بوسعود66666
عضو مميز
انا حمد موظف في اتصالات ... اركب الشامل ''الإنترنت " في بيوت الناس ... وساعات التيلفونات << لازم هالمقدمة
من اكبر المشاكل اللي تواجهني في الدوام .. لما تي " تأتي " ساعة الدلالة عالبيت ." دسكرايب يور بيت "
عاد هنيه ,,,, تطلع البلاوي .... وأصناف البشر .. ومستويات الذكاء ... وأساليب التعبير ....
** الصنف الأول **
العجايز & الشيبان
ليس الكل ولكن البعض ...
هالصنف .. لا يعرف .. لا رقم شارع ولا رقم بيت ولا حتى رقم الفتحة إللي تدششك " enter" البيت ولاااااا يعرف وين ألله حاطنـّـه
^-^
فهنيه ... عاد نتبع أساليب الوصف الترادشنل ...و دلالة العصور الوسطى
مستر مطوع : ألووو السلام عليكم
الشيبة : مرحبا الساع " محد يرد السلام حتى لو عدتها الف مره "
:
:
:
< بارت وين يعطيني تفاصيل بيتهم >
الشيبة : بيتنا الله يسلمك .... وانته ياي " كمنق" من عمان .... وشو بييييبني من عمان أنا .... ! ة_ة
بتلقى ...... سبعطعشر نخله علي يسارك ... وبيتنا " غدفيها" << للحين ما عرف شو معنى هالكلمة
يعني الحين أنا بسوق السيارة .. وأقعد اعد النخل إللي في الشارع ..... !
* أنذر واحد *
هلا خاليه .... وين البيت ؟
الكستمر الشيبة : ادلّ بيت محمد بن سالميين ... ؟
انا : لأ
الشيبة : افا ... < والله قالها بكل حقارة ...عاد الشيبان يعرفون يصتصغرون الناس ... ألحين انا شو دراني بمحمد بن سالمين !
::::
واحد غيره ..... هذا عاد غير شكل ... وما بنسى هذاك اليوم ..لأنه كان تحفه
هالشيبة .. نسّـاي " بينسى كتيير" فعقب ما خبرته إني من اتصالات ... ويايين نصلح التليفون ... و عرفنا .. وقال تعالوا... وبدى يدلينا البيت ... وفي نص الشرح .... سكت شوي .. وقال . ..: ألووو ؟
قلت : هيه أنا ويّاك كمّل ...
قال: أنته منوه ...؟
أنا: !!!!!!!!!!!!!!!!!!!!!!!!!!!!!!!!! ^^"
اتصالات وياك ...!
قال : شو تبوون ...؟ والله نفس الصوت ... وهو إللي كلمني ... بس ما عرف شو استواله ..؟
ورديت اشرح له من يديد ..... يايين نركب .. بلااا بلااا بلااا
جان يقول .. هيييه ............ وبدى يشرح بيتهم وين .. بنفس الطريقة ..... وسكت شوي ^^
جان ... اتبسم ويّـا ربيعي ... واحطه سبيكر ..... جان يقول: منوووووووووه؟ لا ومعصب بعد
خخخخخ
يذكرني بدووري إللي في فيلم نيمو
الصراحة اتونس بذكره
* هالمرة عيوووز *
ردت عليّه عيوز ... عمرها .. فوق 50 << شو دراك ؟
هلا فديتك ...^^
لو سمحتي ممكن ادلونا البيت ...؟
قالت هيه تعال سيدا من الشارع العمومي .... وبييك بيت محمد سلطان .... خلّه يزوول !
عقب بيت فالح بن سرور " أوني أعرفهم " .... بعد خله يزول
عقب .. بيت الريـّيم بنت خميس خلها تلتعن ^^ لا حول ولا قوة إلا بالله
بتشوف .... عدال بيتنا فله عوده " كابيرا " لونها أصفر خايس مجبّل شرقي المسيد
" كانت تتكلم بكل بروود "
وكثيراً .... ما يردون عليّ بهذا الجواب ... عندما اطلب العنوان ... وهو
رووح الدكان .. و قوله بيت فلان وين .. ؟
لكن واحد حطمهم كلهم .... قالي بكل بروود ...: امس يونا هوم سنتر .. مركبين اثاث .. تخبروهم .. وبيدلونكم البيت .. !!!!!
< سامحوني في الأمثلة القصيرة ... ولكن هذا ما يحدث في الواقع .. وغالباً .. لا أستطيع معرفة البيت .. ويراجع الإتصالات !!
** الصنف الثاني **
النايمين
حطوا في عين الإعتبار >> مسكين هالإعتبار
إنا نداوم الساعة 7 الصبح .... و أنا أرئف عليهم .. ما اتصل إلا ثمان ... يعني وايد ارحم " وييين ! "
والناس راقده ... ففي واحد كان شوي مثقل نوم .... كلمته .. وصوته راقد عالآخر ... وصوت اللحاف .. يحركش في السماعة
ألووو ... اممممممممممحححهههه
ىىىه شو تبووون ...؟
نبى ندل البيت .... ؟
قال : هييييييييييييححححح
انا الحين في الدوااام ... وبكلمكم بعد ساعة ... ^^
ما شاء الله عهالدواام ... وناسه ... !
ممممم
شو في مواقف بعد .......
هيه
من هالراقديين .... واحد رد علينا .. وعطانا الوصف ... ووقفنا قدام البيت ... وضربنا هرن ...جان يطلع مب هو البيت .. .!
ردينا كلمنا الريال ... وعطانا وصف ثاني مغاير عن الأولي تماماً
ووصلنا للبيت الثاني ..... و طلع مب هو " نوت هيم "
ضيّع علينا ساعة
وكلمناه .. و بعد عطانا وصف ثالث ... والله إنه ابداً ما يشبه الوصفين الأولانيين ... جان أصرخ عليه .. واقوله .. حووووه الطيب ... وين الله عاقنّنك " ... جان يقول ... : انا بخبرك .... ما عليه ... " وعصب الأخ " و سكر على وييهي .. ولليوم أنا عايش والريال ما تركب له النت
** الصنف الثالث **
البنات
عاد هنيه انا بختم بهالقصة
كان يا مكان في قديم الزمان ... جاني طلب ... تركيب انترنت بأسم واحد
رحت البيت ... واستقبلتني البنت بكل احترام وتقدير .... .. لكن خارج الحوش ....!
ويوم دخلنا الحوش .. تمّت اتلفت " شي كييبس لووكنق اراوند" جنه خايفه من حد
ويوم دخلت البيت فتحت الباب شووووووييي شوي
واندست ورى الباب تتريانا ندخل .... .!
ويوم دخلت حطت إصبعها على براطمها وقالت هشششش ..... !
يا ويلي !
اهنيه انا خفت و أوجست من نفسي خيفه ... العامل اللي عندي اخذ يتبسم ...!
جان تقول .. ما أبى حد يعرف إني مركبه النت !!!!
قلت : لكن الطلب باسم أبوج ... قالت هيه .. أبوي بس هو إللي يدري ... أمي وأخوي ما يدرون
جانتقول لي .... أقصد تهمسلي ...فوق فوق .. نقلت أصبعها من وييها و أشرت إلى الدري " الإستييرز "
ورحنا فووق ... وركبنا النقطة .. ونزلنا علشان نوصل توصيلات خارجيه ... وهيه تتلفت يمين يسار .... جان تقول. . صبروا ... ونزلت قبلنا
وقالت الطريق " سالك " .. نزلوا << لا اسووولف
بعد شوي قالت يا طلعوا الحين .. ولا تتأخرون ... يوم توصل ... وقف السيارة برى ... ودقلي دقة .. ودش من باب المطبخ .... !
اوووكييه
ونحن برى .... إلا ... نيسان .... وسط اخضر رصاصي..... حتر ... يصيح ويلات في الحووش ... وينزل منه واحد طوله ثلاثه منّي... وعرضه أثنين مني ولابس شرات لون سيارته .. ادريس شرطه وجواتي هالكبار .." بووووت "
وقال هاي سيارتكم ... "عليها شعار إتصالات " ؟
قلت هيه
جان يزخ الأقرب فينا .. الحمد لله إنه كان العامل المسكين
ودزه صوب سيارتنا وقال يلا برى ...... وهو يقول .. جيه ... إلا وباب الفله من ورانا يتسكر بقو ... ولفت إنتباهه .. وصرفه الله عنّـا ^^
" يخسي .. شو كنت بصفعه لو وصلّـي =) "
ويدق الباب دق .. ويصرخ عليها .. .ويشتمها شتيم .. ما تقوله حق كافره .. عوضاً عن إختك ....
يا الـ....
يا الـ....
يا الـ....
والله ما ركبتيه ....
وهيه ترد عليه ... مب عكيفك .... و تصييييييح . .!
ابوي هو إللي سوالي إياااه ... و يرد عليها .. جاااااااااااب
وصد علينا .... إلا وأنا أعطيه وييييل ... والشردة ثلثين المريلة
^^
الله يهديهم
by مستر مطوع
;;; أسلوب شيق وخفيف أعجبني فنقلته لكم ;;;
من اكبر المشاكل اللي تواجهني في الدوام .. لما تي " تأتي " ساعة الدلالة عالبيت ." دسكرايب يور بيت "
عاد هنيه ,,,, تطلع البلاوي .... وأصناف البشر .. ومستويات الذكاء ... وأساليب التعبير ....
** الصنف الأول **
العجايز & الشيبان
ليس الكل ولكن البعض ...
هالصنف .. لا يعرف .. لا رقم شارع ولا رقم بيت ولا حتى رقم الفتحة إللي تدششك " enter" البيت ولاااااا يعرف وين ألله حاطنـّـه
^-^
فهنيه ... عاد نتبع أساليب الوصف الترادشنل ...و دلالة العصور الوسطى
مستر مطوع : ألووو السلام عليكم
الشيبة : مرحبا الساع " محد يرد السلام حتى لو عدتها الف مره "
:
:
:
< بارت وين يعطيني تفاصيل بيتهم >
الشيبة : بيتنا الله يسلمك .... وانته ياي " كمنق" من عمان .... وشو بييييبني من عمان أنا .... ! ة_ة
بتلقى ...... سبعطعشر نخله علي يسارك ... وبيتنا " غدفيها" << للحين ما عرف شو معنى هالكلمة
يعني الحين أنا بسوق السيارة .. وأقعد اعد النخل إللي في الشارع ..... !
* أنذر واحد *
هلا خاليه .... وين البيت ؟
الكستمر الشيبة : ادلّ بيت محمد بن سالميين ... ؟
انا : لأ
الشيبة : افا ... < والله قالها بكل حقارة ...عاد الشيبان يعرفون يصتصغرون الناس ... ألحين انا شو دراني بمحمد بن سالمين !
::::
واحد غيره ..... هذا عاد غير شكل ... وما بنسى هذاك اليوم ..لأنه كان تحفه
هالشيبة .. نسّـاي " بينسى كتيير" فعقب ما خبرته إني من اتصالات ... ويايين نصلح التليفون ... و عرفنا .. وقال تعالوا... وبدى يدلينا البيت ... وفي نص الشرح .... سكت شوي .. وقال . ..: ألووو ؟
قلت : هيه أنا ويّاك كمّل ...
قال: أنته منوه ...؟
أنا: !!!!!!!!!!!!!!!!!!!!!!!!!!!!!!!!! ^^"
اتصالات وياك ...!
قال : شو تبوون ...؟ والله نفس الصوت ... وهو إللي كلمني ... بس ما عرف شو استواله ..؟
ورديت اشرح له من يديد ..... يايين نركب .. بلااا بلااا بلااا
جان يقول .. هيييه ............ وبدى يشرح بيتهم وين .. بنفس الطريقة ..... وسكت شوي ^^
جان ... اتبسم ويّـا ربيعي ... واحطه سبيكر ..... جان يقول: منوووووووووه؟ لا ومعصب بعد
خخخخخ
يذكرني بدووري إللي في فيلم نيمو
الصراحة اتونس بذكره
* هالمرة عيوووز *
ردت عليّه عيوز ... عمرها .. فوق 50 << شو دراك ؟
هلا فديتك ...^^
لو سمحتي ممكن ادلونا البيت ...؟
قالت هيه تعال سيدا من الشارع العمومي .... وبييك بيت محمد سلطان .... خلّه يزوول !
عقب بيت فالح بن سرور " أوني أعرفهم " .... بعد خله يزول
عقب .. بيت الريـّيم بنت خميس خلها تلتعن ^^ لا حول ولا قوة إلا بالله
بتشوف .... عدال بيتنا فله عوده " كابيرا " لونها أصفر خايس مجبّل شرقي المسيد
" كانت تتكلم بكل بروود "
وكثيراً .... ما يردون عليّ بهذا الجواب ... عندما اطلب العنوان ... وهو
رووح الدكان .. و قوله بيت فلان وين .. ؟
لكن واحد حطمهم كلهم .... قالي بكل بروود ...: امس يونا هوم سنتر .. مركبين اثاث .. تخبروهم .. وبيدلونكم البيت .. !!!!!
< سامحوني في الأمثلة القصيرة ... ولكن هذا ما يحدث في الواقع .. وغالباً .. لا أستطيع معرفة البيت .. ويراجع الإتصالات !!
** الصنف الثاني **
النايمين
حطوا في عين الإعتبار >> مسكين هالإعتبار
إنا نداوم الساعة 7 الصبح .... و أنا أرئف عليهم .. ما اتصل إلا ثمان ... يعني وايد ارحم " وييين ! "
والناس راقده ... ففي واحد كان شوي مثقل نوم .... كلمته .. وصوته راقد عالآخر ... وصوت اللحاف .. يحركش في السماعة
ألووو ... اممممممممممحححهههه
ىىىه شو تبووون ...؟
نبى ندل البيت .... ؟
قال : هييييييييييييححححح
انا الحين في الدوااام ... وبكلمكم بعد ساعة ... ^^
ما شاء الله عهالدواام ... وناسه ... !
ممممم
شو في مواقف بعد .......
هيه
من هالراقديين .... واحد رد علينا .. وعطانا الوصف ... ووقفنا قدام البيت ... وضربنا هرن ...جان يطلع مب هو البيت .. .!
ردينا كلمنا الريال ... وعطانا وصف ثاني مغاير عن الأولي تماماً
ووصلنا للبيت الثاني ..... و طلع مب هو " نوت هيم "
ضيّع علينا ساعة
وكلمناه .. و بعد عطانا وصف ثالث ... والله إنه ابداً ما يشبه الوصفين الأولانيين ... جان أصرخ عليه .. واقوله .. حووووه الطيب ... وين الله عاقنّنك " ... جان يقول ... : انا بخبرك .... ما عليه ... " وعصب الأخ " و سكر على وييهي .. ولليوم أنا عايش والريال ما تركب له النت
** الصنف الثالث **
البنات
عاد هنيه انا بختم بهالقصة
كان يا مكان في قديم الزمان ... جاني طلب ... تركيب انترنت بأسم واحد
رحت البيت ... واستقبلتني البنت بكل احترام وتقدير .... .. لكن خارج الحوش ....!
ويوم دخلنا الحوش .. تمّت اتلفت " شي كييبس لووكنق اراوند" جنه خايفه من حد
ويوم دخلت البيت فتحت الباب شووووووييي شوي
واندست ورى الباب تتريانا ندخل .... .!
ويوم دخلت حطت إصبعها على براطمها وقالت هشششش ..... !
يا ويلي !
اهنيه انا خفت و أوجست من نفسي خيفه ... العامل اللي عندي اخذ يتبسم ...!
جان تقول .. ما أبى حد يعرف إني مركبه النت !!!!
قلت : لكن الطلب باسم أبوج ... قالت هيه .. أبوي بس هو إللي يدري ... أمي وأخوي ما يدرون
جانتقول لي .... أقصد تهمسلي ...فوق فوق .. نقلت أصبعها من وييها و أشرت إلى الدري " الإستييرز "
ورحنا فووق ... وركبنا النقطة .. ونزلنا علشان نوصل توصيلات خارجيه ... وهيه تتلفت يمين يسار .... جان تقول. . صبروا ... ونزلت قبلنا
وقالت الطريق " سالك " .. نزلوا << لا اسووولف
بعد شوي قالت يا طلعوا الحين .. ولا تتأخرون ... يوم توصل ... وقف السيارة برى ... ودقلي دقة .. ودش من باب المطبخ .... !
اوووكييه
ونحن برى .... إلا ... نيسان .... وسط اخضر رصاصي..... حتر ... يصيح ويلات في الحووش ... وينزل منه واحد طوله ثلاثه منّي... وعرضه أثنين مني ولابس شرات لون سيارته .. ادريس شرطه وجواتي هالكبار .." بووووت "
وقال هاي سيارتكم ... "عليها شعار إتصالات " ؟
قلت هيه
جان يزخ الأقرب فينا .. الحمد لله إنه كان العامل المسكين
ودزه صوب سيارتنا وقال يلا برى ...... وهو يقول .. جيه ... إلا وباب الفله من ورانا يتسكر بقو ... ولفت إنتباهه .. وصرفه الله عنّـا ^^
" يخسي .. شو كنت بصفعه لو وصلّـي =) "
ويدق الباب دق .. ويصرخ عليها .. .ويشتمها شتيم .. ما تقوله حق كافره .. عوضاً عن إختك ....
يا الـ....
يا الـ....
يا الـ....
والله ما ركبتيه ....
وهيه ترد عليه ... مب عكيفك .... و تصييييييح . .!
ابوي هو إللي سوالي إياااه ... و يرد عليها .. جاااااااااااب
وصد علينا .... إلا وأنا أعطيه وييييل ... والشردة ثلثين المريلة
^^
الله يهديهم
by مستر مطوع
;;; أسلوب شيق وخفيف أعجبني فنقلته لكم ;;;
