ممكن تفسير !!!!!!!!!!!!!!!!!!!!!!!!!

[Cha3bar]

قالك بومحمد ياخوفي لا الكتاب مترجم

 

[ميكانيكي]

قالك بومحمد ياخوفي لا الكتاب مترجم

الحين ايبلكم كتاب اجنبي اصلي

ثواني

 

[Cha3bar]

الحين ايبلكم كتاب اجنبي اصلي

ثواني

مصدقك يا ميكانيكي والله وأدري موجود النموذج في الكتاب لا وبصفحة 155 بعد .. بس فصفص فيه أكثر .. يقولك يجي على شكل تداول مستطيلي .. إلي تحاول تطبقه إنت على الشارت المرفق يمشي معاه؟؟

 

[ميكانيكي]

تفضل

 

[ميكانيكي]

هم تفضل

 

[ميكانيكي]

هذا من الكتاب باللغه الانجليزيه

الاصلي
______

عطوني رايكم

 

[ميكانيكي]

مصدقك يا ميكانيكي والله وأدري موجود النموذج في الكتاب لا وبصفحة 155 بعد .. بس فصفص فيه أكثر .. يقولك يجي على شكل تداول مستطيلي .. إلي تحاول تطبقه إنت على الشارت المرفق يمشي معاه؟؟

اخوي جعبر ممكن توضحلي هالشغله

اذيتكم صح ؟

 

[Trend Line_Q8]

بحذفه من السطح وجني ما أدري ​

 

[Cha3bar]

اخوي جعبر ممكن توضحلي هالشغله

اذيتكم صح ؟

ولو .. تمون

مره في مشاركة لي في صفحة زين تكلمت عن Consolidation phase مرحلة التعزيز أو التقوية .. مادري شلون كاتبينها بالمرجع إلي عندك .. جون مورفي يقول نموذج الرأس والكتفين الإستمراري يكون مشابه لهذا النموذج وإلي من خصائصة يكون التداول على شكل مستطيل يعني السهم يتذبذب داخل نطاق سعري عند قمة إذا كان نموذج إيجابي وعند قاع إذا كان نموذج سلبي (قاعد نتكلم عن الرأس والكتفين الإستمراري .. )

الكتف الأيمن والكتف الأيسر لازم يكونون داخل هذا النطاق أما خط الرقبة أو قمة الرأس تكون خارج النطاق مع عدم إهمال شرط الكمية عند كل كتف والرأس

وحتى عند كسر النموذج .. أفتكر حاطين لك مثال سهم GM سنة 97 مشكل النموذج بس معوق شوي ..

حاول تطبق الشروط على الشارت إلي عندك راح يصير صعب شوي .. أقرب مثال لقيته هو سهم زين يوم كان يتداول من بعد التفسيخة لين إنتهاء الإكتتاب بعدها بط

 

[ميكانيكي]

بحذفه من السطح وجني ما أدري ​

شالعلاقه اخوي بموضوعنه ؟

 

[Trend Line_Q8]

شالعلاقه اخوي بموضوعنه ؟

ما أدري هل هذا سؤال أو إستهزاء !

ولكن بحسن الظن فيك وبقول سؤال ..

الرأس والكتفين الإستمراري بعض المحللين يعتبرونه من أشكال الفنية للمستطيلات Rectangles واللي أرفقته لك قبل إشوي ..

وبعدين هناك شرط مهم في أنت مهمله في نموذج الرأس والكتفين وهو الفاليوم لأنه يبين فترات التصريف والتجميع واللي بموجبها يتكون هذا الشكل .

وعموما لا تزعل من دخولي على موضوعك لأنه راح يكون الأخير .​

 

[ميكانيكي]

ما أدري هل هذا سؤال أو إستهزاء !

ولكن بحسن الظن فيك وبقول سؤال ..

الرأس والكتفين الإستمراري بعض المحللين يعتبرونه من أشكال الفنية للمستطيلات rectangles واللي أرفقته لك قبل إشوي ..

وبعدين هناك شرط مهم في أنت مهمله في نموذج الرأس والكتفين وهو الفاليوم لأنه يبين فترات التصريف والتجميع واللي بموجبها يتكون هذا الشكل .

وعموما لا تزعل من دخولي على موضوعك لأنه راح يكون الأخير .​

وليش استهزأ ؟؟

انت شفت مشاركاتك السابقه بالاول ؟؟ عشان تقول اني استهزء ؟؟

ولاتحاتي .. كمية التداول متأكد منها
حياك الله
____________

 

[ميكانيكي]

شباب

ماخليكم لين افهم عدل ::verymad::

 

[kaifani]

شباب

ماخليكم لين افهم عدل ::verymad::

انت فعلا مثابر , أحييك ميكا .

 

[الشامري]

وانت ايضا يا بو محمد ,, لازم تحول اليوت ,,

::verymad::

من صجك أتعلم خمس موجات وخرابيط abc شنو ردينا المدارس؟






لا تصدق ترى أتغشمر

أكيد راح أعزز نفسي فيها وأتعلم جوانبها إللي أجهلها عدل إن شاء الله، وبغلبك فيها، إشرايك بعد

بس خلني أملي بعض الفراغات عندي خلال هالكم شهر، وبتشوف شي طيب

بس الله يعينك علي، كل شوي بدق عليك أسأل، وإذا ما رديت علي راح تلاقيني أحوس عند باب بيتكم

................................................

ميكانيكي، أبيك تفهم محورين أساسيين بخصوص الرأس والكتفين الاستمراري

المحور الأول:

لما تكون الحركة العامة هبوط ويطلع لك الرأس والكتفين (العادي مو البوتوم أو المقلوب)، إللي المفروض هو أصلا نموذج إنعكاسي يأتي عند القمم

يفترض أن تكون هذي هي العلامة الأولى لعدم الاعتماد عليه بعد الله تعالى.

المحور الثاني:

إذا كان نموذج الرأس والكتفين طلع في قاع الحركة، لازم تشوف الرأس وتركز عليه

هل هو بعيد أم قريب من الكتفين

إذا كان بعيد عن الكتفين، فهذا مثل ما قال أخونا بو محمد حقائق "رأس وكتفين غير حقيقي"

أما إذا كان قريب من الكتفين، وحركة الرأس والكتفين شكلها قريب من التماسك (دعم ومقاومة) أو مستطيل (كما أشار ميرفي في كتابه، وكما نبه عليها أخونا جعبر)

فهذا هو نموذج الرأس والكتفين الاستمراري

..................................

بس تذكر شي مهم

نموذج الرأس والكتفين الاستمراري (خلنا نقول في اتجاه صاعد) لازم يكون رأس وكتفين مقلوب

والعكس صحيح بالنسبة للاتجاه الهابط

..................................

معلومة إضافية نثري بها هذا الموضوع:

هل تعلم أن أو من اكتشف نموذج الرأس والكتفين هم اليابانيين؟

نعم، فهم يسمونه three buddha

وهو نموذج متداول بينهم قبل الغرب بحوالي مئة سنة

يشار أن أول من كتب عن نموذج الرأس والكتفين في العالم الغربي هو ريتشارد سكابيكر (أبو زوجة إدوارد صاحب كتاب technical analysis of stock trends) في ثلاثينيات القرن الماضي

هذا والله تبارك وتعالى أعلم

 

[ميكانيكي]

اي

هذا الكلام الي يبرد الجبد .. ولا قصور بالشباب ..

الله يزديك من علمه بو محمد

بارك الله فيك

كلمه اخيرا .. بالذمه شرحك هذا ولا الي اول شي ههههه

بالتوفيق

 

[الشامري]

اي

هذا الكلام الي يبرد الجبد .. ولا قصور بالشباب ..

الله يزديك من علمه بو محمد

بارك الله فيك

كلمه اخيرا .. بالذمه شرحك هذا ولا الي اول شي ههههه

بالتوفيق

أول شي لا تحلفني بالذمة

ثاني شي شرحي الأولي ما فيه شي، بس إنت مو شبعان نوم وقتها

بارك الله فيك يا بو فجر وأنا استمتعت بهالنقاش

 

[سياف]

نبي رايكم يا محللين

ليش ما نزل ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!

ولا ترا بعتزل التحليل الفني

عمي هذا جنه عرف ديج