نبارك لعشاق السوني اريكسون

[Fibo-618]

انا استعمل بوكيت من زمان ولكن كلمة حق تنقال ..

يا جماعه السامسونج راح يكون من أفضل الاجهزه القادمه تفكير الشركه اقوى وأفضل من الباقين نوكيا وسونى اريكسون , الاريكسون اندمجت مع شركتين علشان تنافس نوكيا وما قدرت بالكاميرا والصوت . الاريكسون اندمجت مع ميكروسفت عشان تنافس فى عالم البوكيت وتاخذ صيغة wmv عشان تنافس النوكيا وغيرها من الاجهزه ولكن جهازها إلي طرحته اسمه x1 للاسف ولا شي عادى جدا وما أخذ شهره..

والنوكيا تبى تطلع بديل السمبيان عشان تقهر ميكروسفت , لانه اجهزه نوكيا كلها نفس الشي بس اخنلاف الشكل واللون , ونظام نوكيا شيل من هذا وحط بثانى عشان يمشى هذا نظام النوكيا .. تعال وخذت نظام لينكس عشان تنافس ميكروسفت وفشلت وردت ثانى مره تظبط بنظام السيمبيان وترقع فيه عشان يكون طفره وفعلا سوتها + نظام البلوتوث الجديد إلى اسمه ( ويبرى ) نظام حلو وسريع طيب وبعدين محد راح يستعمله إلا إلي عنده نوكيا !! ونطمت نوكيا ولا طرحته ...

أما السامسونج نظام رائع وغير محتكر وداخله بقوه بجميع الاجهزه سيمبيان ووندوز أفضل ألوان وشاشات سامسونج أفضل بروسيسر للبوكيت سامسونج هاردوير وسوفتوير إبداع وبدت تاخذ طريق التليفونات بأنواعها وأشياء جديده تلاقيها تطرحها بقلب جامد وناجحه 100%
فعلا السامسونج مخيف جدا فى الاشهر الجايه وكل الشركات تترصده وتشوف ايش جديدها ..

على فكره ما عندى سامسونج عشان ما يقول مرفع ولا شي

 

[r77a]

السلام عليكم ورحمة الله وبركاته
انا من مجربي النوكيا والسوني اريكسون
الصراحة السوني اريكسون اقوى بكثير
مع انه سوق النوكيا هني ماشي اكثر

ويا جماعة الناس اجناس كل واحد وله راي شكل لا تتشاحنون بالكلام على مواضيع تافهة
الموضوع هذا كله عشان الناس تستفيد وتعرف شنو عيوب الاجهزة وشنو محاسنها
وبالتوفيق للجميع ان شاءالله

 

[باحث قانوني]

اللي يبي جهاز صعب صعب على طول ياخذ نوكيا n85
وصدقوني راح تدعولي
لأنه كل شي فيه وبالإضافه من مميزات لديه بطاريه اسبير توجد في غطاء البطاريه
وهذي وجهت نظري
إن شاء الله تصب للمصلح العامه

 

[سيب]

اشكر هذا التفاعل القوي مع موضوعي
وبالنسبة للاخوة اللي اذكروا انتشار النوكيا هذا يرجع لسهولة الاستعمال فقط لا غير
اما بالنسبة للمواصفات فالسوني اريكسون قاصه بخمس شبات
بس في ناس مالها خلق تتعبث وتتعلم
وبالنسبة للغة الارقام في الوان الشاشة والميجا بكسل
فالسالفة مجرد ارقام
بس تعال حق الواقع0000000يعني صور بالاريكسون وشوف الصور وصور بالنوكيا ولا السامسونج وشوف الصور
وابيكم انتوا تعطوني الفرق
وتحياتي

 

[SFA7_Q8]

شيشتوني على السامسونج معني ما كنت أفكر آخذ أي جهاز منه بس لما هالمواصفات الجباره والأداء عجبوني وشفت سعره غيرت رايي سعره خياليييييييي:d