ديوانيه مبارك الدويله ...

[ابو ريتاج]

مرحبا ياشباب .. واشلونك .. بغيت منكم خدمه بسيطه ..

وين مكان ديوانيه مبارك الدويله( العنوان بالضبط).. ومتى يقعد واوقاتها .. وبيض الله وجيهكم

 

[yh7yh]

بالعمريه بس العنوان بالظبط ماعرفه

انت تعرف ديوان الخرينج

بيت الدويله وراه بالظبط

 

[ابو ريتاج]

الله يعطيك العافيه ..ياليت الشباب اهل العميريه يدلونا المكان او يعطونا الوصف ...

 

[(فزاع)]

تخلي مخفر العميريه يسارك .. تمشي سيده لـ نهاية الشارع .. راح تلقى ان نهايته تكون حرف الـ t .. اخذها يمين .. اول بيت بويهك بالرآس ..
وهذا اهو ديوانهم من اسنين .. من ايام الشايب رحمة الله عليه ..
اما بخصوص يوم دوانيتهم اعتقد ان ما خاب ظني يوم الاحد او الثلاثاء ماني متذكر ..
المشكله ان الوقت متآخر ولا جان دقيت عليهم ..

دمت بود ..

 

[ابو ريتاج]

كفيت ووفيت يافزاع وبيض الله وجهك... بس مبارك يقعد هناك....

 

[بور-صا]

حسب سئوال احد الاصدقاء بومعاذ تحصله موجود انشاءلله والديوانية يوم الاحد على ماعتقد

 

[ياسر الروقي]

نعم الاحد وتعال بين الصلاتين راح تاخذ راحتك معاه ان لقيته

 

[(فزاع)]

كفيت ووفيت يافزاع وبيض الله وجهك... بس مبارك يقعد هناك....

مبارك واخوه العضو والوزير .. كلهم تلقاهم بالدوانيه ..​

 

[coooool2]

تخلي مخفر العميريه يسارك .. تمشي سيده لـ نهاية الشارع .. راح تلقى ان نهايته تكون حرف الـ t .. اخذها يمين .. اول بيت بويهك بالرآس ..
وهذا اهو ديوانهم من اسنين .. من ايام الشايب رحمة الله عليه ..
اما بخصوص يوم دوانيتهم اعتقد ان ما خاب ظني يوم الاحد او الثلاثاء ماني متذكر ..
المشكله ان الوقت متآخر ولا جان دقيت عليهم ..

دمت بود ..

زين فزاع ابسألك ..

تعرف ديوانيه مسلم البراك ؟

ضيف الله بو رميه مسكين كسروا ديوانيته ..

مخفر العميريه وين بالضبط ؟

اذا عندك عنوان ديوانيه الدويله دزلي اياه بالخاص .. يعني قطعه و شارع و جاده و منزل

 

[(فزاع)]

زين فزاع ابسألك ..

تعرف ديوانيه مسلم البراك ؟

ضيف الله بو رميه مسكين كسروا ديوانيته ..

مخفر العميريه وين بالضبط ؟

اذا عندك عنوان ديوانيه الدويله دزلي اياه بالخاص .. يعني قطعه و شارع و جاده و منزل

ما اعرف عنوانه بالضبط .. بس اعرف الشباب اهناك كنا نقعد بدوانيتهم .. وهالدوانيه من ايام الشايب الله يرحمه ..
اما وين مخفر العميريه .. ورا الجمعيه .. بالضبط ..
بخصوص ديوانية مسلم البراك وبورميه اثنينهم بالاندلس ..
وبعدين بو رميه صحيح انه كسروا دوانيته - الخارجيه - ،، بس دوانيته الداخليه مبطله .. وللأمانه شهادتي ببوخالد جدا ً مجروحه ..
اما دوانية مسلم البراك .. شفت مكتبة السنافر اللي بالاندلس ..؟
تآخذ الفرعي اللي قبلها .. تمشي سيده لـ ما ينتهي فيك الشارع راح تلقى ان الشارع يكسر فيك ويجبرك تآخذ يسار .. البيت اللي بالراس اهو بيت مسلم البراك ..
اتمنى اني قدرت افيدك ..

دمت بود ​

 

[ابو ريتاج]

لاهنت يافزاع ...عزالله اسما على مسمى.....

 

[(فزاع)]

احاجيك بو ريتاج .. لايكون تبي تروح حق مبارك علشان تسآله عن سهم منا قابضه ..؟ ​

 

[ابو ريتاج]

ههههههههههه.... لا وانت الصاج ..لاقيه بمكان وكلمته بموضوع يخصنى وعزالله ابو معاذ ماقصر قالى ابشر بس تعالى فى الديوانيه وابشر بلى يسرك....بينى وبينك مااعرف مكان ديوانيته واستحيت اقوله وين ديوانيتك ...وهذا اللى خلانى افزع بكم يافزاع.

 

[(فزاع)]

ههههههههههه.... لا وانت الصاج ..لاقيه بمكان وكلمته بموضوع يخصنى وعزالله ابو معاذ ماقصر قالى ابشر بس تعالى فى الديوانيه وابشر بلى يسرك....بينى وبينك مااعرف مكان ديوانيته واستحيت اقوله وين ديوانيتك ...وهذا اللى خلانى افزع بكم يافزاع.

ان شاءالله ربي يحققلك كل شي بخاطرك وكل شي تبيه .. بأسرع وقت ..!
راح ادعي ربي بهالمسا .. انه يحققلك مرادك .. اللهم امين يارب ..

دمت بود ..​

 

[ابو ريتاج]

جزاك الله خير .....

 

[duwailah]

ماشاء الله الاخ فزاع اعطاك وصف دقيق للبيت ..
والعنوان العمريه ق5 ش1 م1
اليوم بأذن الله بعد صلاه العشاء تلاقي الاخ بومعاذ موجود ان شاء الله وكذلك الوزير بدر والعضو ناصر بالدوانيه وكذلك السكرتاريه ايضا متواجدين ..
والله يوفقك ياخوي ويسهل لك امورك ..