المستثمر الصغير وخصوصا اصحاب الاجل
المبدء واحد كل انسان يتحمل خطأه ويحاسب عليه ويحمد ربه على كل حال
هل حكومتنا تكيل بمكيالين؟!!
او ما ينطبق عليهم لا ينطبق علينا
او مافيه عدل ولا مساواه
او الطاسه ضايعه في البلد
نتمنى من حكومتنا الرشيده ذات الرأي السديد والخطط العالميه
وصاحبة نظريات الاقتصاد العجيبه 0000وحكومتنا اللتي تنافس اليابان والاتحاد الاوروبي في الخطط التنمويه والمشاريع ذات العائد الرهيب
ان تنظر للشعب كله بنظره وااااااااااااااااااااااحده
من غير تحيز
المبدء واحد تعويض الخسران وشراء مديونيته سواء كبير او صغير
او ترك كل واحد يتحمل خطأه

 

[جوكوزال]

شكرا

 

[3320]

شوف الحكومه شلون عالجت ازمه بنك الخليج

والازمات السابقه ....المناخ ...والمديونيات الصعبه


وراح تعرف نفسك انك كويتى درجه ثانيه للاسف

علشان جذيه تذكر الغزو ..........وشنو صار فيك

لازم تعتمد على نفسك ولاتعتمد على احد بحل مشاكلك

انت الوحيد الا راح تحل مشكلتك.....

الا قاعد يصير فوضى ......ونار .......فك عمرك

 

[frozen]

ماراح يعوضون احد

 

[ريفالدو]

اين اموال الشركات التي بلغ راس مال بعضها 100 مليون هل تبخرت في الهواء ثم كيف يدعمون شركات الاستثمار التي لم تستثمر في الكويت كيف يدعمون الشركات و الكويت بحاجة الي تنمية وبناء ولم يبني فيها جامعة من 40 سنة ومستشفى من عقود كيف يدعمون الشركات و سعر النفط قريب ان يصل الي 50 دولار ربما اقل كيف يدعمون الشركات والبلد بصدد اقرار خطط تنمية وتحتاج الي تمويل اليس هذا لعب باموال الشعب اين انتم يا مجلس نواب الذين يسعون لمصالحهم فوق مصالح الامة.

 

[جوكوزال]

حكومتنا حكومة ناس وناس لان المفروض يكون خطهم واحد لاتعويض ولا بطيخ لاي واحد
او يكون الامر مدروس وعلى الجميع

 

[notime]

غريب امركم ..!
يا جماعه يا حبايبي انتم ليش مو فاهمين الوضع .
بحاول اوصل لكم المفهوم اللي صاير وباختصار .
يعني لو ولدك الله يحفظه ويطول في عمره في طاعة الرحمن ووالديه , لو انه كسر لعبه عنده غالية الثمن يعني نقول طبعا لاني فقير غالية الثمن نقول بثلاثين دينار وبعد ما كسرها ودموعه نزلت اربع اربع شنو راح تسوي ساعتها اعتقد وبكل اختصار راح تاخذه معاك السوق وتشتري له لعبه جديده اما مثلها او اغلا منها وتقوله ((( مو تخربها مره ثانيه يا الشيطان )) هذي الحكايه باختصار الكويت عائله وحده . عاد مو وحده وحده يعني شي من هالشي .
وســـــــــــــــــــــــلامتكم

 

[أحمد بورصة]

الشراء كل يوم

و البيع كل يوم


بس الشاطر اللي يعرف أي سهم اب أي يوم يشتري و يبيع

 

[جوكوزال]

وضع جديد

 

[mohieddin]

غريب امركم ..!
يا جماعه يا حبايبي انتم ليش مو فاهمين الوضع .
بحاول اوصل لكم المفهوم اللي صاير وباختصار .
يعني لو ولدك الله يحفظه ويطول في عمره في طاعة الرحمن ووالديه , لو انه كسر لعبه عنده غالية الثمن يعني نقول طبعا لاني فقير غالية الثمن نقول بثلاثين دينار وبعد ما كسرها ودموعه نزلت اربع اربع شنو راح تسوي ساعتها اعتقد وبكل اختصار راح تاخذه معاك السوق وتشتري له لعبه جديده اما مثلها او اغلا منها وتقوله ((( مو تخربها مره ثانيه يا الشيطان )) هذي الحكايه باختصار الكويت عائله وحده . عاد مو وحده وحده يعني شي من هالشي .
وســـــــــــــــــــــــلامتكم

بارك الله بك أخى الكريم هذا بالضبط اللى قاعد يصير

 

[مراسل الاقتصادي]

العداله
اسقاط بعض فوائد قروض الافراد الغير قانونيه
وعدم دعم اى شركه او بنك اطلاقا
بل محاسبة اعضاء مجالس اداراتها وحبس من يثبت تلاعبه
وحبس حتى من استلم منصب دون ان يكون اهلا له حتى لو لم يثبت تلاعبه
ومحاسبة المسؤليين الحكوميين عن مسخرة القروض وما يسمى بالبورصه وعدم المراقبه