شحن الطيور

الموضوع في 'إستراحة المنتدى' بواسطة BouFahed, بتاريخ ‏12 نوفمبر 2008.

  1. BouFahed

    BouFahed عضو جديد

    التسجيل:
    ‏10 يناير 2008
    المشاركات:
    178
    عدد الإعجابات:
    0
    مكان الإقامة:
    الكويت
    السلام عليكم ورحمة الله وبركاته ،،،

    عندي صديق كنت ادرس معاه بالولايات المتحده وتركت معاه بعد ان تخرجت رفيق الغربه البغبغاء الخاص بي على ان يتم الترتيب لشحنها للكويت.

    وللأمانه تفاجئة بعدم وجود اي شركه تقوم بالمسؤوليه بالكويت.

    وعليه ارجو من الذي عنده معلومه عن الموضوع ان لا يبخل علي فيها.

    مع تحياتي ،،،

    بو فهـــــــــــد
     
  2. شكير

    شكير عضو جديد

    التسجيل:
    ‏11 ديسمبر 2005
    المشاركات:
    192
    عدد الإعجابات:
    0
    يا خوي سهله روح سوق الطيور بالري وسألهم شلون يشحنون طيورهم
    ونشالله يسعدونك وتفرح بشوفت البغبغاء
     
  3. bou_yousif

    bou_yousif عضو جديد

    التسجيل:
    ‏23 يونيو 2008
    المشاركات:
    109
    عدد الإعجابات:
    0
    مكان الإقامة:
    الــــــكـــــويت



    أخوي بو فهد

    حياك الله ,,,,,,,


    شحن الطيور للكويت عمليه مو سهله و معقده جدا :

    1 - تجيب شهاده من الهيئه العامه للزراعه و الثروه السمكيه اللي بالعميريه , و بستين ألف واسطه و طلبات تعجيزيه يمكن و اكرر يمكن يعطونك اياها !!!

    2 - تجيب اذن استيراد مؤقت من وزارة التجاره اللي بمجمع الوزارات و هذي امرها سهل .

    3 - تخلي صاحبك أهو اللي يشحن الطير من أمريكا بعد ما تحصل على هذه الأذونات مو قبل حتى ما يصادرونه بالكويت !!!

    4 - تخليه يدز مع اوراق الطير شهاده صحيه .

    5 - الطير راح يقعد بالمحجر اللي بالشحن الصادر اسبوع و عليك أكله و شربه كل يوم و راح يقومون بفحص البراز أعزكم الله للتأكد من عدم وجود اعراض أنفلونزا الطيور .

    بصراحه الله يعينك و أنا من رأيي بدل فلوس الشحن و الاوراق و الجمارك و الهيئه تشتري من الكويت و تفك عمرك .

    دمت بخير

    بو يوسف
     
  4. BouFahed

    BouFahed عضو جديد

    التسجيل:
    ‏10 يناير 2008
    المشاركات:
    178
    عدد الإعجابات:
    0
    مكان الإقامة:
    الكويت
    اشكركم يا جماعه على المعلومات والنصيحه وانا بجرب شور الاخ بو يوسف علشان العشره الي بيني وبين البغبغاء واذا ما تمت فلا حول ولا قوه الا بالله العلي العضيم.
     
  5. MTC

    MTC عضو نشط

    التسجيل:
    ‏8 نوفمبر 2006
    المشاركات:
    762
    عدد الإعجابات:
    0
    مكان الإقامة:
    الكويت
    اخوي سهلة انشالله

    خل رفيجك الي هناك يطلع لك شهادة صحية فية + سايتس ضروري بمعني شهاد ة تثبت انة الطير مو منوع تصديرة او الخ .. تعرف ساعات في طيور عليها منع لانها احتمال تنقرظ لكن الكاسكو ماعلية مشكلة انشالله

    وتروح حق الهيئة العامة للزراعة بالري قسم خدمة المواطن ماكنهم يم كراج مرسيدس
    وتودي معاك الاوراق الي راح يدزها صاحبك الله يعينك علي رئيس قسمهم حدة موشي راح تحس انك ياي بتشتري بيت ومعاشك مايسمح ولازم شهود وطلبات وتامين وبلاوي كل هذا راح يخليك تحس فية لكن طول بالك علية لانة يحب الي يعاند وااايد ويقعد يرقصة انتبة منة

    راح يعطيك طلب يقولك وقعة من المراقب بالرابية مكان الهئية الرئيسي عند مراقبهم الاخ حسين نوري عااااد هذا وردة مايرد احد ويساعد الكل ورجل ونعم فية مايرد احد ابدا عكس هذاك
    وتالي تروح حديقة الحيوان تاخذ منهم لمن يهمة الامر انة نوع الطير الي بتيبة ماعلية سايتس
    انتبة تري الامزون اليلو ناااب ممنوع استيرادة علية سايتس اتمني انة طيرك مو امزون
    وتالي تروح للطيب مكانة في الرابية يشوف لك اذا الولايات المتحدة محظورة او لا من استيراد الطيور
    هي انشالله ماعليها شي يوقع لك عالطلب وترجع الري خدمة المواطن تطبع الترخيص وعلية رسوم 2 دينا ر

    بعدها انا اظبطك بشاحن في نيويورك دايم اشحن حمام زينة انا عن طريقة ورجل امين راح يشحنة لك لحد الكويت

    هذي كل المسئلة المطلوبة منك من أ الي ي

    اذ ا احتجت شي تري انا حاظر بس راسلني ع الخاص والامور سهالة انشالله

    شكرا
     
  6. BouFahed

    BouFahed عضو جديد

    التسجيل:
    ‏10 يناير 2008
    المشاركات:
    178
    عدد الإعجابات:
    0
    مكان الإقامة:
    الكويت
    يعطيك العافيه اخوي mtc ، بتوكل على الله وبجرب اخلص الاوراق والله يعيني على هالمشاوير
    اشكرك مره اخرى على طرح المساعده
     
  7. MTC

    MTC عضو نشط

    التسجيل:
    ‏8 نوفمبر 2006
    المشاركات:
    762
    عدد الإعجابات:
    0
    مكان الإقامة:
    الكويت
    ومثل ماقلت لك اخوي بوفهد لما تطلع الترخيص بلغني عشان اعطيك رقم شركة الشحن الي متخصصة في امريكا بهالامور

    وحاظرين لك
     
  8. abo_fahad9

    abo_fahad9 عضو جديد

    التسجيل:
    ‏18 يوليو 2009
    المشاركات:
    328
    عدد الإعجابات:
    0
    مكان الإقامة:
    عروس الخليج
    اخوي ابو فهد الله مكثر الطيور عندنا