[size=6]اسهم للمضاربة اليومية[/size]

[الدانة]

اذا كان أحد الأعضاء لديه سهم أو اكثر ذات تذبذب عالي و سريع و يومي يصلح للمضاربة اليومية الرجاء كتابته هنا لكي يستفيد منه باقي الأعضاء المهتمين ...

دون ادنى مسئولية على الكاتب ..

الرجاء من المسئولين تثبيت هذا الموضوع اذا كانت هناك مشاركات من الأعضاء ...

شكرا

 

[SCREENER]

Ipix

Abix

بلا منازع

 

[النوووخذه]

طبعا هناك اسهم تبعا لخبر تصبح فجاه للمضاربه السريعه اليوميه... مثل سهم Stkr شوفوا الشارت ماله للآخر 3 ايام .. اما سهم بدون اخبار وهو فاني ارشح سهم Vtss واسمحوا ان افرد في مقام آخر ( انشالله اليوم ان سهرنا ) شرح مفصل له .

 

[S500]

جميع الاسهم المذكوره غير شرعيه

 

[ازعاج]

mace

tbus

tasr

 

[الدانة]

ما شاء الله عليكم ..

الحمد لله اخذت سهم tasr الي الأخ ازعاج كاتبة و الحمد لله كتب لي ربي رزق فيه كويس

تصدقون لما قريت موضوع aldn و الأخ s500 كاتب عنه انه اسرائيلي انزعجت لأني طلعت منه خسرانه 2000 $

لكني قلت عند الله خير

و بسرعه سبحان الله دخلت في سهم المضاربة tasr و اربحت فيه خلال ساعة واحده ضعف اللي خسرته

الحمد لله ... من ترك شيئا لله عوضه بما هو افضل منه

مشكورين على التجاوب و الى المذيد ان شاء الله

 

[الدانة]

UP

 

[امواج]

السلام عليكم ورحمة الله تعالى وبركاته
يا جماعة الخير قولوا لي اذا قررتوا انكم تشترون سهم وتبيعونه في نفس اليوم ... كيف تتابعون السهم حتى تشوفون اذا ارتفع او نزل .
انا خلاص سجلت حساب عند الاوسط وناوية ابتدي في اسهم البيني ستوك ... والله الله في اختكم تراني مبتدئة وعلى يدكم بتكون أول صفقة .... والله كريم انشاء الله

 

[الدانة]

اوخيتي أمواج ... هلا و سهلا بيك في عالم المخاطرة ( الأسهم )

بالنسبة للشراء و البيع في نفس اليوم واو بعد ساعة أو اثنتين هذي يسمونها مضاربة و هي فعلا خطيره يعني فيها رسك كبير جدا ... لكن فيها ايضا ربح حلو ..

يعني يمكن تربحي بعد ساعة 2000 $ و بعد اشوي تخسريها و فوقها 2000 $ ثانية ...

لابد ان تكوني صاحبة قلب حديد ... تتقبل الخساير .. لابد انك تكوني متابعة السهم زين و تحركاته في الارتفاع و النزول علشان تحددي نقطة اشراء و البيع ..

اسهم البني ما تنفع للمضاربة اليومية ... يمكن الأسبوعية أو كل اسبوعين يمكن ... و مو كلها بعد ... يعني فيه اسهم بني تاخذيها مضاربه اذا ما بعتي بخسارة يعني رايحة تفقص بعد شهر أو أكثر ...

المضاربة في رايي لا تصلح إلا مع اسهم الشيوخ فوق 20 $ لأنها سريعة التذبذب
و لابد من القناعة فيها ... يعني 20 سنت أو 30 سنت و الخروج بعدها على طول .
و كذلك لابد من القبول بالخسارة .... و البيع بالخسارة بعض الأحيان حتى يتوفر الكاش دائما ....
مراقبة 6 اسهم كويسه ذات تذبذب كبير 1 $ أو 2 $ يكون افضل حتى يمكن التحرك في البيع و الشراء .


ان شاء الله اكون ما كثرت كلام زي الحريم ...ههههههههههه
و ان شاء الله يكون كلامي مفيد ....

و ارجوا ممن لديهم خبره في المضاربة تصحيح كلامي ... و ابداء رأيه للفائدة


على فكره انا لسه اضارب في سهم Tasr بس ما يعني اني ارشحه لكم ...

 

[Abu Faisal]

اليوم عليكم بosip للمضاربه السريعه

 

[امواج]

السلام عليكم ورحمة الله تعالى وبركاته
اختي ....الدانه
اشكرج جدا على ردج السريع ... وبصراحة اسعدني جدا كلامج لاني ما عندي استراتيجية معينة امشي عليها .... انا اعرف ان الاسهم فيها ربح وخسارة خصوصا المضاربة اليومية ... بس المبلغ اللي ابتدي فيه صغير أقل من الف دولار ... يعني ابي اسهم اراقبها يوم او يومين وابيعها على طول ... ولو ابيعها في نفس اليوم يكون احسن بعد ...
على يدج ... انا بامشي علة توجيهاتج لاني ما اعرف وابي اتعلم .
بي ابي اعرف اذا اشتريت سهم ... كيف أتابعه؟
هل في موقع اقدر اتابع السهم فيه او برنامج ؟؟؟؟

وجزاكي الله كل خير

اختج امواج

 

[الدانة]

عزيزتي أمواج ...

المبلغ اللي حددتيه ما ينفع في سوق الأسهم الأمريكية للمضاربة لأنه صغير جدا ..

اذا تبي تدخلي بهذا المبلغ يبي لج تشتري اسهم بني ستوك طايحة يعني سعرها 0.0001 $ و تتركيها فترة طويلة بأمل انها ترتفع إلى سنت مثلا .. أو أكثر أو اقل ... و تنسين ان عندج اسهم ..

تمنياتي لج بالتوفيق

 

[امواج]

عزيزتي الدانه

انا دخلت بهالمبلغ الصغير لاني مبتدئة ... وابي ابتدي شوي شوي ... وناس وايد بدو اقل مني .. من الصفر .
انا ما ابي ادخل بمبلغ كبير الا اذا عرفت وتعلمت على المضاربة بالاسهم وصرت محترفة مثلج يا عزيزتي.

بس لين الحين ما جاوبتيني على سؤالي ... اشلون اتابع السهم اذا اشتريته؟؟؟

واشكرج جدا ... بصراحة انتي تبردين القلب ... ردودج سريعة على اجاباتي والا العادة انتظر يومين ثلاثة لحد ما احصل الاجابة
الاخوان في المنتدى - الله يعطيهم العافية - مشغولين وايد ومب فاضيين حق وحدة مبتدئة مثلي أسئلتها واااايد , وبعضهم نصحني اني ما اشتغل في الاسهم من البداية .
بس انا مصممة اني اتعلم واعرف كل شي عن الاسهم وأشتغل فيها ... والله كريم انشاء الله ... وخلكم معانا.

اختج امواج

 

[الدانة]

عزيزتي أمواج

يمكنك متابعة اخبار اسمك في الياهو و فيه مواقع اخرى يمكن الأعضاء الباقين يفيدنج فيها ...

انا ما اعرفها لأني مضاربة و لست مستثمرة ... يعني اللي يهمني حركة السهم اليومية و ليس اخباره و وش سوت الشركة ..

فيه كتاب حلو يمكنك التعلم منه كيفية كتابعة السهم من خلال الشارت حقه

http://**********.com/vb/showthread.php?threadid=53687&highlight=%DF%CA%C7%C8

اتمنى انج تستفيدي منه

 

[المهند]

اليوم عليكم بosip للمضاربه السريعه

السلام عليكم ورحمة الله
اخوي ابو فيصل صراحة حركة السهم هذا اليوم اكثر من ممتازه
ياليت ولا عليك امر تبين لنا كيفية البحث عن اسهم مشابهه وذات تذبذب عالي
وشكرا

 

[الدانة]

مشكور يا ابو فيصل على هالسهم ...

بس تدري و الله ما قدرت اشتري فيه من الخوف مرتفع 40 $ قلت هذا نزلته قوية يمكن .... لأني ما ادري ليش ارتفاعه الكبير هذا ...

بس ان شاء الله صار فيه اعضاء اقوي مني قلب و اكثر شجاعة و استفادوا منه ..

مشكور مرة ثانية ...

 

[Abu Faisal]

العفو والله السهم يخوف
وبكره شوفو كيف التغير راح يكون

 

[Abu Faisal]

السلام عليكم ورحمة الله
اخوي ابو فيصل صراحة حركة السهم هذا اليوم اكثر من ممتازه
ياليت ولا عليك امر تبين لنا كيفية البحث عن اسهم مشابهه وذات تذبذب عالي
وشكرا

والله فيه كذا طريقه ممكن عن طريق موقع النازداك يعطيك الاسهم العشره الاكثر ارتفاع
او عن طريق بعض مواقع الاسكننق زي
http://www.trade-ideas.com

 

[alslaaam]

جميع الاسهم المذكوره لم تتجاوز فلتر ابوهاني

اذن لماذا تتدوالونها ؟ هل هو عدم اقتناعكم بفلتر ابوهاني ؟ او انكم لاتمانعون بتداول الاسهم المحرمه!!!

اتمني السبب الاول..لان ابو هاني ( جزاه الله خير) انسان.. والانسان يخطي ويصيب.

واذا كان كذلك فماهي الطريقه التي اتبعتوها لتحليل هذه الاسهم ؟

ارجو الافاده جزاكم الله خير
والله يرزقنا واياكم الرزق الحلال

 

[Abu Faisal]

جميع الاسهم المذكوره لم تتجاوز فلتر ابوهاني

اذن لماذا تتدوالونها ؟ هل هو عدم اقتناعكم بفلتر ابوهاني ؟ او انكم لاتمانعون بتداول الاسهم المحرمه!!!

اتمني السبب الاول..لان ابو هاني ( جزاه الله خير) انسان.. والانسان يخطي ويصيب.

واذا كان كذلك فماهي الطريقه التي اتبعتوها لتحليل هذه الاسهم ؟

ارجو الافاده جزاكم الله خير
والله يرزقنا واياكم الرزق الحلال

اخوي لبو هاني فيه الخير والبركه
والفلتر ممتاز جدا
ولكن ترى موضوع الشرعيه موضوع فيه خلاف كبير
يعني فيه شيوخ يحرمون التجاره بالاسهم اجمالا
وفيه ناس تقولك شيك على النشاط والفائده الي تدفعها
وناس تقول......... الخ
غير ان المسلمين مذاهب مختلفه
وكله اجتهاد