بوخالد : بوحمد أشوفك مهموم ... علامك؟ عسى ماشر؟
بوحمد : ما شر ياخوك... بس الدنيا تغيرت...
بوخالد : عادي .. هذا شي طبيعي... ما يبت شي جديد... يكون طالع فيها!!
بوحمد : بس وايد تغيرات كانت في الاتجاه المعاكس.. أقصد السلبي...
بوخالد: الاتجاه المعاكس؟؟ تشتغل بالجزيرة حضرتك؟؟
بوحمد: أوه ... ترى اذا بتطيح فيني تدقر وتطنز ماني قاعد وياك
بوخالد: لا أفا عليك ... بس حبيت أضحكك شوي.. اللي يشوفك يقول طالع من عزا واحد يعز عليك
بوحمد: مومني... اتصدق... حتى آنا ماني قادر أفهم شفيني؟؟
بوخالد: لا لا لا .... انت يبيلك مجابل... خلني أقصر الصوت على عمتك نانسي عجرم وأجابلك
بوحمد: عمت عينك انت وياها
بوخالد: يبا لا تزعل اتغشمر... خلاص توبة... ها أها ... هذا بوزي وسديته... وترى الدنيا ما تسوى كل هالزعل... والتغير فيها أمر طبيعي
بوحمد: اي ماعليه... بس مو كل تغير منطقي
بوخالد: شلون يعني؟
بوحمد : ملامح اليوم اختلفت وايد عن ملامح الأمس ... أولويات الأمس... انلغت من قائمة أولويات اليوم... محظورات الأمس صارت مباحات اليوم... والعكس صحيح ... اسباب سعادة الأمس... ماصارت تسبب حتى الابتسامة اليوم ...والشي اللي كان يخنق عبرتك ويكسر خاطرك... هو مثل ماهو... بس للاسف... مو لاقي أحد ينكسر خاطره عليه ولا يعبره بدمعه ... ليش؟؟ شالسالفة؟؟ شصار بالدنيا؟؟
بوخالد: صدقت والله ...مع ان اليوم الحياة أسهل وايد من أول
بوحمد : مو هذا الشي اللي مخلي هذي التغيرات مو منطقية
بوخالد: اليوم التكنولوجيا سهلت الحياة وايد ... السيارة المكيفة توديك وين ما تبي ... تمسك السكان في ايد والايد الثانية ماسكة التلفون... تكلم منوا ومتى ووين ما تبي... بدون حدود...
بوحمد: شفت شلون!! يعني مفروض ماتحاتي أحد من عيالك ... أو ما يفوتك شي
بوخالد : والكمبيوتر والانترنت ... وما أدراك ما فوائد الانترنت...
بوحمد: اي والله ... هذا انت خوش مثال... مو كل اسبوع تشوف خلود وهو بامريكا... شعندك أحسن من جذيه؟؟
بوخالد: تبطل التلفزيون تتابع الدوري الأوروبي... والا برنامج منقول مباشرة من أي مكان في العالم... والا تشوف هالمزايين اللي..
بوحمد: ولليييه... ردينا على الطير ياللي؟؟!
بوخالد يبا توبة ... مو مني ... هذا فالت ( يأشر على لسانه)
بوحمد : عيل تكفا قوللي... شصار بالدنيا عيل؟؟ ليش الناس دايما متضايقين ؟؟ ومالهم خلق شي؟؟ والاعصاب ... اللهم يا كافي ... يتهاوشون مع ذبان خشومهم!!
بوخالد: الصدور ضاقت يابوحمد... محد له خلق الثاني
بوحمد : والكل عينه حارة على اللي عند غيره... محد يحشم لا صلة قرابة ولا جيرة ولا معرفة
بوخالد: يامعود أقلها خل يحشمون بعض بالشارع والا بالاماكن العامة... الكل يخزك بطريقة تــنرفـز... مافيها حيا... والكل يتذمر من كل شي... محد عاجبه لاحاله ولا حال الدنيا
بوحمد: اعوذ بالله !! تهقى كل هذا من شنو؟؟ قل التربية؟؟
بوخالد: والله مادري بس تصدق من كثر التذمر... راحت البركة من كل شي تقريبا... اليوم ما تحس فيه بركة ... الدينار ماعاد فيه بركة... الايام تطوي ولا تحس فيها... نركض ورا الدنيا بين الشغل والبورصة والدواوين... يطير العمر ماتدري شنو سويت فيه
بوحمد: انزين فهمني... وين المنطق؟؟ يوم الدنيا شحيحة... والحياة جاسية... واللقمة صعبة... كل شي كان فيه بركة... يومك طويل.. والدينار له قيمته ...والكل راضي بحاله... حتى لو بات يوعان... اليوم على كل التسهيلات اللي نعيشها ... محد راضي بحاله... وين المنطق؟؟
بوخالد: يامعود .. اليوم على كل هالخير اللي نعيشه... ذمم بعض الناس صارت خور ... لا... وخور مفتح مو عمي... مفتح باللبن
بوحمد: اي والله... هذا اللي يغث... ومافيها ترى ولد خير والا فـقــير ... بس كلٍ بوقته على
بوخالد: واذا سألت الواحد فيهم ... قالك "يامعود ... ردت علي أنا الحين... الدنيا كلها جذيه" لا حيا ولا مستحا
بوحمد:والا يتعذر لك بالاقصاد.. يقولك ثلاث أرباع معاشي أقصاد.... والأقصاد منوا اللي غصبك عليهم؟؟ ايه ... الله يرحمنا برحمته... وين؟ صبر!! بوخالد وين رايح؟
بوخالد: بروح البيت ... غـثـيـتني الله يلوع جبدك... على الأقل حـنت أم خالد أهون من سوالفك الغـثيـثة... في أمان الله
بوحمد : ما شر ياخوك... بس الدنيا تغيرت...
بوخالد : عادي .. هذا شي طبيعي... ما يبت شي جديد... يكون طالع فيها!!
بوحمد : بس وايد تغيرات كانت في الاتجاه المعاكس.. أقصد السلبي...
بوخالد: الاتجاه المعاكس؟؟ تشتغل بالجزيرة حضرتك؟؟
بوحمد: أوه ... ترى اذا بتطيح فيني تدقر وتطنز ماني قاعد وياك
بوخالد: لا أفا عليك ... بس حبيت أضحكك شوي.. اللي يشوفك يقول طالع من عزا واحد يعز عليك
بوحمد: مومني... اتصدق... حتى آنا ماني قادر أفهم شفيني؟؟
بوخالد: لا لا لا .... انت يبيلك مجابل... خلني أقصر الصوت على عمتك نانسي عجرم وأجابلك
بوحمد: عمت عينك انت وياها
بوخالد: يبا لا تزعل اتغشمر... خلاص توبة... ها أها ... هذا بوزي وسديته... وترى الدنيا ما تسوى كل هالزعل... والتغير فيها أمر طبيعي
بوحمد: اي ماعليه... بس مو كل تغير منطقي
بوخالد: شلون يعني؟
بوحمد : ملامح اليوم اختلفت وايد عن ملامح الأمس ... أولويات الأمس... انلغت من قائمة أولويات اليوم... محظورات الأمس صارت مباحات اليوم... والعكس صحيح ... اسباب سعادة الأمس... ماصارت تسبب حتى الابتسامة اليوم ...والشي اللي كان يخنق عبرتك ويكسر خاطرك... هو مثل ماهو... بس للاسف... مو لاقي أحد ينكسر خاطره عليه ولا يعبره بدمعه ... ليش؟؟ شالسالفة؟؟ شصار بالدنيا؟؟
بوخالد: صدقت والله ...مع ان اليوم الحياة أسهل وايد من أول
بوحمد : مو هذا الشي اللي مخلي هذي التغيرات مو منطقية
بوخالد: اليوم التكنولوجيا سهلت الحياة وايد ... السيارة المكيفة توديك وين ما تبي ... تمسك السكان في ايد والايد الثانية ماسكة التلفون... تكلم منوا ومتى ووين ما تبي... بدون حدود...
بوحمد: شفت شلون!! يعني مفروض ماتحاتي أحد من عيالك ... أو ما يفوتك شي
بوخالد : والكمبيوتر والانترنت ... وما أدراك ما فوائد الانترنت...
بوحمد: اي والله ... هذا انت خوش مثال... مو كل اسبوع تشوف خلود وهو بامريكا... شعندك أحسن من جذيه؟؟
بوخالد: تبطل التلفزيون تتابع الدوري الأوروبي... والا برنامج منقول مباشرة من أي مكان في العالم... والا تشوف هالمزايين اللي..
بوحمد: ولليييه... ردينا على الطير ياللي؟؟!
بوخالد يبا توبة ... مو مني ... هذا فالت ( يأشر على لسانه)
بوحمد : عيل تكفا قوللي... شصار بالدنيا عيل؟؟ ليش الناس دايما متضايقين ؟؟ ومالهم خلق شي؟؟ والاعصاب ... اللهم يا كافي ... يتهاوشون مع ذبان خشومهم!!
بوخالد: الصدور ضاقت يابوحمد... محد له خلق الثاني
بوحمد : والكل عينه حارة على اللي عند غيره... محد يحشم لا صلة قرابة ولا جيرة ولا معرفة
بوخالد: يامعود أقلها خل يحشمون بعض بالشارع والا بالاماكن العامة... الكل يخزك بطريقة تــنرفـز... مافيها حيا... والكل يتذمر من كل شي... محد عاجبه لاحاله ولا حال الدنيا
بوحمد: اعوذ بالله !! تهقى كل هذا من شنو؟؟ قل التربية؟؟
بوخالد: والله مادري بس تصدق من كثر التذمر... راحت البركة من كل شي تقريبا... اليوم ما تحس فيه بركة ... الدينار ماعاد فيه بركة... الايام تطوي ولا تحس فيها... نركض ورا الدنيا بين الشغل والبورصة والدواوين... يطير العمر ماتدري شنو سويت فيه
بوحمد: انزين فهمني... وين المنطق؟؟ يوم الدنيا شحيحة... والحياة جاسية... واللقمة صعبة... كل شي كان فيه بركة... يومك طويل.. والدينار له قيمته ...والكل راضي بحاله... حتى لو بات يوعان... اليوم على كل التسهيلات اللي نعيشها ... محد راضي بحاله... وين المنطق؟؟
بوخالد: يامعود .. اليوم على كل هالخير اللي نعيشه... ذمم بعض الناس صارت خور ... لا... وخور مفتح مو عمي... مفتح باللبن
بوحمد: اي والله... هذا اللي يغث... ومافيها ترى ولد خير والا فـقــير ... بس كلٍ بوقته على
بوخالد: واذا سألت الواحد فيهم ... قالك "يامعود ... ردت علي أنا الحين... الدنيا كلها جذيه" لا حيا ولا مستحا
بوحمد:والا يتعذر لك بالاقصاد.. يقولك ثلاث أرباع معاشي أقصاد.... والأقصاد منوا اللي غصبك عليهم؟؟ ايه ... الله يرحمنا برحمته... وين؟ صبر!! بوخالد وين رايح؟
بوخالد: بروح البيت ... غـثـيـتني الله يلوع جبدك... على الأقل حـنت أم خالد أهون من سوالفك الغـثيـثة... في أمان الله
http://www.indexsignal.com/vb/attachment.php?attachmentid=103893&stc=1&d=1226431041
