ل عديمي المجاملات...شلون الكابريس Ltz

[mr_stroker]

أهلي وعزوتي وتاج راسي...

منتسبي مزادنا العامر...

حبيت أسئلكم شلون إستخدام الكابريس ltz من 2004 إلى 2006

v8

وشلون صرفيته للبانزين وخراباته؟؟

مع العلم إنه إستخدامي وايد ناعم مع السيارات
((أحب أحافظ))


وللخبراء حبيت أعرف شنو الفروق بين ال 2004 و2005 و2006

أتمنى تثلجون صدري بردودكم وخبراتكم

أخوكم:حسين

قواكم الله

 

[BADR-1]

من وجة نظري(فاشلة)خرابات

 

[q82007]

قوه عزم يقابلها تصنيع ردئ

 

[bo7amad-q8]

نصيحه حق كل واحد يبي يشتري كابرس او لومينا من موديل 2000 الى 2009
اول شي اهي مو اسمها كابرس ولا لها اي دخل بشركةشيفروليه اهي سياره استراليه اسمها هولدن ومن افشل السيارات الموجوده يعني تقدرتقارنها بالسيارات الصينيه او الكوريه يعني مش حالك
ومن ناحية الامان فاشله ومن ناحية الاستعمال اليومي يعني الكراف هم فاشله لانها بعد سنه من شرائها من الوكاله راح تسمع فيها اصوات ماسمعتها بددسن موديل 80
ودش على مصنع شيفروليه للتاكد ماراح تلقى عندهم شي اسمه كابرس او لومينا لانه هالسيارتين انقطعت صناعتهم من 97 والوكالات بالخليج مشو علينا هالسياره وقالو لنا انهم كابرس ولومينا ونصيحه لك ياخوي اسلم على فلوسك وصحتك

 

[rachelsteak]

mako 3la AUDI

 

[مـشـرف]

ياشباب انا عندى كابرس موديل 20004 وماشالله من متى وأهى عندى يمكن عندى من سنين انا اسوقها والسايق كل يوم الصبح يرووح المدارس والحين عندى ياها من احسن مايمكن

ويعطيكم العافيه

 

[بو حسن22]

بوضح شغبه من خلال دراستي العمليه في التجاره بانواعها

الكابرس من مصنعها ؟؟
ج: شركة جنرال موترز طيب هذي الشركه صارله 6 سنين وهي تخسر وسيارتها من ردي لاردى..واتمنى انك تبعد عنها

 

[Confused]

انا استخدمت السياره وماشفت احسن منها من حيث الثبات والقوه .. واقتصاديه بنزين بشكل ممتاز..

استخدمت موديل ٢٠٠٤ ltz ثمانيه سلندر .. حراره وبطيخ .. مافيه نهائيا ..

بصراحه .. تسلم الشركه على هالانتاج ..

سياره واسعه .. وشكلها روعه .. وقطع غيارها رخيييييييييص .. سفايف وغيرها ... واي شخص يقدر يصلحها ..

٢٠٠٤ = ٢٠٠٥ = ٢٠٠٦

نفس الشي بس فرق السنوات ..

السياره ترفع الراس .. فزززززززه ودوووس .. وثبااااااات .. وانسيابية شكل .. "ماتفشل" عند ويهك

الامريكي بشكل عام لو انه موديل ٦٠ ... كد ومد ..

واللي مايعرف الصقر يشويه ...

استعملتها مدة سنتين واستعمالي مو محافظه واحترام .. كنت هاين الموتر وعطاني اللي ابيه ..

 

[Confused]

بوضح شغبه من خلال دراستي العمليه في التجاره بانواعها

الكابرس من مصنعها ؟؟
ج: شركة جنرال موترز طيب هذي الشركه صارله 6 سنين وهي تخسر وسيارتها من ردي لاردى..واتمنى انك تبعد عنها

عطني دليل واضح انه الشركة قاعده تخسر ..

سمعتها في ازدياد ..

وجودة في الانتاج ..

حاليا عندي سلفرادو .. وماشاءالله

}--} يحب هالشفرولية كله

 

[mr_stroker]

من وجة نظري(فاشلة)خرابات

أحترم وجهة نظرك بس ياريت توضح شنو الخرابات ؟

 

[mr_stroker]

قوه عزم يقابلها تصنيع ردئ

أشكرك على إبداء رأيك...

 

[mr_stroker]

نصيحه حق كل واحد يبي يشتري كابرس او لومينا من موديل 2000 الى 2009
اول شي اهي مو اسمها كابرس ولا لها اي دخل بشركةشيفروليه اهي سياره استراليه اسمها هولدن ومن افشل السيارات الموجوده يعني تقدرتقارنها بالسيارات الصينيه او الكوريه يعني مش حالك
ومن ناحية الامان فاشله ومن ناحية الاستعمال اليومي يعني الكراف هم فاشله لانها بعد سنه من شرائها من الوكاله راح تسمع فيها اصوات ماسمعتها بددسن موديل 80
ودش على مصنع شيفروليه للتاكد ماراح تلقى عندهم شي اسمه كابرس او لومينا لانه هالسيارتين انقطعت صناعتهم من 97 والوكالات بالخليج مشو علينا هالسياره وقالو لنا انهم كابرس ولومينا ونصيحه لك ياخوي اسلم على فلوسك وصحتك

ماقصرت على الرد والتوضيح والتحذير من عيوبها

 

[mr_stroker]

ياشباب انا عندى كابرس موديل 20004 وماشالله من متى وأهى عندى يمكن عندى من سنين انا اسوقها والسايق كل يوم الصبح يرووح المدارس والحين عندى ياها من احسن مايمكن

ويعطيكم العافيه

أولا حبيت أقولك الله يعطيك خيرها ويكافيك شرها

ثانيا أشكرك على توضيحك حق إستخدام الكابريس

 

[AL MUTAIRI]

السلام عليكم

مساك الله بالخير اخوي

انا كنت بالأول مثلك اسئل هذا واستشير هذا
والبعض مدحها لي والبعض ذمها

والحمدلله بفضل الله اخذت لي كابرس الـ ltz 2006
نظيف ومحركاته ممتازه
وصارلي اسبوعين من شريته
والحين السياره صارلها مايقارب 5 ايام بالوكاله

ودخلتها الوكاله بخصوص مشكله بعداد الكيلومترات واقف مايتحرك
وهي مشكلة اكيد برمجة الكمبيوتر
وقلت لهم انه فيه صوت بالأمام ( وأتوقع انه البوبرنغ )
قالي راح نفحصها شامل (( لأنه سيارتي على الكفالة مازالت ))

ولما كلمتهم قالوا انهم حصلوا احد كراسي المكينه خربان وبدلوه
وان شاءالله على السبت او الاحد اسلتم سيارتي
ويمكن يبدلون البوبرنغ اذا الصوت منه

عموما كل المذكور فوق كرسي مكينه وبوبرنغ وبرمجه على الكفالة ماادفع شي
وخدمتهم ممتازه لسيرفر والصيانه لكن عيبهم شوي يطولون وهذي عاديه

وبخصوص استخدام السياره
للأمانه السياره ناعم بالخط
وثباتها ممتاز
لأنه صادفني موقف بسيط على الخط السريع اول مااخذتها
ولما حذفت السياره لجهة اليسار لأنه طلعت بوجهي سياره
كان الموتر ثابت وحذفته ناعم بعكس بعض السيارات

والعزل بالسياره لا بأس فيه
يعني تسمع صوت بسيط جدا (( طبعا على حسب الشارع الي تمشي عليه ))
بعض الشوارع ماتسمع شي

عزم السياره وقوتها مايحتاج اتكلم

وبخصوص صرفية البانزين
مااقدر افيدك حيل لأنه السياره استخدمتها تقريبا 6 ايام او 8 ايام
لكن لما ترست البانزين وكان فل العداد
اتوقع مشاني بحدود 400 الي 420 كيلو لي التعبيه الثانيه
طبعا انا مشاويري كثيره وامشي فوق 130 ابي 150

وطبعا العداد مانزل تحت الربع
يعني يمشيك اكثر

ونصيحتي لك اخوي

لا تسئل احد ولا تستشير أحد
اذا عاجبك الموتر
صل صلاة الأستخاره
واذا ارتحت لسياره توكل على الله واشترها

لأنه مع أحترامي لبعض الناس يتكلم بدون خبره ولا جرب السياره
بس يسمع فلان وعلان
وانا اعرف ناس يتسخدمون الكابرس صارلهم فوق 6 سنوات ماعمرهم اشتكوا من شي

واعطيك ابسط مثال بخصوص الناس الي تسمع فلان وعلان

سئلت بالديوانيه الشباب عن الموتر
جان ينقز واحد ويقولي انحش عنها
سئلته ليش ؟؟؟؟

قالي تعرف فلان اخو فلان الفلاني
قلت له ايه !!
قال عنده كابرس 2004 يبي يبيعها وماقدر يبيعها ..!!!

بالله هذا سبب عشان مااشتري السياره ؟؟

بالأخير أخوي
انا كنت مثل حالتك وقطيت كلام الناس بالبحر ورحت شريت السياره

وصدقني ماكو سياره كامله
كل سياره لها مميزات وعيوب

وان شاءالله اني قدرت أفيدك ولو بشي بسيط

 

[mr_stroker]

المطيري

نعم التفصيل ونعم التصرف
الله يعطيك ألف عافيه على مشاركتك

وصج شرح وافي ودقيق

أشكرك على توعيتك لي ومحافظتك حتى حق أدق التفاصيل

**تاج على راسي**


منها للأعلى ويارب أرد لك الخدمه

 

[مكتتب]

اذا تبي نصيحتي انا انصحك بانك تاخد فورد بدالها

راح تقولي ليش

راح اقولك

قطع غيار ارخص

ومتوفرة في السوق

اما الكابرس راح تحرقك بقطع الغيار

لان انا عندي اثنينهم

كابرس و فور د لكن بعدين قررت اني ابيع الكابرس واخذ فورد

راح تسالني وتقوول ليش عنك سيارتين
راح اقولك وحده لي ووحده لزوجتي


هذي كانت تجربتي

لكن لامر يرجعلك

 

[mr_stroker]

مكتتب

أشكرك من صميم القلب

وأحترم وجهة نظرك

بس في وايد ناس تمدح الكابريس...

وتفضلها على الفورد

ممكن أعرف شنو خراباتها الإعتياديه؟؟

وليش حرقتك

وبشنو أفصل منها الفورد

وياريت الي يعرف يشاركنا برايه

وقواكم الله حبايبي

ومشكورين على نصايحكم الغاليه

الله يعطيكم ألف عافيه

 

[bahry_y]

انا عندي كابرس بصرااحه سيااره حلووه وتستاانس فيهااا بس والله ماااااافيهاا ثبااات كلش وقبل جم يووم دعمت فيهاا من وراا الثباات.... والخرباات ماكوو غيير الاشيااء الاستهلااكيه واخترب عندي المترجم وسعره يديد اصلي ب 35 دينار

 

[AL MUTAIRI]

الله يعافيك

واخوي بخصوص الفرق بين موديلات 2004 الي 2006

الـ 2006 يجي سنسير خلفي
والأبر مالت الأعدادات لونها أبيض
هذا الأختلاف الي شفته
ويكون أقل مشاكل

وعزيزي مدامك انت شخص محافظ واستخدامك استخدام حشمه

توكل على الله ودور لك واحد نظيف
والاسعار 2006 من 3300 الي 3700
على حسب النظافه

بس ماوصيك دور لك واحد على الراحه
انا قعدت شهر كامل على ماحصلت لي سياره

ومبروك مقدما

 

[ابو_نايف]

السلام عليكم
اخوي عنده الفين واربعه
ودعم عليه حادث بسيط ومن بعدها قاطه قدام البيت ومايحركه تعوكس وياه
ومره قير ومره كهرباء يعني تقعد منه
فا ما انصحك انا وثاني شي الشفر ثقيل وان بطل حلجه بطل حلجه
وتقبل مروري اخوك ابو نايف