لايطوفكم قرية بترافيان تحتل المركز الأول

[mr_lacoste]

للبيع قرية في لعبة ترافيان في سيرفر 19 وتحتل المركز الأول على السيرفر
تتكون من 11 قرية
يا جماعة البيع عالسوم ونبدأ السوم بمبلغ 800 دينار كويتي
و القرية تسوى أكثر بوايد واللي في هالمجال يعرف قيمتها
يلة باسم الله نبلش المزاد واللي يسوم رجاءا لا أمرا يحط رقم تيلفونه سواء على الخاص أو العام

 

[ولد الديرة]

 

[bo 3zooz]

يجماعه القرى بهل اللعبه تباع ولها منتدى خاص والقريه العاديه المستوى تباع على 70 ولا 85 ولا بعد تكون محتله مكان بعييد عن التصنيف الاساسي وهل الاخو عارض قريه واهيه الاولى على التصنيف ومثل ماقال يعرفون اسعارها اللي يلعبونها .. والله يوفقك بالبيعه اخوي بس ماعتقد راح تباع بهل المنتدى .. وسامحنا على المداخله البسيطه

 

[P.Engineer]

صحيح كلامك .. بس لا تحلم تلقى أحد يشتريها أهني لأن مو تخصص هل موقع .. وأنت بدايتك قوية كانت 800 دينار

 

[mr_lacoste]

في مشاركة باسمي بهالموضوع امس شاركت فيها واليوم ملغية ....... ليش ؟؟؟
انا ماكتبت شي غلط أبدا ولا غلطت ولا حتى عن طريق غير مباشر على أحد الأعضاء !!
ممكن أعرف ليش انمسحت المشاركة !!!!!!!!!!!!!!
ومنو يقدر يفيدني بهالموضوع

 

[Abo Fahad]

800 دينار تعادل تقريبا 12 الف ريال

تجيب لك ارض بالخفجي


بالتوفيق

 

[SiLVeR_LiGhT]

ابي افهم شنو هو العائد من لعب مثل هالالعاب لا تنشغلون بالخيال على حساب الواقع
عاد اللعبه اتفه منها ما لقيت و الناس الي يلعبون هلعبه تـ......

 

[mr_lacoste]

الناس فيما يعشقون مذاهب ...
واللعبة أنا ما لعبتها ولا أدري عن قوانينها ومثل ما قلت في المشاركة اللي انلغت ان القرية حق واحد من الربع ويابت له 9000 آلآف ريال وما باعها

 

[q8_oil]

800 دينار تعادل تقريبا 12 الف ريال

تجيب لك ارض بالخفجي


بالتوفيق

أرض بالخفجي ب 800 دينار !!

مساحتها جم ؟

 

[KuWaiT DriFT]

موفق اخوي بالبيعه انا اعرف ناس يلعبونها و انشالله ابلغهم عن القريه بس جنه 800 واايد

بس رااح اشوفهم

 

[BlueOne]

800 !!! الله يعين لا وترافيان ياريت رقم

 

[sound blaster]

الناس فيما يعشقون مذاهب ...
واللعبة أنا ما لعبتها ولا أدري عن قوانينها ومثل ما قلت في المشاركة اللي انلغت ان القرية حق واحد من الربع ويابت له 9000 آلآف ريال وما باعها

دامك ما لعبتها .. نصيحه لا تلعبها يتعرف أنك ضيعت من حياتك الوقت الي لعبته فيها .. فاشله لأبعد الحدود ..صاحب السيرفر قاص على الناس ويتربح من وراها .. والله لو يعطيني القريه بلاش بخليها تولي .. يخرب بيتها شنو ممله

 

[bom3ath]

20 دينار بعت

 

[alanzi]

الارض بالخفجى وووينها
وكم مساااحتها

 

[نوط بو20]

ياجماعة تره السالفة صج عندي ولد عمي بايع قريتة ب 2500 دولار واللي شراها واحد من قطر .
ولد عمي باع القرية وسافر بالبيزات والسالفة جدا عادية والناس اللي ما تعرف بهالموضوع لا تطنز ....

 

[Bo-SaNaD]

800 عاد شدعوه

اخوي تبدل مع طلب اسكان سنه 2000 وتزيدني بس شرط قريتك على ثلاث شوارع واحد منهم رئيسي وياريت يكون فيها حديقه عنب لا اتغشمر الله يوفقك انشالله بس اعتقد عرضك في المكان الغلط اكو منتديات متخصصه بهالشغله اما اللي هني نصهم شريطيه راح يشلخونك وبالتوفيق

 

[Nagooshy]

والله هذا افلوسه وايد الي يقط 800 دينار على لعبه

 

[cmkx]

800 دينار تعادل تقريبا 12 الف ريال

تجيب لك ارض بالخفجي


بالتوفيق

بامعود انا شراي على 800 ارض بالخفجي بس انسى تحصل ارض بالخفجي بالسعر هذا