شركة فيفا وتخبطها بالتوزيع

[lawyer_9]

مساء الخير يا اخوان موضوعي بخصوص شركة فيفا للاسف فيها ناس اخذوا ارقام وبعد كم يوم اتضح ان الارقام الي حجزوها ليست موجوده باسمهم وانا واحد من هالناس يا اخوان حجزت واليوم اتصلت اشوف الحجز رد علي موظف وقالي لايوجد حجز باسمك وهذا يعود للاسف علي التخبط الحاصل عندهم ويا اخوان الي حجز يتاكد ان الرقم انحجز باسمه او راح لاحد ثاني

 

[محمدالعجمي]

اخي انا بالنسبه لي حجزت عن طريق النت <--- طبعا بعد جهد جهيد


والميزه بالحجز بالنت انهم يرسلون لك رقم الحجز (( وتقدر تحجهم فيه )) + الرقم الي حجزته <-- علشان مايصير لهم عذر


ياريت كل شخص حجز يتأكد من رقم الحجز ورقم الهاتف



اما بالنسبه للاخوان الى حجزو عن طريق المجمعات التجاريه والموزعين ،، يمكن الموظف مادخل البيانات ربما يكون متعمد لانه يبي الرقم او انه يكون نسى من شدة الزحمه

والله اعلم

 

[lawyer_9]

وصلني بريد منهم اول ما حجزت وكلمت الموظف وقالي مادري بصراحه قلت انا عندي برنت بالموافقه شلون راح لغيري

الله اعلم

بس للعلم يا اخوان تاكدو بالحجز

 

[مليونير بعد سنه]

انا سجلت اول ما افتحو السيستم ودزولي مسج على تلفوني الساعه 10 الصبح




وبالليل حجزت ودزولي ايميل تم الحجز


وكذا واحد اعرفه

حجز ودزوله ايميل برقم الحجز


انا اشوف ان شغلهم جدا حلو بس الموقع سيرفره داون من الضغط

 

[ahmadm]

تم التأكيد بالارقام المحجوزه وكلهم بإسمي واسم الاهل
وشغلهم مظبوط 100%

وانتظروا المفاجأت خلال الاسبوع القادم

 

[SFA7_Q8]

شبااب اشلون أتأكد من الحجز؟؟؟؟
ظروووري أحد يرد علييي

 

[بويوسف 55]

شبااب اشلون أتأكد من الحجز؟؟؟؟
ظروووري أحد يرد علييي

اتصل على خدمة العملاء 55102102 وعطهم الرقم المدنى

 

[محمدالعجمي]

شبااب اشلون أتأكد من الحجز؟؟؟؟
ظروووري أحد يرد علييي

اخوي اذا كنت حجز الرقم من احد الموزعين فأكيد انه عطاك برنت الحجز

فيه رقم الحجز والرقم الى حجزته


واذا كنت حاجز عن طريق الموقع فهم يطلبون منك الايميل ويرسلون لك رقم الحجز على الايميل ـــ وعلى الموبايل <--- للبعض


اما اذا كنت حاجز عن طريق الموقع ولم تضع ايميل فعليك الدخول مره اخرى للموقع وستجد رقم خدمة العملاء


وهذا رابط الموقع www.viva.com.kw


مع خالص التقدير ولاحترام

 

[BU ALI]

حبيب قلبي بس دق عليهم على ( 55102102) وعطهم رقمك المدني والرقم الي حاجزه راح يبين اذا لك أو خذوا منك . سووها معاي حجزت وطلعت برنت يوم دقيت عليهم قالوا ترى الرقم مو لك ........... راح حق واحد ثاني .

 

[KuWaiT DriFT]

مشكور اخوي عالتنبيه

و اللحين بتأكد

 

[fesalll]

اخاف حاجزين باكثر من رقم

على الاسم والبطاقه المدنيه رقم واحد تختار اكثر ايروحون عليك

 

[SMoOoKY]

أخوي تأكد اذا برنتك فيها رقم حجز حقك مايروح بس اذا طلعلك كلمة null يعني لم يتم الحجز...

 

[InUrEyEs]

عدل كلامك اخوى انا اخذت 6 ارقام للبيت كله بس رقم واحد منهم ماعطونى يااهه الظاهر عجبهم

هذا اهو 55000043

راح على

 

[lawyer_9]

انا رقمي طلع مولي بس الباقي الي حجزتهم الاربعه اوكي وقبل شوي راجعت شروط التسجيل فحصلت ان الخط مو اكيد لك خلال فتره الحجز فلا احد يزعل الا بعد التسجيل لان الخط اذا تسجل باسمك بعد الاستلام راح يشترط عليك بالتوقيع بعد البيع خلال مده سنتين والعقد شريعة المتعاقدين اذا راضي اهلا وسهلا واذا مو راضي لا تاخذه هذي معلموه اكيده من احد مدراء الفروع لكي تكون هناك جدية للشراء مع ان الشرط بالمده خلال سنتين كثير نتمنى يعدلونه سنه او اقل

 

[بوزييز]

انا مليت الموقع موراضي يفتح وياي

 

[SFA7_Q8]

دقيت على رقم الخدمة بس وين أحط الرقم المدني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[lawyer_9]

الموفظ راح يرد عليك بس اصبر عليهم شوي

 

[malek]

فيفا أسبانيا
يامعود الله يسترنا منهم

 

[coooool2]

الحمدالله طبعت تفاصيل الحجز على الطابعه

بس اذا قالولي ما سجلنا باسمك..

ارفع عليهم قضيه مع تعويض 5000 دينار ..!!

 

[مليونير بعد سنه]

انا رقمي طلع مولي بس الباقي الي حجزتهم الاربعه اوكي وقبل شوي راجعت شروط التسجيل فحصلت ان الخط مو اكيد لك خلال فتره الحجز فلا احد يزعل الا بعد التسجيل لان الخط اذا تسجل باسمك بعد الاستلام راح يشترط عليك بالتوقيع بعد البيع خلال مده سنتين والعقد شريعة المتعاقدين اذا راضي اهلا وسهلا واذا مو راضي لا تاخذه هذي معلموه اكيده من احد مدراء الفروع لكي تكون هناك جدية للشراء مع ان الشرط بالمده خلال سنتين كثير نتمنى يعدلونه سنه او اقل

لو في شرط سنتين او فتره محدد اكتبوها بلشروط والاحكام بموقعهم ... وبعدين يا اخوان الموظفين الي اتدقون عليهم ترى اعليميه وكل واحد يعطيك جواب من عنده واذا كثرت الاسئله عليه توهق ماعرف يرد وياخبر اليوم بفلوس باجر ببلاش باقي ثلاث اسابيع ويبين شغلهم شلون صاير