معقول الي يصير لبنات الكويت

[مساهم11]

كثير من بناتنا يعنسون ويكبرون ويموتون بغير زواج
والاسباب كثيره
منها كثرة النساء ضعفي الرجال
ومنها تكملة الدراسة
ومنها التشرط والدلع الزايد هذا فيه وهذا فيه


والشاب اذا بغي الزواج اختار اصغرهن واجملهم واكثرهن تمسكا بالدين
والخيارات امامه كثيره

طيب شنو الحل فيمن تعدت سن ال 25 سنه
لان اي شاب لما تقوله فلانه عمرها 25 سنه
شرايك فيها بنت ناس ومحترمه ومتعلمه و و و الخ
يرد عليك برد جاهز اتزوج وحده كبر امي !!!!

من كانت في سن صغيره فلا تفوت علي نفسها فرصة الزواج
ومن فاتها القطار وهي علي اعتاب العنوسه فعليها بالزواج دون تشرط
المهم توافر الدين والاستقامه والتربيه القويمه
ومن تبحث علي الكمال فلن تجده ولن يجده الرجل فيها


الموضوع مفتوح للنقاش الجاد للوصول لنقطة تفاهم ترضي جميع الاطراف

 

[توفي]

الله يعطيك العافيه
مفهوم الحياة تغير على زمن امي وجدتي كانت الوحده من 14 الى 18 خلاص متزوجه
اما الحين مايبدون البنات في الزواج الا بعد 20 الحياة تغير من غلا معيشه الحين الشاب على مايتخرج ويدور على وظيفه ويكون نفسه الا صار عمره 28 وفوق ويعتمد على طبيعه عمله اذا هو فعلا قادر انه يفتح بيت ونفس الشي الشباب اول مايصير عمره 24او 25 الا متزوج الحين مايتزوجون الا فوق 30 متطلبات الحياة تغيرت ممكن بعد فتره تلاقي البنات الي يتزوجون فوق 30 عادي

 

[بوالعيس بيك]

السلام عليكم

من اهم اسباب العنوسه وتأخر زواج الشباب هي

الطلبات والشروط التعجيزيه..أغلب العوائل مايعجبها إلاسوبرمان

 

[coooool2]

اللوم الاول يقع على البنت

كيفها تتحمل غلطتها

يعني اذا تقدموا شباب لخطبتها ..تقول ويع هذا مو حلو ..هذا خشمه كبير ..شكله مو عاجبني

و تناسوا ان (( الاخلاق اهم من المظاهر ))

ودي اعرف ليش يهتمون بالمظاهر مادري..!!

و اذا تزوجوا و اهما صغار ..يلعنون خير الزوج المسكين ..سوالف زعل مالها داعي و كلش ماكو صبر..ما يحسون بمعاناة الزوج و ظروفه

خل يهتمون بالاخلاق و صدقوني ما راح تشوفون العنوسه

 

[توفي]

اللوم الاول يقع على البنت

كيفها تتحمل غلطتها

يعني اذا تقدموا شباب لخطبتها ..تقول ويع هذا مو حلو ..هذا خشمه كبير ..شكله مو عاجبني

و تناسوا ان (( الاخلاق اهم من المظاهر ))

ودي اعرف ليش يهتمون بالمظاهر مادري..!!

و اذا تزوجوا و اهما صغار ..يلعنون خير الزوج المسكين ..سوالف زعل مالها داعي و كلش ماكو صبر..ما يحسون بمعاناة الزوج و ظروفه

خل يهتمون بالاخلاق و صدقوني ما راح تشوفون العنوسه

معليش اخوي انت ترمي اللوم على البنات ترى حتى الشباب جزء من المشكله بعدين مااتوقع انه فيه بنت بترفض واحد اكويس ومتعلم واخلاق علشان خشمه ولا مو حلو

 

[(فزاع)]

والله شكلي بطلق العزوبيه وبتزوج ..
واترك كلمة " اعزوبي متعصب " للأبد ..
بس للحين ما لقيت بنت الحلال ..

وينك يا كول ..! ترى بقط نفسي بالقرقور ..
وحاجني بعد سنه من ورا شبك القرقور .. وقول لي .. " اشلون الوضع معاك " ..
يا اقولك بصل .. او اقولك عسل ..!

 

[أبونوره]

ملاحظة في بعض البنات عندنا

شايفات انفسهم فووق والدراسه من اهم المهمات واهم من الزواج والبيت والولد
والبنت من عمر 18 - 24 لا تهتم وتتوقع انها ستكون عانس وتتوقع ان الخاطب على الباب بمجرد التفكير 0

وايضا العبث اللي يصير ونشوفه في الاسواق من معاكسات وعلاقات محرمة تاخذ من عمر البنت على الاقل سنتين الى ثلاث 0

كلامي على البعض

والله يستر على بناتنا وبنات المسلمين

 

[nouf]

انا من رايي هذا نصيب

 

[بو هباش الكويتي]

وانا اقول بعد هذا نصيب وربك كاتبه واللي له او لها النصيب بتزوج مايمنعه لا دراسة ولا شروط كل شي بامر الله

 

[راشد (بو نواف)]

الزواج قسمة ونصيب

 

[أبو أنفال]

والله قبل انا مثلك متعاطف وياهم لكن الي تبي الزواج تقدر تتزوج
وهذيلا الي تسميهم عوانس يستاهلون ياكثر تشرطهم
تلقى الوحده صاك عمرها الف سنه وتتشرط ابي وابي
وكل هذا من الشيطان بعد مايطوفها قطار التشرط تتمنى لو هندي يطق باب بيتهم
ولازم الآب والام مايعطون بنتهم فرصه ترفض رجل محترم ويشوفون فيه صفات الرجوله
ويزوجون بنتهم من اول شخص يحمل هذي الصفات ولايخلون بنتهم تعنس
الحين تلقى بيت فيه 6 بنات ومع هذا ياخذون رايها برجل هم عارفينه وخابزينه
اي اخذ رايها بس بالوقت هذا وشكل العنوسه المطبقه لاوالله بكلمها واغصبها على الزواج
وافتك لان صراحه كثيييييير بنات طافها القطار وسبب انهم عطوها راي بالموضوع فوق مستواها
ولانها اصلا حياويه وتستحي وتخاف من المستقبل الي بالنسبة لها مظلم أكييد راح ترفض وتكابر
لكن لو شافت ابو وام فاهمين الحياة عدل وقطوا الآفكار الهدامه الي تشبعت فيها عقول البنات من شاشات السينماء والعرض ان البنت تفكر اسبوع والراي الاول والآخير لها عزالله نص الحريم بتعنس

 

[nestla]

الزواج قسمه ونصيب , وياما بنات نزوجوا واعمارهم كبيره وصار حظهم احسن من حظ الي تزوجوا وهم صغار .

 

[ابو الدنانير]

انا من رايي ان الرجال يتزوجون بنات ديرتهم احسن من ما يدورون على بنات من ديره ثانيه كل هدفهم انه خليجي يعني (يحتحت فلوس) والله صدق المثل اللي يقول حلات الثوب رقعته منه وفيه ترا الامثال هذي ما انقالت عبث خل كل واحد يفكر بخوال عياله اذا كانو منه وفيه (من اهل ديرته )يكون احسن يعني اقول للاخوان اللي معزم على الزواج والله بنات الديره احسن 0لا يغرك صغر سن الاجنبيات والله يوم تجي الدنيا عليك اول من يهدك ويتركك هم يعني(ما ينشد فيهم الظهر )لان هدفهم مادي فقط اما بنت الحموله فهي لك عون على الزمن ولي احتجتها تلقاها سند لك 0

 

[النجدي2007]

والله شكلي بطلق العزوبيه وبتزوج ..
واترك كلمة " اعزوبي متعصب " للأبد ..
بس للحين ما لقيت بنت الحلال ..

وينك يا كول ..! ترى بقط نفسي بالقرقور ..
وحاجني بعد سنه من ورا شبك القرقور .. وقول لي .. " اشلون الوضع معاك " ..
يا اقولك بصل .. او اقولك عسل ..!

خلك عزوبي وياي يافزاع لاتسرع يعني سنة سنتين جذية نتزوج

 

[عازف الجيتار]

من وجهة نظري المتواضعه لايعيب الشاب والبنت العمر <<<رد متواضع اهم شيء الفهم من الطرفين والاستقرار والعمر لايوجد له اهميه

بالعكس توجد سلبيات كثيره بالوقت الحالي للزواج المبكر منها الشاب يبي يدرس والبنت بعد وموشرط بس عن الدراسه يوجد عدة اسباب منها عدم الاستقرار شباب هالوقت كل تفكيره على قولتهم (القز) والبنات كذالك نفس السالفه محد بالوقت الحالي يبحث على الزواج المبكر ولمن تسأل عن السبب (بعيش حياتي) وهذا من الواقع

بس السؤال يطرح نفسه منو الي قال بعيش حياتي ووقت الزواج يفكر بوحده صغيره واهوه عمره 35 يبي وحده 19 سنه او 18 <<< ليش مويبي يعيش حياته وبالنسبه للبنت نفس التفكير

ومن طرف ثاني والاهم اهل البنات تطلب العجائب الصراحه وقت الصبي يتقدم وصل لطلبات كبيره جدا لي درجة الصبي ياخذ قرض < عشان شهر العسل ليييش ؟؟؟؟؟انا اقولكم ليش لأن لو قال لا ماراح يتم الزواج الشاب المسكين يحاول ياخذ القرض ويدفع طول عمره عشان السفره او العرس بأكبر الفنادق والالماس < وبالنهايه لايوجد اتفاق بين الطرفين يعرض علاقتهم الزوجيه الى المحاكم والطلاق والنفقه ووووووووووووووووووووووو......ألخ

اهم شي التفاهم ثم التفاهم ثم التفاهم القرض والطلبات طريجه غير صحيح اكتفي

والله يوفق شبابنا ان شاءالله

----------

يعطيك العافيه يالغالي على طرح المناقشه الهادفه

 

[alfanare]

لا اله الا الله محمد رسو ل الله ,,,اللهم صلى على محمد وعلى ال محمد وعلى صحبه وسلم تسليما كثيرا ,,,
انا ارى سبب المشكلة هي في الاولويات ,,,,,,,فالاسف الجميع صار يعطي الاولية لاكمال الدراسة للبنات وياتي في المرتبة الثانية الزواج وهذا سبب العنوسة للبنات ,,,
والسبب الثاني هو الاكتفاء بزوجة واحدة من اغلب الرجال المفروض تطبيق السنة والزواج باكثر من واحدة ,,مثنى وثلاث ورباع ,,,تمت الكتابة بالخط السحري الابيض حتى ماتنتبه المدام للخط مرر الفارة على الخط وراح تشوفة
سكووووووووووووووووووووت ,,

 

[الزعيم الوحيد]

بسم الله الحل عندي تذكر ربه وتصلي وتستر علي نفسه ولا دوج في المجمعات والاسواق وتلبس حجاب بدون كشكشه تغطي وجهها وتقعد فيبيتهم والله يرزقه ابن الحلال اطيب== بنات اليوم بنطلون وجنز وتنوره والعبايه الكتف عليه قلوب == واين تبي احد يتزوجه == اللهم استر بنات المسلمين والمسلمات يارب العالمين == وشكرررررررر

 

[coooool2]

من وجهة نظري المتواضعه لايعيب الشاب والبنت العمر <<<رد متواضع اهم شيء الفهم من الطرفين والاستقرار والعمر لايوجد له اهميه

بالعكس توجد سلبيات كثيره بالوقت الحالي للزواج المبكر منها الشاب يبي يدرس والبنت بعد وموشرط بس عن الدراسه يوجد عدة اسباب منها عدم الاستقرار شباب هالوقت كل تفكيره على قولتهم (القز) والبنات كذالك نفس السالفه محد بالوقت الحالي يبحث على الزواج المبكر ولمن تسأل عن السبب (بعيش حياتي) وهذا من الواقع

بس السؤال يطرح نفسه منو الي قال بعيش حياتي ووقت الزواج يفكر بوحده صغيره واهوه عمره 35 يبي وحده 19 سنه او 18 <<< ليش مويبي يعيش حياته وبالنسبه للبنت نفس التفكير

ومن طرف ثاني والاهم اهل البنات تطلب العجائب الصراحه وقت الصبي يتقدم وصل لطلبات كبيره جدا لي درجة الصبي ياخذ قرض < عشان شهر العسل ليييش ؟؟؟؟؟انا اقولكم ليش لأن لو قال لا ماراح يتم الزواج الشاب المسكين يحاول ياخذ القرض ويدفع طول عمره عشان السفره او العرس بأكبر الفنادق والالماس < وبالنهايه لايوجد اتفاق بين الطرفين يعرض علاقتهم الزوجيه الى المحاكم والطلاق والنفقه ووووووووووووووووووووووو......ألخ

اهم شي التفاهم ثم التفاهم ثم التفاهم القرض والطلبات طريجه غير صحيح اكتفي

والله يوفق شبابنا ان شاءالله

----------

يعطيك العافيه يالغالي على طرح المناقشه الهادفه

روح المحاكم وشوف جم بنت رفعت ضد زوجها بهدف الاستغلال و طبعا خسرت القضيه و الزوج المسكين

و خير شاهد على كلامي ..الجرايد اليوميه

 

[انطلق2]

مشكلة الإعلام العربي صور تعدد الزوجات مصيبة...يعني العنوسة أحسن من تكون لك شريكه؟؟؟ ...لا حول ولا قوة إلى بالله

 

[ابو غانم]

يعني اللي عمرها 25 تعتبر عانس؟؟؟؟!!!!!!!!!!!!!!!

.. بالعكس البنت بالعمر هذا صغيره ويكتمل جمالها وعقلها .