شركة مجموعة الصفوة ش.م.ك مقفلة قابضة ( الصفوة ) ....6

[alherz]

يا جماعه انا شاري السهم ب97 فلس ابيع ولا انطر
لانه سارله بالحد الادنى اسبوع افيدونا وجزاكم الله خير

والله يا خوي انا ماخذه وياك ب 97 وكنت محتار ابيع ولا ما ابيع بس الصراحه اليوم سكر السهم على 59 يعني خسرانين انا وياك 38 فلس تقريبا 40% من القيمه اللي ماخذينها فالبيع الحين برايي خطا انا قررت احتفظ بالسهم لين تتحسن الاوضاع و لو ينزل السهم بعد ( الله لا يقول) ماراح ياثر ويانا وايد وعتبر نفسك مكتتب بالشركة وراح تدرج بعد سنتين ولاطالع السوق الا بعد ما يتحسن الوضع
واحنا عادة اذا قالوا في اكتتاب بشركة اخذنا بطاقات و ما خلينه احد ما قلنا له عطنه بطاقتك ابي اكتتب لا ويعطونك 300 سهم انت الحين ما خذ اسهم اقل من سعر الاكتتاب انساهم انا اقول احسن و الراي بالاول و الاخير لك والله يرزقنا و يعوض علينا وعليك و على ملاك السهم بالمستقبل ان شاء الله

 

[rahaly]

رحالي
يعني إذا تبي تبيع
تقول اخذو السهم وفوقه 20 فلس :d​

مو يبيعون سيارات على اقساطها .... وساعات يقولك ادفعلك قسطين مقدم؟؟

 

[moooll123]

استبشرنا بالخير
لما شفنا المؤشر اخضر
وقمنا شرينا عشان
نعوض الخسائر شوي
شرينا الصفوة
ب 79 فلس
عشان السهم طاير
لكن مع الاسف الشديد
خاب ظننا
والحين السهم
اقل من ستين فلس
لاحول ولاقوة إلا بالله
وانا لله وانا اليه راجعون
وحسبنا الله ونعم الوكيل​

 

[ابونوره2008]

هل يعقل راح تصير بورصتنا اسعارها 50 فلس واقل ؟!؟!؟!؟


والله مصيبه

 

[damei67]

زينه

هل يعقل راح تصير بورصتنا اسعارها 50 فلس واقل ؟!؟!؟!؟


والله مصيبه

هالاسعار زينه حق عيالنا احنا راحت علينا

 

[الاوربي]

هالاسعار زينه حق عيالنا احنا راحت علينا [/Q



هههههههههههههههههههههههههههههههههههههههههههههههههههههه

راعي طويله

 

[خبير النفط]

خطأ على قولة صاحبنا..

كل ربع يقاس بالربع نفسه بالسنه إللي فاتت وإذا تبي السالفه أدق تاخذ السنه إللي قبلهم بعد بنفس الربع ولازم تكون النسبه بنمو متواصل من 20% إلى 25% كل سنه مع إلي قبلها...(لكي لا تظلم الشركة بسبب الموسميه)....(يعني إذا كانت مثلا شركة طيران مو معقوله أرباحها بالصيف نفس لشتى.)

ويالحبيب أنت مقارب نصف السنه ب الربع الثالث!! شوف إللي بالأحمر فوووووووق شلون نقارن أرباح 6 أشهر ب 3 أشهر..

إلا إذا كنت تقصد الربع الثاني بالثالث هم ما يصييير والسبب مولازم كل شي تعرف بس طولت عليك... حبيب

القصد الى ابى اقوله بالعربى الشركه كانت ربحانه فى ال.... 6 شهور الولى 38 مليون و فى نهايه ال... 9 شهور اصبحت الارباح 23 مليون يعنى ماربحوا شىء فى اخر 3 شهور من التسعه لا وبعد خسروا من ارباح ال... 6 شهور الاولى واذا قلنا من نهايه شهر 9 الى اليوم الاسهم كمعدل خسرت 50% من قيمتها السؤال كم بقى من الارباح ؟
ما ابى اضيق اخلوقكم لاكن الحقيقه المره اذا ما تعدل السوق الله يستر من الشركات الى ارباحها تعتمد على القيمه السوقيه لمحافظها .

 

[عصويد]

القصد الى ابى اقوله بالعربى الشركه كانت ربحانه فى ال.... 6 شهور الولى 38 مليون و فى نهايه ال... 9 شهور اصبحت الارباح 23 مليون يعنى ماربحوا شىء فى اخر 3 شهور من التسعه لا وبعد خسروا من ارباح ال... 6 شهور الاولى واذا قلنا من نهايه شهر 9 الى اليوم الاسهم كمعدل خسرت 50% من قيمتها السؤال كم بقى من الارباح ؟
ما ابى اضيق اخلوقكم لاكن الحقيقه المره اذا ما تعدل السوق الله يستر من الشركات الى ارباحها تعتمد على القيمه السوقيه لمحافظها .

صاج أخوي خبير ياجماعه أحد يعرف الشرهان ينصحه لايفسفس أفلوس الشركه خلوه يمتنع من شريات الاراضي لايوهقنا ترانا دبسنا بصفوه اليوم الله يستر..تكفون قولوله الكاش اشتر فيه اسهم الخزينه ولا حطه وديعه حسبي علي شيطانه.

 

[barbarian]

القصد الى ابى اقوله بالعربى الشركه كانت ربحانه فى ال.... 6 شهور الولى 38 مليون و فى نهايه ال... 9 شهور اصبحت الارباح 23 مليون يعنى ماربحوا شىء فى اخر 3 شهور من التسعه لا وبعد خسروا من ارباح ال... 6 شهور الاولى واذا قلنا من نهايه شهر 9 الى اليوم الاسهم كمعدل خسرت 50% من قيمتها السؤال كم بقى من الارباح ؟
ما ابى اضيق اخلوقكم لاكن الحقيقه المره اذا ما تعدل السوق الله يستر من الشركات الى ارباحها تعتمد على القيمه السوقيه لمحافظها .

أتوقع الارباح كلها تبخرت ويا خوفي في الربع الرابع يدش بالـخساره

انت صح 100%

الارباح محسوبه الى نهاية شهر 9

ومن شهر 9 الى الآن الاسهم خسرت أكثر من نص قيمتها

يعي الارباح بح بح بح

 

[D.NeT]

الصبر مفتاح الفرج

اصبروا ولا تبيعون راح ترتفع ان شاء الله بس الصبر زين

 

[بو فلاح]

alherzمشكور على النصيحه وشكلي بنطر ننساه سنه مثل الاكتتاب وجزاك الله خير

 

[damei67]

غصب مو طيب

هالاسعار زينه حق عيالنا احنا راحت علينا [/q



هههههههههههههههههههههههههههههههههههههههههههههههههههههه

راعي طويله

هههههههههههههههههههههههههههههههههههههههههههههههههههههه اخوى يا الاوربى راعى طويله صارت غصب مو طيب

 

[الفال الطيب]

الى المحللين , نبي تحليل للسهم ..؟؟.

 

[ابو راشد الواصل]

الى المحللين , نبي تحليل للسهم ..؟؟.

عزيزى الفال الطيب كيف حالك

السهم حاليا ليس لديه تحليل فنى لانه فى اتجاه هابط

وفى تصحيح لانه السوق ما يساعد حاليا

الانتظار الى ما يستقر وضع السوق ويهدء الوضع

وبعدين لكل حادث حديث

 

[أسد سليمان ملك]

عزيزى الفال الطيب كيف حالك

السهم حاليا ليس لديه تحليل فنى لانه فى اتجاه هابط

وفى تصحيح لانه السوق ما يساعد حاليا

الانتظار الى ما يستقر وضع السوق ويهدء الوضع

وبعدين لكل حادث حديث

كلام رائع يامميز


حقيقه انك جبتها بالملي الله يجزاك خير

 

[ابو راشد الواصل]

جزاك الله خير يابو سليمان اقول احنا ماسوينه

شى يا اسد وانشاء الله يتحسن حال السوق ويصعد السهم

ويرجع حق الناس فلوسها بس بصراحه سهم ممتاز وعنده ارباح

زينه بالنسبه الى سعره ونشاء الله يصعد

 

[ahmed7667]

ياجماعة فيه احد عنده توقعات لتوزيع الارباح

 

[D.NeT]

ياجماعة فيه احد عنده توقعات لتوزيع الارباح

مستعجل على ارباج .

اصبر للحين ما دخلنا بالربع الرابع علشان يعلنون توزيعه ارباحهم .

الصبر مفتاح الفرج وان شاء الله اربحها طيبه

 

[ahmed7667]

مستعجل على ارباج .

اصبر للحين ما دخلنا بالربع الرابع علشان يعلنون توزيعه ارباحهم .

الصبر مفتاح الفرج وان شاء الله اربحها طيبه

الله يهداك والله شاد حيلك انت
ندري انه فيه ربع رابع وعلي فكره تري باقي علي آخر السنة 45 يوم
وفية شركات واجد تعلن قبل لاتنتهي السنة
وسع صدرك وسع صدرك

 

[مضارب عقاري]

تفائلوا بالخير تجدوووووووووووووووووه