السنة هذي ماراح ألبس شتوي وهذا السبب !!!

النجدي2007

عضو نشط
التسجيل
13 مارس 2007
المشاركات
2,754
الإقامة
الكويت مني وفيني
تصدق شكلة هالسنة الجو بارد ان شاء الله
 

الملفات المرفقه:

  • ist2_220469-winter-bloom.jpg
    ist2_220469-winter-bloom.jpg
    الحجم: 29.7 KB   المشاهدات: 457

mrnokia

عضو نشط
التسجيل
20 أبريل 2007
المشاركات
210
يعطيكم العافية كلام الشاطر صح الدشداشة إبخامها و تفصالها كله 7 أو 8 دنانير لا وتحصلون الاسعار في سوق الكويت سوق النافورة عند الخياطين إلي برة السوق عند سوق التتن
 

عقيق يمانى

موقوف
التسجيل
17 أكتوبر 2007
المشاركات
107
الإقامة
الكويت
ياجماعه أنا متعود أقص لي خامات شتوية إنجليزية بس مو غاليه يعني المتر من 6 الى 7 دنانير تقريبا ومرات احصلهم على 5 بعد .

السنه هذي الله لايوريك رحت البلوكات ولقيت نفس الخامات اللي أقصهم صار مترهم من 11 الى 20 دينار ... عسى ماااااااااااشر وين الرقابه ياوزارة التجارة .. خلاص النفط نزل وخلصنا من السالفه الدايخه هذي .

وانا صراحه مالي خلق اقص كشميري بأسبوع يكش

الحين ودي اعرف وين اروح بالضبط ابي لي واحد يبيع خامات انجليزية واسعاره حلوه .

ولا ترى اقعد على الصيفي لو الحرارة تحت الصفر



انا نفسك اخوى ماكوا إلى انفصل من الجليب وانكثر فحم حق المربعانية
:d:d:d:d:d:d
 

M & M

عضو نشط
التسجيل
5 أبريل 2008
المشاركات
444
والله معلومات حلوه عن الخام مشكورين
 

قلب جامد

عضو نشط
التسجيل
11 سبتمبر 2008
المشاركات
221
الإقامة
محروسه ياكويت
بصراحه انا رائي الواحد ياخذ خام صيني ويلبس فوقه جاكيت وهني يكون فصل دشداشه بسعر رخيص وشراله خوش جاكيت هم يفيده اذا سافر برا :)
 

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
اخواني اللي تأيدون الصيني

فيه كهرباء ولا ما فيه
 

ابو غانم

عضو نشط
التسجيل
19 ديسمبر 2003
المشاركات
1,288
تفاعل قوي مع الموضوع .. يعطيكم العافيه والله ... فيه ناس مدحوا لي سوق المباركيه وقالولي انحش من البلوكات تراهم يصلخون صلخ بالاسعار وعلى كيفهم ولا حسيب ولا رقيب .
 

Falcon

عضو نشط
التسجيل
2 مايو 2002
المشاركات
798
الإقامة
Kuwait
خياط و أقمشة بالفروانية
خياط على كيفك و أسعار الخام هم على كيفك ...أنا زبون هذا المحل من 18 سنة وكل معارفي زبائن هذا المحل....

خيط دشداشة أنكليزي سادة 25 دينار للدشداشة طبعا للكشخة ...و دشاديش صينية درجات من 12 دينار الى 15 دينار للدشداشة ......طبع سعر خياطه و خام

رقم تلفون المحل 24725199
 

طويل البال

عضو نشط
التسجيل
21 مارس 2004
المشاركات
315
الإقامة
Kuwait City
السلام عليكم

ودي أضيف معلومه مهمه و هيه القياس

صاقة الخام الصيفي تيي بعرض واحد
و طاقة الخام الشتوي تيي بعرضين

يعني أنا بالصيف 5,5 متر و بالشتا 3,5 متر

وتفصال الشتوى أريح من الصيفي للخياطين مثل ما تفصال الدشداشه للرجل هم أريح من تفصال الولد.


يا جماعه و بقولكم أحلى نصيحه
ظليت سنين أطبق فيها و سارية المفعول بطوال العام و كل العالم

أشتر حق الموسم الياي
يعنى ألحين أشتر الصيفي حق الصيفيه اليايه
و أشتر الشتوي للسنه اليايه بآخر الموسم الشتوي

بسعر راح صج يفرق مع الجميع و من كل المحلات

وما في شئ أسمه موضه لأانه الخامات نفسها يكدسون فيها
و للعلم أفخم و أرقى ماركات الخامات كلاسيك و ما تتغير الا شئ طفيف و لا أكبر بائع أ وخياط أ ولبيس يقول هذي من أي موديل

عندي دشاديش يدد من الفنار المتر الشئ الفلاني تشوفهم أقدم من دشاديشي اللي من 5 سنين ! :)


وسوا جذي حتى مع الأغتر
لأنه الغتر من تحب و تتعود على غترا معينه من الجوده و السعر مسرع ما تخلص و تنقطع من السوق و ما يبون منها و بعدين ينزلك نقشه ثانيه و تقعد كل ما تشتري غترا جديده تتذكر النوعيه و السعر اللي كنت ماخذه من قبل :)

تذكروا ألحين اشتروا الصيفي ;)

من أحسن المحلات مصداقيه هي محلات ابو الحسن سعره واحد و محدد للجميع و عنده من أقل الأسعار الى أعلاها واللي عنده من البياعين كلهم خبره بهالمجال وصارلهم فوق 20 سنه يبيعون بالخامات
يعني مو محل ياييب عماله اليوم يبيعون خامات و قبل كان يصلح ستلايت :)


بالنهايه الله يوفق الجميع
 
التسجيل
4 نوفمبر 2007
المشاركات
1,027
مرات الخام يكون كشميري بس الختم عنجليــــــــزي ويقصون على الناس
 

wooow

عضو نشط
التسجيل
8 يونيو 2008
المشاركات
1,142
بالنسبه لى الخبره اهم من نوعية الخام او صناعته يعنى اذا انت خبره بالحاخامات :p . لا تشترى غالى اهم شى السكبه ويكون رخيص واتعب على الجاكيت
 

الحريه وطن

عضو نشط
التسجيل
31 يوليو 2008
المشاركات
2,022
ياجماعه هجو عن الصيني كهرباء ويتلصق

ياجماعه الرخيص بخيص

وتري مو كل غالي فخم (شريت انجليزي والله ما اذكر سعرها الان بس الخامه طلعت 100دك وفصلتها طبعا عليها ختم ولها ليبل واسم فاخر انا من شفتها دخت حلوه بس لما فصلنها واستعملتها الله لايوريك ماتسوي دينار كهرباء شغاله وتتلصق سيئه وكاهي قاطها بالكبت عايفها
 
أعلى